فضفضه سياسيه

[خارج عن القانون]

هى كلمه لكل اخوانى
واللى بيهتف حاليا

يسقط يسقط حكم العسكر

هل ياترى هتفت كده برضو ايام حكم العسكر بتاع طنطاوى؟؟

هل يا ترى اللى ماتو فى رابعه بنى ادمين واللى ماتو فى محمد محمود كلاب؟؟

هل يا ترى قولت نعم فى دستور 2012 عشان مقتنع بيه وهتقول لا فى دستور 2013 عشان مش مقتنع بيه؟؟

هل يا ترى معترض دلوقتى ع المحاكمات العسكرية ونسيت ان الاخوان حطوها فى دستور 2012؟؟

هل يا ترى انت بنى ادم وشايف كل الناس بنى ادمين والا شايف بس مؤيدين مرسى هما اللى بنى ادمين والباقى كلاب؟؟

هل يا ترى قولت على جيكا بلطجى وخائن وعميل ؟؟ ومستغرب دلوقتى لما الشعب يقول عليك خاائن وارهابى وعميل؟؟

هل يا ترى انت حاسس انك بنى ادم وليك عقل ؟؟ والا كشخص فى مجموعة اينما يريد قائد المجموعة السير تسير؟؟؟



الخلاصه

اللى هتف ضد العسكر فى 2011 وهتف ضد العسكر فى 2013
بنى آدم

اللى استنكر موت الابرياء فى محمد محمود وموت الابرياء فى رابعة
بنى آدم

اللى رفض الدستور فى 2012 وهيرفضه فى 2013 عشان مش مقتنع بيه ومش عاجبه
بنى آدم

اللى رافض المحاكمات العسكرية شكلا وموضوعا للمدنيين بعيدا عن من فى السلطه
بنى آدم

اللى مقتنع بان كل من هو مصرى جزء فى الوطن وله حقوق بعيدا عن افكاره وانتمائه
بنى آدم

اللى بيؤيد حرية العبير لمؤيدين مرسى او مؤيدين السيسى او المعارضين لكلاهما بدون ان يكفرهم او يخونهم
بنى آدم

اللى ليه دماغه بيسير بيها بعيدا عن اى املاءات خارجيه او حزبيه او عقائدية (شيوخ او قساوسة)
بنى آدم


ياترى انا او انت او هو او هى .. بنى آدم؟؟

[Lamees]

كلمات في الصميم
يا ترى احنا فعلاً بني آدميين
بنحكم عقلنا في تصرفاتنا
ومش بننصاع وراء اراء الآخرين
ربنا يصلح حال هذة البلد
آميين

[ساحر الأحزان]

ارضاء الناس غاية بعيدة المنال عوكاشة

عارف المشكلة عندك هى التمسك والثبات صح او غلط مش مهم اهو بسمع من هنا ومن هنا

وبقراء خبر وبشوف برنامج

وكل واحد بيميل الكفة على التانى

بدون الرجوع لخطائة

السياسة كتير فهمنها غلط

فهمنها انها ملتوف وشومة ولا قنبلة ديناميت ولا تخريب وتدمير

السياسة يعنى اصلح افهم قبل ما اتكلم اتحرى الصدق

اعرف كويس المصلحة العامة فين

مش صوت وتعويل وخلاص

[SiLver Spectra]

[big bốss]

فيه فرق بين البنى آدم الى بيفكر بعقل و بحكمه

و فيه فرق بين الحيوان الى بيساق فقط بدون أدراك

الشعب المصرى حاليآ انقسم الى الاتى بسبب الغباء :_

قادة انقلاب

و حمير

و خرفان

و ارهاب

و داعمى الشرعيه

و المتطرفين

و حاجات غريبه مكنتيش فى مصر قبل 2012

فخلاص اوشكنا على النهايه بعد الاستفتاء على الدستور

و اجراء انتخابات رئاسيه و برمانيه جديده


برافو يا عكش

[نور ونار]

انا شايفه
الدم لونه واحد فى كل حاجه
الدم لونه احمر عند الاخوان
ومش لونه بمبى عند الضباط
احترام الانسان اى كان
انتماءاته
والدم لونه واحد
موضوع قوى بكلمات ناريه
فيض ودى

[DR.SMA]

صحيح يا محمد
بستغرب اوي الي زعلانين على الشباب الي بيموت
وعاديبالنسبه ليهم دم الجنود الي عمالين يروحوا دول
مع ان دول شباب مصر ودول شبابها بردو
والعكس كمان
لما حد بيفرح لما يموت او يتاخد حد من شباب الاخوان او الشرعيه عموما
ويزعلو على موت الجنود
المفروض دول كلهم وطنا
ووقف كل الي بيحصل ده واجب
والدماء دي لازم تقف بأي شكل
لا انا مع السيسي ولا مع الإخوان
لكن الي يستبيح دم اي طرف منهم فهو أكيد بالنسبه ليا مرفوض
حاليا انا رافضه حكم العسكر
ورافضه حكم الإخوان
أنا عايزه حد من الشعب يحكم البلد دي بدون مطلب آخر
بدون جماعه وبدون جيش
حد يحب البلد وبس ..
جميل موضوعك طبعا
منور القسم ..

[Words Whisper]

الموضوع ببساطة
فرق بين عقلية منقادة
وعقلية صاحبة مبدأ
لأن المبدأ مش هيتغير بناء على الأشخاص
لكن أصحاب العقليات المنقادة فدول مهما هتفوا للمبادئ
هما بيهتفوا لشيء مجهول بالنسبة لهم ومش عارفين يعني ايه مبدأ ..~

عايز ترفض أو تقبل أو تعطي حكم
يبئا للفكرة بذاتها مش لمين صاحبها أو دماغك مع مين
بس كدا ..

موضوع جميـــــــــــــل ياأ.عكاشة
المختصر المفيد جدااااااااااااا ..
الله يعطي حضرتك العافية ..
دمت بخير ..


5 ستارز ..

[روح صامتة]

يسقط حكم العسكر ساعتها ودلوقتي .. ودا قلناه ساعتها ودلوقتي بردو
والموضوع جميل ي عكاشة
بس المفروض كمان ما ننساش في خضم كل دا انسانيتنا ودا اللي حبيت انك وضحته ..
لو الناس بس تفكر بعقلها وتبطل تحيز ...
شكرا ع الموضوع
خمس نجوم
ارق تحياتي