مش هادخل الامتحان السنة دى

[دمعه حائره]

اقتباس المشاركة الأصلية كتبت بواسطة اشرف 2006 ايه اللى دخل مرسى فى الموضوع ؟؟؟ وماهى طبيعه الاعتراض المشروع ؟؟ يقدم طلب للحاكم الانقلابى ويقوله هتسيب الحكم وتحترم رائ الشعب ولا هاازعل منك ؟؟؟؟ اللى بيخدم البلد ويفكر فى مصلحتها اكيد البلد هتعوضه وتكرمه ولا يعنى بلاش ناس بقا تروح تحارب وتموت وتبقى شهداء ويفضلوا جنب ولادهم وزوجاتهم احسن ؟؟؟ صاحب القضيه لايفكر بهذا المنطق على الاطلاق .. تضيه سنه احسن مايقعد 60سنه تانى فى ذل وهوان وعبوديه والبلد تتسرق وتعلن افلاسها ويهربوا الفلوس للخارج

مش مرسي هو الشرعيه اللى بيطالبوا بيها لازم لما يرجع ينجحهم كلهم
ولايضيعوا كده على الفاضي وكمان اللى اتخرج يشغله بسرعه
واصلا ليه يضيع سنه هم زمان كانوا لما بيعترضوا كانوا بيسيبوا الامتحان؟
دى فكره جديدة وسلبيه من وجهة نظرى المتضرر الوحيد هو الطالب
انا مش مصدقه انك مقتنع بكده ومصيبه لو كنت لسه بتدرس وناوى تعمل كده
بجد هازعل جدا ويمكن احظرك

[Stop Ana Eltop]

فى البلد دى التعليم زى قلته اصلا ولو انتى صعبان عليكى سنه تضيع من عمرنا ان جيتى للحق احنا بنضيع 16 سنه مش سنه واحده
اما اعتراض الطلاب مش علشان مرسى بحد ذاته هما بيطالبوا بحياه بيطالبوا بسنين يعيشوها بجد
بيطالبوا بكرامه وبعزه مش عاوزين الذل والهوان ايه يفيد التعليم وانا مش هيبقى ليا صوت ايه يفيد وانا فى الاخر وانا رايح اتعلم ممكن اموت وماليش ديه
ليه خساره السنه وانا عمرى كله ضايع اصلا
بس انا بالنسبالى هدخل الامتحان عشان اهلى بس مش اكتر

[اشرف 2006]

اقتباس المشاركة الأصلية كتبت بواسطة دمعه حائره مش مرسي هو الشرعيه اللى بيطالبوا بيها لازم لما يرجع ينجحهم كلهم ولايضيعوا كده على الفاضي وكمان اللى اتخرج يشغله بسرعه واصلا ليه يضيع سنه هم زمان كانوا لما بيعترضوا كانوا بيسيبوا الامتحان؟ دى فكره جديدة وسلبيه من وجهة نظرى المتضرر الوحيد هو الطالب انا مش مصدقه انك مقتنع بكده ومصيبه لو كنت لسه بتدرس وناوى تعمل كده بجد هازعل جدا ويمكن احظرك

انا اللى مش فاهم انتى عايزه الشعب يخضع للانقلاب وقوانينهم ليه ؟؟؟ رئيس جامعه حولها الى ثكنه عسكريه ؟؟ امن الجامعه بيمارس البلطجه على الطلبه ؟؟ دى تبقى جامعه ؟؟؟ الجامعه على ايامنا كان ليها هيبتها واحترامها ومكنش يقدر اى ظابط يعمل اللى بيعمله دلوقتى عارفه ليه ؟؟؟ علشان كنا رجاله ووقفنا وقفه رجاله ... باذن الله كل واحد هياخد حقه ومجهود هؤلاء الشباب الحر لن يضيع هباء

[احساسى صحيح]

لو 80 فى المائه من الطلبه فى جميع انحاء مصر
رفضوا دخول الامتحان يبكون امام الانقلابين حل من اتنين اما يرحلوا
واما اعتبار الطلبه ناجحين لظروف تدخل الاجهزة الامنيه فى الحرم الجامعى
الحكايه ولازم الاهالى تربى فى ابنائها منذ الصغر المبادىء
ان يكون انسان صاحب موقف ومبادىء وليس حرام تضيع سنه من عمرك
عمداء واستاذة كليه الهنسه جامعة القاهره قدموا جميعا استقلاتهم احتجاجا
على ما يحدث فى جامعاتهم .. هل هناك اكبر من ان يستقيل من رزقه واكل عيشه من اجل مبدأ وماذا تكون تلك السنه امام من قدم حياته فداء لوطنه وقضيه مؤمن بها واستشهد وليس مجرد لم يذهب الامتحان
المسئله مبدأ فقط وليس اى شىء اخر
وشكراََ

[دمعه حائره]

اقتباس المشاركة الأصلية كتبت بواسطة stop ana eltop فى البلد دى التعليم زى قلته اصلا ولو انتى صعبان عليكى سنه تضيع من عمرنا ان جيتى للحق احنا بنضيع 16 سنه مش سنه واحده اما اعتراض الطلاب مش علشان مرسى بحد ذاته هما بيطالبوا بحياه بيطالبوا بسنين يعيشوها بجد بيطالبوا بكرامه وبعزه مش عاوزين الذل والهوان ايه يفيد التعليم وانا مش هيبقى ليا صوت ايه يفيد وانا فى الاخر وانا رايح اتعلم ممكن اموت وماليش ديه ليه خساره السنه وانا عمرى كله ضايع اصلا بس انا بالنسبالى هدخل الامتحان عشان اهلى بس مش اكتر

عندك حق فى كل كلامك والصح ان تعدى السنه والامتحان
والمبدأ عادى نطالب بيه زى ماحنا عاوزين
فى النهايه دى بلدنا ومستقبلنا لازم نحافظ عليه والامتحان بعيد عن السياسه
موفقه

[Lost Pearl]

ما انا معترضة و طالبة اهو بس هدخل الامتحانات

مش عشان حد عشان نفسي انا هستفاد ايه لما سنة تضيع و العسكر يمشو

ما انا هكمل سنتي و العسكر يمشو باردو

الموضوع ده منفصل عن ده

و المظاهرات و الاضراب شغال و كل حاجة >> ما عدا ف الامتحانات

و ربنا يهدي اللي هيعمل كدة بقي ،،

تسلمي ع الموضوع يا فتاتي

[دمعه حائره]

اقتباس المشاركة الأصلية كتبت بواسطة اشرف 2006 انا اللى مش فاهم انتى عايزه الشعب يخضع للانقلاب وقوانينهم ليه ؟؟؟ رئيس جامعه حولها الى ثكنه عسكريه ؟؟ امن الجامعه بيمارس البلطجه على الطلبه ؟؟ دى تبقى جامعه ؟؟؟ الجامعه على ايامنا كان ليها هيبتها واحترامها ومكنش يقدر اى ظابط يعمل اللى بيعمله دلوقتى عارفه ليه ؟؟؟ علشان كنا رجاله ووقفنا وقفه رجاله ... باذن الله كل واحد هياخد حقه ومجهود هؤلاء الشباب الحر لن يضيع هباء

انا قولت كده حرام عليك
هوا انت لما تحافظ على مستقبلك تبقى بتخضع للانقلاب
ولابتخضع لافكار مش فى مصلحتك
تلاقيك خلصت دراسه عشان كده بتتكلم من برا المشكله
حلوة كنا رجاله ووقفنا وقفه رجاله ههههههه

[دمعه حائره]

اقتباس المشاركة الأصلية كتبت بواسطة احساسى صحيح لو 80 فى المائه من الطلبه فى جميع انحاء مصر رفضوا دخول الامتحان يبكون امام الانقلابين حل من اتنين اما يرحلوا واما اعتبار الطلبه ناجحين لظروف تدخل الاجهزة الامنيه فى الحرم الجامعى الحكايه ولازم الاهالى تربى فى ابنائها منذ الصغر المبادىء ان يكون انسان صاحب موقف ومبادىء وليس حرام تضيع سنه من عمرك عمداء واستاذة كليه الهنسه جامعة القاهره قدموا جميعا استقلاتهم احتجاجا على ما يحدث فى جامعاتهم .. هل هناك اكبر من ان يستقيل من رزقه واكل عيشه من اجل مبدأ وماذا تكون تلك السنه امام من قدم حياته فداء لوطنه وقضيه مؤمن بها واستشهد وليس مجرد لم يذهب الامتحان المسئله مبدأ فقط وليس اى شىء اخر وشكراََ

كلام سهل لكن عندك استعداد تنفذه على نفسك وقرايبك
لأطبعا عارف يعنى ايه سنه دراسيه
مصاريف مدرسه وكتب ودروس وسنه بيتخلف فيها الطالب تضيع من عمره
القضيه يدافع عنها براحته ويعترض زى ماهو عاوز لكن الامتحان دى جديده
وبتضر مستقبله مش الدوله
نورت

[دمعه حائره]

اقتباس المشاركة الأصلية كتبت بواسطة lost pearl ما انا معترضة و طالبة اهو بس هدخل الامتحانات مش عشان حد عشان نفسي انا هستفاد ايه لما سنة تضيع و العسكر يمشو ما انا هكمل سنتي و العسكر يمشو باردو الموضوع ده منفصل عن ده و المظاهرات و الاضراب شغال و كل حاجة >> ما عدا ف الامتحانات و ربنا يهدي اللي هيعمل كدة بقي ،، تسلمي ع الموضوع يا فتاتي

عين العقل ياريت كلهم يفكروا زيك كده لولتى
لازم نكون جدعان ونحافظ على مستقبلنا ونفضالهم فى الاجازة
نورتينى

[العاشق الذى لم يتب]

الحل بسيط
الدراسة والامتحانات
شيئ والسياسة شيئ تانى
خلينى معترض كيفماشيئ
لكن لابد من الامتحان
وربنايصلح حال الكل
شكرا
منة
بارك الله فيك
تحياتى