فضيحة (الجزيرة مباشر اخوان)

[صمتى كلام]

يا دكتور طارق
مع احترامى ليك
ومش دفاع عن الجزيره
........
نفترض ان الجزيره ذاعت الخبر عبر مراسل وده اكيد
والمراسل جاب النتيجه غلط
مثلا
....
لان بالعقل كده لو الجزيره تقصد هتسفيد ايه كده كده النتيجه هتبان فى نفس اليوم
فى كل مكان
هل الجزيره حابه يبقى شكلها وحش كده عن قصد
اصل نتيجة الانتخابات معروفه مش هتظهر مثلا بعد فتره والجزيزه عايزه تطلل الناس الفتره دى
.......
هتقولى لا عاملها قصد خلاص تبقى الجزيزه بنت ستين كلب وقناه كذابه
...........
ارجع بقى بالشريط ورا كده لحد الانتخابات ايام مرسى وشفيق
شوف لميس الحديدى
كانت بتقول ايه
شوف وائل الابراشى قال ايه
شوف خيرى رمضان قال
لو العين بالعين والسن بالسن
يبقى الاعلام ده كله اعلام فاجر واحنا شعب اهبل قوى
ويستاهل اللى بيحصل معاه
شكرا لك

[احساسى صحيح]

انا تابعت الشريط الخاص بمباشر مصر الان
ما وجدت الخبر إللى انتا كتبت بصدده الموضوع
ع العموم أكيد المراسل إللى بعت الخبر اكيد هو المخطأ
وبعد ما تبينت الجزيرة مسحت الخبر علشان المصداقيه
الجزيره كانت كتبت خبر مره عن نادر بكار انه سافر سرا
وألتقى حكام دبى ,, وبعدها أتصل بكار لتوضيح الموقف
وإنه لم يسافر الى الامارات سرا ولم يلتقى حكام الامارات
فأحترمت الجزيره تكذيبه وأعطت له حريه الدفاع عن نفسه
ثم بالاخر قدمت له أعتذار علنى رغم ان نفيه لا ينفى الخبر ,,
الموضوع ده بسيط يا طارووق وبيحصل فى كبريات القنوات العالميه
نتيجة أعتمادهم على تقصى الاخبار من المراسلين
وأكيد الذى ارسل الخبر هو المخطأ
وطالما القناة صححت تكون قناة محترمه
......
المشكله بقا فى قنوات عطيات إللى أنتا بتشيد بيها وبتعجبك
زى cbc صديقتك لميس إللى سبق انك اشدت بيها
وإللى الناس كلها كانت عارفه أنها من تقود حمله ترشح جمال مبارك
للترشح للانتخابات الرئاسيه قبل الثورة ..
انتا فاكر خبر مقتل الظابط محمد مبروك المسؤل عن ملف الاخوان
وأتهم كل أعلام عطيات بكل أطيافه ان الاخوان هم من قتلوه
ثم تراجعوا وقالوا ان من قتله جماعة انصار السنه
ثم عادوا وقالوا ان احد زملائه هو السبب وهو من خانه ..
حتى هنا فى المنتدى ناس كتير قالوا ان الاخوان هما إللى قتلوه
بناء على كلام أعلام عطيات ولم يعتذر احد
خد الفيديو ده هديه منى وتمعن وأنبسط
بس يا ريت تكمله للاخر هتضحك للصبح ..





بس سؤال حيرنى كتير
انتا ليه مش بتكتب موضوعات عن تسريبات السيسى
ووصول مصر على يديه الى عصر الجاهليه
بدلا ما كل شويه تقول الاعلان الدستور وكأنه لبانه
رغم ان الرئيس ألغاه فى النهايه ..
أنا أتعجب اشد العجب منك بصراحه ,, دايما تتهمنى أنى دجال
وبادخل فى النيات وكلام كبير أوى ..
أنا هفكرك بموقف حصل منك وأسيب الحكم للناس
فاكر لما الرئيس مرسى أصدر الاعلان الدستورى
وبعدها أتيت أنتا وكتبت لوحه على وجهة المنتدى
بتقول / لا للفرعون الجديد
وانا العضو الوحيد إللى أتصدى لك وأجبرك على حذفه
رغم تكرار تهديدك ليا بحظرى على واجهة الاهداءات
ورغم أن مرسى حصن ثلاث قرارات فقط ولم يحصن الرئاسه
وكان الغرض من تحصين القرارت هو منع النظام السابق
برفع دعوه بعشره جنيه يلغى بها أى أستحقاق قادم زى الدستور ومجلس الشعب حتى تمشى عجلة الحياة والبلد تمشى
إلا إن الكُره هو ما يحركك وليس الشفافيه إللى دايما بتدعيها
وانا الحقيقه لا أرى لها أى أثر بتاتاََ
فى حين إذا كنت تدعى الشفافيه كما تقول أن تفعل بالمثل
وكما فعلت مع مرسى وتعلق لوحه تكتب فيها
لا للفرعون السيسى ولا لتحصين مناصب
رغم أن الفارق كبير جداََ بين تحصين قرار وتحصين منصب شخص وجعله فرعون زى ما عملوا فى الدستور
وحصنوا منصب وزير الدفاع وجعله 8 سنوات
بناء على أوامر منه هو شخصياََ
بذمتك هنا مين الفرعون ؟
هو أنتا ماسك فى الاخوان ليه لغاية دلوقت رغم أنهم ليسوا على الساحه ,, أنتا بالظبط شغال زى أعلام عطيات
سايبين مشاكل البلد ونزلين شتايم وأتهامات للاخوان حتى الان
,, هو أنتا مش شايف حالة البلد المزريه ؟

[صمتى كلام]

احييك على موقفك احساسى صحيح
سلم اللسان والقلم
مطلوب رد من طارق

[غريـب ألأطـوآر]

طيب حلو غنيتو ورديتو على بعض بما فيه الكافية

انا معاك انها بتهييس كتير ونقدر نقول بنسبة 50 ف المية تهييس

تحب بقى اعرف ان مش الاخوان بس اللى خرفان واعرفك ان الشعب كله يطلق عليهم كلمة خرفان

لما اجيبلك تهييس مية ف المية على كل القنوات والجرايد اللى ضد الاخوان

يا باشا كله بيهيس على كله والخرفان مش بوجه الكلمة للاخوان هنا بقا

لا للكل مع احترامى برده ليهم لان الكل مغيب اصلا والكل بيتلعب بيه

احنا هنفضل ف التراب وهما فى السما الكل فى الهوا سوا

[Silver Flower]

يمكن الجزيره مش لهدرجه مجنونة
بيصير او بيحصل غلط وين ما كان
هادا مو معناته انه الجزيره مقدسة وما تكزب
كل واحد وفيه عيبه
ليش
الآنه


حتى إحنا كبشر دائماً بندير الأمور على حسب هوانا او اهوانا
والكل اليوم بيغني على ليلاه
حتى الشيوخ او بعضهم ناس بتكفر شغله وناس بتحللها
بتعرفوا ليش. لانه لو إحنا مسلمين كان ما صار فينا هيك

لو مسلمين كان حبينا ل اخواتنا الي بنحبه لأنفسنا
ول حالنا


وطول ما إحنا مبتدعين عن دينا يبقى الي الجااااي أعظم

[رضا التركى]

يا اخوانا مفيش منفذ غير ربنا ثم الجزيرة

يعنى لو مفيش الجزيرة بالله عليكم ممن نتلقى الأخبار

من سى بى سى ولا اون تى فى ولا النهار ولا الحياة ولا المحور

ولا المصرية ولا كل قنوات الاعلام الفاسد

متقفلت كل القنوات الاسلامية الهادفة بدعوى اثارة الفتنة

عايزينا نسمع قنواتهم بس مش هنسمع غير الجزيرة بس

الواحد بيغلى من جواه وعلى شويه هينفجر من الناس المغيبة

أو مش مغيبة اللى شاربة عصير برسيم


اعلام عار على الامة ليس لديه دين ولا ذمة

بالنفاق والحقد تحلوا وأذكر لكم إمام الأئمة

من قال على الحجاب ليس من الشرع والسنة

أتعرفونه من يهزأبالقرآن عليه غضب من الله وغمة

ومنهم من سب علنا يريدون بالسب الوصول للقمة

هذا هو خلق إعلامنا فجورٌ وقذفٌ وشرٌ و نقمة

////////////////////////////////////////////////////////////


عايز افهم الكلام اللى فى الفيديو الآتى معناه ايه

يمكن انا حمار مش بعرف حاجة وهو الاعلام المظبوط كده

[غريـب ألأطـوآر]

اصل طأرق زعلان ان الخبر ملهوش اى اساس من الصحة

بس عادى عنده ان الحلقة يبقى فيها الفاظ ويبقى فيها كلام بيغير تدريجيا من معتقداتنا

لان زى ما فيه ناس واعية بتتفرج فيه ناس بسطاء بيقتنعو باى حاجه

زى قناة الفراعين اللى نازلة تلقيح وسب ف خلق الله ومحدش بيقربلها تقدرو تقولولى ليه

لو على الاخبار اللى ملهاش اى اساس من الصحة وبتقولو انها فضيحة

انا برده اجيبلك فيديوهات بالجملة لكل القنوات قولى قناة اجبلك فيدويهاتها ع طول

وصور وكله انت ما صدقت مسكت خبر كازب ولا اتنين لا انا اجيبلك لكل قناة انت تحددها يا طارق بدل الفيديو خممسة وستة وعشرة

وبرده متبقوش تزعلو لما يتقال هزو ديولكم صباح الفل

قولت لازم اصبح عندك ف التوبيك بقى

تحياتى يا كبير

[SiLver Spectra]

اقتباس المشكله بقا فى قنوات عطيات إللى أنتا بتشيد بيها وبتعجبك زى cbc صديقتك لميس إللى سبق انك اشدت بيها

هاتلي كدا مشاركة او موضوع واحد كنت بشيد فيها بقناة cbc يا مضلل ؟
انا ممكن اجبلك ادلة على تقديسك للجزيرة
و اجبلك اقتباسات ليها بس اظن اني مش محتاج لانك كاتب الكلام دا قريب
لكن انا طالب منك تجيبلي مشاركة او موضوع بمدح فيه ال cbc زي ما ذكرت
و لو مش جبت هيبى في موقف تاني
لان الواحد فاض بيه الكيل من تضليلك

دي اول نقطة و مطلوب منك ترد عليها

اما النقطة الاخرى تتعلق بذكرك بوسائل اعلام اخرى
انا مالي بوسائل الاعلام الاخرى دلوقتي ؟ يا سيدي هما ولاد ستين كلب لكن الجزيرة كمان ما تفرقش عنهم
و الجزيرة عموما ليها سقطات كثيرة جدا بالشكل اللي قفشته اول امس و لو عايز تطلع اكثر اعد تابع
على سبيل المثال ..خبر طرد السفير التركي الجزيرة كتبت العنوان بشكل عكسي ..تركيا تطرد السفير المصري ردا على مصر
دا على موقع الجزيرة الرئيسي ..المفروض يتكتب (مصر و تركيا تتبادلان طرد السفراء) أو ( مصر تطرد السفير و تركيا ترد بالمثل)
لكن الجزيرة عشان ليها توجها الغير محايد ..فلازم تبين ان الصفعة على مصر فكان العنوان الرئيسي في اول خبر ( تركيا تطرد السفير المصري) دي برضو حاجه عالسريع ..لو اديتك ملاحظاتي للصبح مش هخلص
بالنسبة للسقيل جو تيوب فدا ايام مرسي كان بينتقد المعارضة ..حقه ..بس بالنسبالي شخصيا مش بتفرج عليه

مستنيك تجيب الرد اللي بيثبت كلامك في اني بشيد بقناة
cbc و الا زي ما ذكرت هيكون في موقف اخر لان دي مش اول مره تشوه و تقول كلام باطل في حقي بتاليف من عندك
او انك تقدم اعتذار لو ماقدرتش تطلع الاثبات دا

[SiLver Spectra]

اقتباس المشاركة الأصلية كتبت بواسطة غريـب ألأطـوآر اصل طأرق زعلان ان الخبر ملهوش اى اساس من الصحة بس عادى عنده ان الحلقة يبقى فيها الفاظ ويبقى فيها كلام بيغير تدريجيا من معتقداتنا لان زى ما فيه ناس واعية بتتفرج فيه ناس بسطاء بيقتنعو باى حاجه زى قناة الفراعين اللى نازلة تلقيح وسب ف خلق الله ومحدش بيقربلها تقدرو تقولولى ليه لو على الاخبار اللى ملهاش اى اساس من الصحة وبتقولو انها فضيحة انا برده اجيبلك فيديوهات بالجملة لكل القنوات قولى قناة اجبلك فيدويهاتها ع طول وصور وكله انت ما صدقت مسكت خبر كازب ولا اتنين لا انا اجيبلك لكل قناة انت تحددها يا طارق بدل الفيديو خممسة وستة وعشرة وبرده متبقوش تزعلو لما يتقال هزو ديولكم صباح الفل قولت لازم اصبح عندك ف التوبيك بقى تحياتى يا كبير

اعمل مواضيع و جيب يا سلام
هو حد حاشك ؟
يعني لما تكتب موضوع معين عن الفساد اقوم رادد عليك و اقولك انت ماتكلمتش عن فان و علان و علان و اعددلك مليون شخصية
هل دا مبرر انك ما تكتبش عن شخص واحد فاسد ؟
ما تكتب مواضيعك و عبر عن نفسك و انتقد السلبيات اللي بتواجهك !!

[SiLver Spectra]

اقتباس المشاركة الأصلية كتبت بواسطة رضا التركى يا اخوانا مفيش منفذ غير ربنا ثم الجزيرة يعنى لو مفيش الجزيرة بالله عليكم ممن نتلقى الأخبار من سى بى سى ولا اون تى فى ولا النهار ولا الحياة ولا المحور ولا المصرية ولا كل قنوات الاعلام الفاسد متقفلت كل القنوات الاسلامية الهادفة بدعوى اثارة الفتنة عايزينا نسمع قنواتهم بس مش هنسمع غير الجزيرة بس الواحد بيغلى من جواه وعلى شويه هينفجر من الناس المغيبة أو مش مغيبة اللى شاربة عصير برسيم اعلام عار على الامة ليس لديه دين ولا ذمة بالنفاق والحقد تحلوا وأذكر لكم إمام الأئمة من قال على الحجاب ليس من الشرع والسنة أتعرفونه من يهزأبالقرآن عليه غضب من الله وغمة ومنهم من سب علنا يريدون بالسب الوصول للقمة هذا هو خلق إعلامنا فجورٌ وقذفٌ وشرٌ و نقمة //////////////////////////////////////////////////////////// عايز افهم الكلام اللى فى الفيديو الآتى معناه ايه يمكن انا حمار مش بعرف حاجة وهو الاعلام المظبوط كده

طيب الاعلام اللي بتتكلم عليه منيل بستين نيلة
بس الاعلام اللي بتقول انه هادف و اسلامي دا كان اعلام فتنه فعلا و لا يختلف عن وساخة اللي تفضلت بذكر اسماءهم
سب و قذف و سباب و بث الكراهية ضد المختلف عنهم
لو دا اعلام اسلامي يبقى دا عار على الاسلام