ترشح مين للأشراف على النقاش

[big bốss]

السلام عليكم

عايز اعرف راي الاعضاء

مين من الاعضاء الى ترشحها للأشراف على قسم النقاش ؟

- انا معنديش اسماء مرشحها

كل واحد يكتب اسم العضو و السبب

[۩۩ elMagic ۩۩]

انت مشرف ممتاز يا نور
بس لو تكبر دماغك شويه وتعرف تسايس أمورك مع الاعضاء
وتشيل الاخوان من دماغك
هتبقى المشرف الممتاز فعلا ..

[ملك جبال الاحزان]

هتعتذل يعنى ولا ايه يا واد
ولا مساعد معاك
ايى كان اهم حااجه وده من رأي يكون محايد فى السيساة بالذات
ميكونش مع اى فصيل
لان بجد الموضوع ده بقا يشكل خلافات كتير اوى فى المنتدى
موفقين بقا
واوعى تعتذل يا واد

[SiLver Spectra]

عاشق متيم .......

[عاشق متيم]

قسم النقاش مش محتاج مشرفين
وعليه مشرفين ممتازين
=====
نور انت مشرف من افضل المشرفين فى المنتدى
وواحد من اسباب نجاح قسم الاشراف وجعله انشط قسم فى المنتدى
ومش عاوز لحظه غضب تنرفزك
وبالتوفيق يا رب

[big bốss]

اقتباس المشاركة الأصلية كتبت بواسطة ۩۩ elmagic ۩۩ انت مشرف ممتاز يا نور بس لو تكبر دماغك شويه وتعرف تسايس أمورك مع الاعضاء وتشيل الاخوان من دماغك هتبقى المشرف الممتاز فعلا ..

انا كدا يا احمد

محبش اى حاجه تكون هرجله قدمى و هسكت عليها لازم النظام غير كدا لا

انا محايد جدآ و المحذوف قدامك كتير للطرفين

و الاخوان مش فارقين معايا و لا شغلين دماغى

لان هشغل دماغى بحاجه صحيح او تستحق

مقلتيش هترشح مين ؟

[-esraa-]

أنا شايفة انكوا مشرفين ممتازين وشايفين شغلكوا على أجمل وجه

مش محتاج مشرف على القسم غيرك انت وايمي ..

[big bốss]

اقتباس المشاركة الأصلية كتبت بواسطة ملك جبال الاحزان هتعتذل يعنى ولا ايه يا واد ولا مساعد معاك ايى كان اهم حااجه وده من رأي يكون محايد فى السيساة بالذات ميكونش مع اى فصيل لان بجد الموضوع ده بقا يشكل خلافات كتير اوى فى المنتدى موفقين بقا واوعى تعتذل يا واد

رشح اسم يا بنى

[الأميرة رودي]

ايه يانور هتسيب النقاش ولا ايه ؟
انتو ممتازين بصراحه ومجتهدين وشايفين شغلكم
والقسم بقى انشط على ايديكم
وبعدين طبيعه القسم انه يكون فيه خلآفات كتير لانه اسمه النقاش
يعني اختلآف فى وجهات النظر
فطبيعي انك هتلاقي بعض المشادات فى الاراء
انت بقى تقبل الكل وخليك هادي وان شاء الله كل شئ هيكون احسن
ربنا يوفقكم

[احساسى صحيح]

شوف يا نور
انتقاد الناس لك للتصحيح مش انهم عايزين يشيلوك من القسم
الناس عايزين منك حاجه مش لاقينها وكرروها اكتر من مره
يبقى الحاجه دى تحاول تحققها لهم
خاصا انك اتعينت علشان تخدم الاعضاء الرواد للقسم
والله العظيم يا اخى انا احترمك كاخ وزميل ولا اقبل انك تمشى
كل ما اطلبه فقط انك تنكر ذاتك هنا فى القسم وتتعامل مع الجميع بمقياس واحد
يا اخى انا لا امنعك انك تكتب ما تريد او تعبر عما تريد ده حقك زيك زى بقية الاعضاء
ولكن ما تحجر على اراء الاخرين وانا كلامى كله للتقويم وليس للتربص او الابعاد
مطلوب منك تحقق المعادله الصعبه انك تكون شخص واحد لكل المختلفين مع بعض
وده المطلوب علشان نفضل كلنا نحترم بعض ولا نجور على بعض
وانا رأيى انك تكتب رأيك فى الموضوعات السياسيه مثلا فى قسم الاقلام علشان مفيش حد يتهمك
وف الاخر اتمنى لك كل توفيق وبلاش تمشى خليك زى ما انتا ..