اجمد عضو و صاحب التوبيك (مورشو)

[عاشق متيم]

زى ما قلت لك قبل كده يا مورشو
مينفعش تسيب الاشراف باى حال من الاحوال
ومش عاجبنى الاضراب اللى انت عامله وعدم تنزيل مواضيع او ردود
بس انا ملاحظ حاجه
توبيك اعضاء فكسانه والخلاف اللى حصل بعده ونقله لقسم الشكاوى
انت بعدها نزلت مواضيع وكنت نشيط جداااا واعلنت عن حلقات
ضمير عضو ؛ لكن بعد ما عرفت ان المنتدى مش هيبقى
موجود بعد سنتين قلت لنفسك اسيب الاشراف من دلوقتى
علشان مش اكون موجود وقت غرقان تايتنك ( المنتدى ) هههه
===========
صلى على النبى يا مورشو
وسيبك من القرار اللى انت واخده ده
=======
تسلمى استاذه جبل على الاستضافه
بالتوفيق

[ساحر الأحزان]

سبحان من جمع ووفق

جبل بتموت فى جو المشاكل

ومرشو كمان بيحب يولعها يعنى توبيك اتكونت فية جميع العوامل

وهما الاتنين بيحبو الرغى ممكن يرغوا للصبح مهو الرغى فى دمهم .

عايز تترك الاشراف مرشو

اجمعلى مية وخمسين توقيع

وحنحقق طلبك

غير كدة طلبك مرفوض

وانت عارف لية؟

ألى أحب أقولة أن مفيش حد كامل مكمل

وصعب أنك تكون فى مكان والكل على وفاق واحد وأن مفيش تعدد للأراء

أو مفيش نقد كدة مش حتحس بطعم ؟

خلصت خلاص مرشو رغى وقلت كل ألى فى نفسك

مع المحاورة الجديدة ليها مستقبل فى الأستضافات

موفقين

[Mo7aMaD 3aLa2]

مورشو انت مشرف متميز وليك بصمة فـ المنتدى ودى حاجة محدش يقدر ينكرها

انا شايف ان المشكلة بتكمن فـ اختلاف الآراء كل واحد عايز يطبق فكرة لانة شايف ان دة الصح

والعلآج البديهى اللى هيحكم الكل هو صياغة قوانين تمشى على الجميع

واعتقد القوانين الاخيرة اللى نزلتها اسيل تتضمن بند بيكفل النقطة اللى انت عايزها

وبيخلى التحكم الكامل فـ القسم لمشرفى القسم

لكن فـ نفس الوقت لو طلبت الاعفاء من الاشراف اعتقد دة حقك

وبطلب من الادارة تنفيذ طلبك علشان تفضل تشارك معانا ف المنتدى

..

[Stop Ana Eltop]

بصراحه يا مورشو انت بتحب المشاكل زى عينيك اه بس دا مايمنعش انه اليوميات ماتنفعش من غيرك
اما لو مدايق من حاجه فكل حاجه وليها حل وطريقه مش انك تسيب الاشراف هيبقى الحل

استضافه جمييله يا جبل وانا بدأت اخاف من المواضيع والردود الطويله دى لتكون عدوى

[Lamees]

ربنا يهدي النفوس
بس بجد يا مورشو ان شمعة في المنتدى
ولا نقبل ان تنطفي بأي شكل من الأشكال

[حَرفُُ هجآءّ]

اقتباس المشاركة الأصلية كتبت بواسطة mo7amad 3ala2 مورشو انت مشرف متميز وليك بصمة فـ المنتدى ودى حاجة محدش يقدر ينكرها انا شايف ان المشكلة بتكمن فـ اختلاف الآراء كل واحد عايز يطبق فكرة لانة شايف ان دة الصح والعلآج البديهى اللى هيحكم الكل هو صياغة قوانين تمشى على الجميع واعتقد القوانين الاخيرة اللى نزلتها اسيل تتضمن بند بيكفل النقطة اللى انت عايزها وبيخلى التحكم الكامل فـ القسم لمشرفى القسم لكن فـ نفس الوقت لو طلبت الاعفاء من الاشراف اعتقد دة حقك وبطلب من الادارة تنفيذ طلبك علشان تفضل تشارك معانا ف المنتدى ..

والله يا محمد الادارة طلبت حذف البند واتحذف
لكن للاسف اننا كمشرفين مش عارفين ايه دورنا فى المنتدى

[حَرفُُ هجآءّ]

اقتباس عرفنى انا دورى ايه كمشرف وعرف المراقب دورة ايه كمراقب لكن لا دا عارف مطلوب منه ايه والا دا عارف هو بيعمل ايه

للاسف الكلام ده صح
ادام الادارة بتعيين مشرفين ليه مش بتعرفهم ايه صلاحيتهم على القسم
ولا هو المشرف مجرد عضو نشيط فى القسم ؟
وكمان محدش بيقول المراقب ميدخلش لا
بس يدخل فى حدود لو المشرف غلط او المشرف مش موجود
لكن تدخل المراقب اثناء وجود المشرف
بكل بساطه بتدخله ده بيقول للمشرف انت مجرد اسم ولون على القسم

بس حوار جميل جبل

طبعا انا زعلانه على عدم مشاركه مورشووو فى المنتدى
لكنى مع موقفه جدا اللى واخده ده

سورى اذا كان تدخل منى
هو سؤال ايه هى معايير المراقب اللى على اساسها الاداره بتختاره؟

[SiLver Spectra]

المراقب مشرف عام عالاقسام كلها
المشرف مشرف خاص على قسم واحد
وجود الاتنين مكمل و ليس متعارض

المراقب دوره عام اكثر
المشرف متخصص اكثر في قسمه

لكن في النهاية الكل بيندرج في منظومة الطاقم الاداري
دور المراقب لا يلغي دور الاداري كما لا يلغي دور المشرف

لو في استفسار بخصوص حالة معينة معترضه عليها فممكن تراسليني على الخاص او تكتبي في الشكاوي بالتفصيل للنظر فيها

[واد حبيب]

اقتباس دور المراقب لا يلغي دور الاداري كما لا يلغي دور المشرف

طيب لما المراقب يدخل يقفل موضوع واو يحزف ردود في وجود المشرف دخل القسم والموضوع نفسه دي اسمه ايه
يبقا عدم وجود مشرف علي القسم احسن والمراقب يقوم بعمل المشرف طول ما هوه بيدخل يحزف ويقفل في وجود المشرف

[big bốss]

يعنى مستحيل يكون فى عضو كويس ونشيط
واقوله انتا اخر حاجا ليك فى المنتدى
( مشرف ) وفى نفس الوقت
يكون ( مراقب ) اقل منك مجهود وتواجد
ونشاط ويفضل ( مراقب )


- النقطه دى انا متفق معاك فيها و دا نمط لازم يتغير

و نقطة تدخل المراقب و المشرف موجود

برضو غلط

انا متفق معاك فى النقطتين دول و لازم يتغيروا

و معاك انك تقف نشاطك اعتراض على نظام ما

و شكله كدا هيبقى رد الفعل دا

هو القاعده بعد كدا و العرف السائد