مصلح اجتماعي !!

[Lamees]

بسم الله الرحمن الرحيم

في زمانا للاسف تشوف العجب
في ناس بتقول وانا مالي لما تشوف حاجة غلط
وناس تانية لا ازاي تفوت فرصة التدخل وعمل المشاكل
بل وأكثر من ذلك ازاي تفوت فرصة خراب البيوت
يعني انك تشوف حاجة على سيدة ما وتشك في التصرف ده
وتهددها انك هتبلغ زوجها وعامل فيها بقى مصلح الكون
في حين انك اصلاً ممكن تكون مش بتركع ركعة واحدة
ومش يرتاحلك بال الا لما الامر يوصل لزوجها وتتسبب في طلاقها
كمان في ناس كل همها تتبع عورات الغير
يعني مجرد انك تلمح شيء تجري تسأل وتستفسر
ده ليه وعشان ايه ... الخ
ومش يرتاحلك بال غير لما تبلغ فلان وفلان بالأمر
في حين انك ممكن تكون غلطان في توقعاتك وتحرياتك

سؤالي هنا لو شفت غلط من شخص ياترى ابلغ الشخص الاخر
ومن يهمه امرهم ؟؟
وايه رأيك فيمن يتتبع عورات الآخرين ؟؟
وياترى ممكن يكون عليا ذنب لو تركت الأمر دون ابلاغ الآخرين ؟؟
اتمنى تشاركوني
ودي ..~

[كاريزما]

دا اسمه تطفل على الآخرين وحب وشهوة مجنونة على ابتزازهم..
والناس اللى عندها المرض دا ملعونة ليوم الدين..

شكرا على طرحك المميز وفكرك الراقى..

تحياتى..

[داليـــا]

السلام عليكم ورحمة الله وبركاته

للإمام الشافعي أبيات تقول :
نعيبُ زماننَا والعيبُ فينا وما لزمانِنا عيب سوانا
و نهجو ذا الزمان بغير ذنب ولو نطق الزمان لنا هجانا
وليس الذئب يأكل لحم ذئب ويأكل بعضنا بعضا عيانا

اقتباس المشاركة الأصلية كتبت بواسطة ro♥ony سؤالي هنا لو شفت غلط من شخص ياترى ابلغ الشخص الاخر ومن يهمه امرهم ؟؟ عن نفسي قابلت وصادفت أشياء سلبية كتير والحمد لله بتوفيق من ربنا قدرت إني أتكلم مع الشخص الغلطان وأحاول بطريقة طيبة وبإسلوب مش يخليه ينفر مني أو يحس بالخجل كنت بوجهه وبعرفه غلطه بكلمة طيبة وايه رأيك فيمن يتتبع عورات الآخرين ؟؟ هو مش رأي بس هاكتفي بقوله عزّ من قائل يَا أَيُّهَا الَّذِينَ آمَنُوا اجْتَنِبُوا كَثِيراً مِنَ الظَّنِّ إِنَّ بَعْضَ الظَّنِّ إِثْمٌ وَلا تَجَسَّسُوا وَلا يَغْتَبْ بَعْضُكُمْ بَعْضاً أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتاً فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَحِيمٌ) وياترى ممكن يكون عليا ذنب لو تركت الأمر دون ابلاغ الآخرين ؟؟ من قال لآ أعلم فقد أفتى مقدرش أفتي في شيء مش أعرفه خصوصًا لو كان الشيء ده ممكن يمس أعراض ناس الرسول صلى الله عليه وسلم وصانا بالستر لكن مش عارفه لو كان الغلط ده مكرر وممكن يضر حد هل من الجائز الإفصاح عنه ولا لأ بس من وجهة نظري البسيطة وباستفتاء القلب ممكن لو اضطرتنا الظروف اننا نفصح عن الشيء ده يكون لذوي العقل يعني حد عاقل وبعيد عن الطرفين مش يكون حد معروف عنه الفتنة والوقيعة

رآئع وأكثر
امتناني روني

[™Amiliya]

في ناس فعلا كدا وكتير واحيانا في ناس عايزة تعمل الصح يتقلب عليها وع الي بتحاول تكون مصلحة فيها

في اعتقادي الصلح او انك توجه حد او انك تحاول تقوم سلوك حد لازم يكون عندك حكمة وخبرة معينة

لان في كلام يتقال مش اي حد يقدر يطلعو ولا اي موقف يستوعبه فلازم تكون عندنا قدرة معينة لكدا

وحاجة تانية معتقدش في حد مبيجبش في سيرة الناس بس كل واحد ونيته وطريقته وهدفه

وحاجة كمان في ناس اتعودت تتدخل في مالا يعنيها فبتلاقى مالا يرضيها
وان كنا شايفين في الناس عيوب فكلنا عيوب والحمدلله وربنا وحده ساترها عن الاعين
ومن ستر ع مسلم في الدنيا ستره الله في الاخرة
بس لو فهمناها صح اكيد هنبقى ادميين نهتم بشوننا وندع الخلق للخالق

-

تسلمي روني ع التوبيك

[العاشق الذى لم يتب]

من رأى منكم منكرا
فليعيره بيده
ومن لم يستطع فليغيره بلسانه
ومن لم يستطع فليغيره بقلبه وذلك أضعف الإيمان
مش كده ولاأيه يارونى
تحياتى

[big bốss]

هناك أناس يهون التدخل فى شئون الاخريين و معرفة كل شىء عنهم

تتبعآ لهواهم المريض و الغبيث ، هؤلاء مرضى لا أصحاء

للأنسان القويم لا يتدخل فيما لا يعنيه ، و لا يتتبع عورات الاخريين

موضوع قيم رونى

[Lamees]

اقتباس المشاركة الأصلية كتبت بواسطة كاريزما دا اسمه تطفل على الآخرين وحب وشهوة مجنونة على ابتزازهم.. والناس اللى عندها المرض دا ملعونة ليوم الدين.. شكرا على طرحك المميز وفكرك الراقى.. تحياتى..

هو تطفل فعلاً لان هذا الشخص من الممكن انه يكون بيتصرف نفس التصرف
بس لما يعرف عن غيره اي حاجة بيرسم عليهم الاخلاق والحكمة في التصرف
فبيدخل ولكن بطريقة متخلفة تهديد وخلافه

شكراً لمرورك اخي

[Lamees]

اقتباس المشاركة الأصلية كتبت بواسطة داليـــا السلام عليكم ورحمة الله وبركاته للإمام الشافعي أبيات تقول : نعيبُ زماننَا والعيبُ فينا وما لزمانِنا عيب سوانا و نهجو ذا الزمان بغير ذنب ولو نطق الزمان لنا هجانا وليس الذئب يأكل لحم ذئب ويأكل بعضنا بعضا عيانا رآئع وأكثر امتناني روني

معك حق حبيبتي ممكن ان احاول ان اغير هذا التصرف الغلط ولكن
اتحدث مع صاحبة الشأن او اعرفها الصح من الغلط انصحها يعني
لكن اني اهددها وبعدين ابلغ زوجها وفي النهاية اكون سبب في طلاقها ده
أسميه ايه
وممكن زي ما قلتي اني ادخل طرف تاني يتمتع بالحكمة
يحل هذا الغلط ويقومه دون ان اتسبب في ايذاء الناس

نورتيني يا قمر
تسلمي للمرور

[Lamees]

اقتباس المشاركة الأصلية كتبت بواسطة رائحة القهوة في ناس فعلا كدا وكتير واحيانا في ناس عايزة تعمل الصح يتقلب عليها وع الي بتحاول تكون مصلحة فيها في اعتقادي الصلح او انك توجه حد او انك تحاول تقوم سلوك حد لازم يكون عندك حكمة وخبرة معينة لان في كلام يتقال مش اي حد يقدر يطلعو ولا اي موقف يستوعبه فلازم تكون عندنا قدرة معينة لكدا وحاجة تانية معتقدش في حد مبيجبش في سيرة الناس بس كل واحد ونيته وطريقته وهدفه وحاجة كمان في ناس اتعودت تتدخل في مالا يعنيها فبتلاقى مالا يرضيها وان كنا شايفين في الناس عيوب فكلنا عيوب والحمدلله وربنا وحده ساترها عن الاعين ومن ستر ع مسلم في الدنيا ستره الله في الاخرة بس لو فهمناها صح اكيد هنبقى ادميين نهتم بشوننا وندع الخلق للخالق - تسلمي روني ع التوبيك

صح قبل ان نحاول ان نصلح عيوب الغير نصلح عيوبنا
وندع الخلق للخالق
نورتي يا ايمي

[Lamees]

اقتباس المشاركة الأصلية كتبت بواسطة الرجل المتواضع من رأى منكم منكرا فليعيره بيده ومن لم يستطع فليغيره بلسانه ومن لم يستطع فليغيره بقلبه وذلك أضعف الإيمان مش كده ولاأيه يارونى تحياتى

مش لما تكون متأكد انه منكراً
وبعدين مش المفروض اننا نستر
على المسلمين
وندع الخلق للخالق

نورت استاذ رفعت