آراء بنات مصر حول الموضة

[-esraa-]

الموضة :هي مظهر يعبر من خلاله الشخص عن فكرة او للظهور بمظهر جيد او للبروز بين الناس. نرى الآن موضة الملابس من الشباب والبنات من الممكن أن تُعجب بها وغيرك ينبذها لنرى آراء بنات مصر حول الموضة : كوين ميرو: الاول هنقول تعريف الموضه ببساطه هو مظهر بيعبر بيه الشخص عن افكاره وزوقه للاسف فى مصر بقينا بنعبر عن افكار غريبه عننا مثلا زى الولد اللى بيلبس بنطلون ساقط ممكن برا يكون عادى لكن عندنا هنا انا شايفه نقص رجوله اسفه بس دى وجهه نظرى ولا مثلا الالوان الغريبه ولفات الطرح اللى البنات بقيت بتعملها دلوقتى واللى خلت كله شبه بعضه واكنه يونوفرم مش مهم انى البس اجدد حاجه المهم البس اللى يليق عليا ويعكس شخصيتى موري كول: انا بحس ان موضه الشباب والبنات بترجع تاني لأيام زمان ونفس تصاميم الفساتين بتاعت زمان بقت تظهر دلوقتي مفيش جديد ^^ حَرفُُ هجآءّ: اكيد الموضه جميلة لكن بحدود تُقبل ولازم نراعى فيها مجتمعنا الشرقى واخلاقنا وفى رأيى الموضه هى اللبس اللى يليق عليا اكيد بيظهر اجمل وحتى لو مش على الموضه والموضه غالبا ما بتكون مرتبطه بالفنانين او المشاهير اما عن الشباب والبنات بجد بشوف حاجات غريبه اووى سواء فى اللبس او الشعر والمياكب حتى لفات الطرح وفيها اللى ممكن نقبله وفيها المرفوض تماما جبل عالى: رأيي فى الموضة بصراحة بقت عاملة زي السمك لبن تمر هندي مفيش هوية محددة تقليد ف تقليد قليل ونادر اللي بيظبط شكرا حبيبتي ويارب اكون قدرت اوصل وجهة نظري عاشقه للاحلام: والله مش متبعه الموضه ولما بلبس المهم يكون مناسب ليا مش اوفر الأميرة رودي: والله ياسوسو موضوع الموضه ده بقي غلس الاناقه بشكل عام شئ جميل والاهتمام بالمظهر واختيار مايناسب الشخص وشياكته بيكون اجمل واجمل... لكن الأفوره اللى بنشوفها دي بتبقى حاجه مستفزه بعيـدا عن الآلوان اللى تتعب عيوننا فأنا مش بيعجبني أبدا طريقه اللبس نفسها عند الولآد والبنات يعني انا عن نفسي لما بشوف بنت مزوداها فى اللبس الضيق أو الملفت للنظر بكون عاوزه اروح اخنقها وبحترم جدا اللى بتكون شيك وأنيقه بس فى المعقول وبالنسبه للشباب فأنا مش بيعجبني فيهم حاجات معينه زي استخدام الآكسسوارات بشكل مبالغ فيه أو تطويل الشعر برده بشكل مبالغ فيه وحكايه البناطيل اللى دايما ف النازل دي كمان حاجه مكروهه جدا هي دي يمكن السلبيات الموجوده حاليا ف الموضه وربنا يهدي الأحوال انجي_1: موضة غريبة صراحة تلاقي شبان بنطلوناتهم واقعين وتسريحات شعر غريبة ولا تعرفي ادا كان ده شاب ولا بنت موضة البنات بقا بنطلونات مشجرة ولازقة وفيزيون حاجة تكسف مش راضية ابدا عنها حجات غريبة ودخيلة عن المجتمع العربي الاسلامي ده رايي يا قمر Aya 7ekaya: لا انا مش مقتنعه بالموضه الحاليه لانى شايفه انها مخالفه تماما للزى اللى مفرود اكون عليه كمسلمه ودى حاجة مفيش حد ينكرها ممكن يكون الحكم ع الانسان مش بملابسه بس انا بتكلم عن تعاملاتى مع ربنا مش اكتر زى الفيزون مثلا او الالوان الجديده الملفته اما بالنسبه لموضه الشبابا ف مابقاش فى فرق بين لبس الولاد وابنات يعنى الولد بقى يلبس الجينز الضيق زى البنات وده من رايى بيقلل كتير من رجولته هذه كانت آراء بعض أعضائنا نشكركم .. وانتظرونا مرة أخرى مع آراء حول ......

[حالمة باميرى]

فعلا الموضة راحت عليها
مشكورة يا قمر حلقة حلوة واستضافة احلى بالتوفيق ليكى

[Reem♡A|❀]

جممميلةة ارأئكم ومستنين باقى البنوتـأإت

[انجي_1]

ههههههههههههههههه
فكرتيني يا اسراء
بالبرامج التلفزية

اما يقول لك
نروح نشوف راي الشارع

ههههههههههههههه

وانا بشوف الاراء افتكرت نفسي كاني ف الشارع وانتي صحفية بتاخدي رايي
ههههههههههههه

حلوة الفكرة

[الأميرة رودي]

الآراء كلها تقريبا متفقه على شئ واحد وهو ان الموضه بعدت تماما عن أصولها اللى هي بتعتمد على الآناقه والاهتمام بالمظهر
مش التقاليع الغريبه اللى بنشوفها من الولآد والبنات !!
توبيك جميل جدا اسراءء وتجميعه اراء هايله
تسلم ايدك حبيبتي

[توحد ارواح]

فعلا اراء جميله ووجهة نظر يعتد بها
تسلمى ع المجهود الرائع
تحيتى

[انوثة طاغية]

الموضة شي حلو بس لازم تكون بحدود من غير لباس قصير وهيك
لأنو هذا بيعتبر خلاف للشريعة الاسلامية مما يؤدي الى مصائب كثييرة
المهم مشكوورة ع الفكرة
وطبعا الاراء بتختلف من كل شخص

[-esraa-]

اقتباس المشاركة الأصلية كتبت بواسطة انجي_1 ههههههههههههههههه فكرتيني يا اسراء بالبرامج التلفزية اما يقول لك نروح نشوف راي الشارع ههههههههههههههه وانا بشوف الاراء افتكرت نفسي كاني ف الشارع وانتي صحفية بتاخدي رايي ههههههههههههه حلوة الفكرة

ههههههههههههههه تصدقي صح
لا وكمان لاحظي التوبيك كله بالفصحى = ))
منورة يا جميلة : )

[-esraa-]

منورين يا بنات بآرائكم الجميلة ^^

[انجي_1]

اقتباس المشاركة الأصلية كتبت بواسطة -esraa- ههههههههههههههه تصدقي صح لا وكمان لاحظي التوبيك كله بالفصحى = )) منورة يا جميلة : )

ههههههههههههههههههههههه
ايون منا ملاحظة
الى الامام يا صديقتي