عفوا ... انا مش مرتبطه

[Stop Ana Eltop]

ازيكم يا اعضاء يا حلوين عاملين اييه دا اول توبيك ليا فى القسم دا واتمنى انه مايبقاش الاخير حبيت اتكلم معاكوا فى موضوع مهم وهو ( الارتـــبـــاطــ ) انا بقيت بتفرج كتير الايام دى على البنات الى بتقول انا مرتبطه والشباب الى بتقول انا مرتبط كنت زمان اعرف انه الارتباط دا يعنى خطوبه او جواز غير كدا يبقى لعب عيال من حوالى 4 او 5 سنين امى كانت بتقولى يا هبه يابنتى الى يمشى مع بنت عمره مايتجوزها عمره مايثق فيها ولا يختارها ام عياله لانها زى ماكلمته تكلم الف غيره وهو لما يجى يتجوز بيختار غيرها لانه بيبقى عاوز واحده محترمه انا عرفت المبدأ دا من زمان واتربيت عليه بس لما كبرت وبدأت ادرك الامور حوليا عرفت انه بقا العكس يعنى 3 / 4 من الشباب مابيتجوزش الا قبل مايمشى مع البت بتاع 3 او 4 سنين ويخطبها سنتين ويتجوزها 6 شهور ويطلقها ( ماشين بمبدأ لازم افهمها قبل ما اتجوزها ) هى الامور اتبدلت والحق اتقلب باطل ولا امى كانت شايفه الدنيا غلط وخلتنى اشوفها غلط زيها ؟؟ انا دايما عندى ثقه ويقين انه الى هيحبنى بجد هيبقى عاوز يعيش معايا دنيا واخره يعنى هيحافظ عليا اكترما انا بحافظ على نفسى بلغه تانيه هيتجوزنى مش هيمشى معايا هو ليه وصلنا لمرحلة انه الشباب والبنات فخورين انهم مرتبطين ومصاحبين مع انه دى فضيحه نفسى اسأل اى بنت وماليش دعوه بالشباب لانه الشباب معندهمش لا حياء ولا خوف انما البنات عندها حياء وخوف اكترمن الولد نفسى اسأل البنات انتى عمرك ماتقدرى تكلمى الولد الى انتى مرتبطه بيه قدام والدك او والدتك مع انك من وجهة نظرك مابتعمليش حاجه غلط طب مابتقدريش ليه ؟؟ سؤال عام للشباب والبنات اذا كنت انت مابتقدرش تكلم الشخص الى انت مرتبط بيه قدام اهلك ازاى بتقدر تكلمه قدام ربنا ؟؟ كتييير لما بشوف مشاعر الحب بين الشباب والبنات بتمنى لو يبقالى حبيب زيهم ونعيش المشاعر دى سوا بس برجع افتكر حاجه طب لو انا عشت المشاعر دى مع شخص ماقدرنيش وخنى وجرحنى هعمل ايه ؟؟ هعيش بقيت عمرى ازاى ؟؟ هثق فى الناس بعد كدا ازاى ؟؟ هقدر احب واتجوز تانى زى كل البنات ؟؟ اعرف واحده صاحبتى فضلت تحب واحد سنتين وصاحبته سنه وبعدين الواد دا قلبها الكلام دا من 3 سنين ولسه لحد دلوقتى عايشه مأساة القصه دى وغيرها وغيرها كتير من البنات الى وراها قصص مختلفه انا مابفرضش على حد انه يعمل حاجه انا مقتنعه بيها او هى الصح من وجهة نظرى ولا بحاول امشى العالم على مزاجى انا بس بعرض وجهة نظرى رساله لكل شاب وكل فيتاه (فتاه يعنى ) مشاعرك وقلبك دول حاجه من اغلى مايكون محدش هيقدر يعوضك عنهم مهما كان ليه تضيعهم على ناس ماتستاهلش من دلوقتى يابنت منك ليها خليكى عارفه انه لو بيحبك بجد هيعمل كل حاجه فى النور والحلال عشان خايف عليكى بجد بيحبك بجد ياشاب منك ليه خليك عارف انه كمان تدين تدان ومسير الى انت عملته فى اى بنت هيتعمل فيك الحياه كاس وداير وحط البنت الى انت بتلعب بيها دى فى مكانة امك او اختك تقبل حد يعمل فيهم كدا يا كل شاب وكل فتاه هتقابلى ربنا ازاى وانت او انتى بتعصوه موقفك هيبقى ايه لو اهلك عرفوا الى انت بتعمله الى انت بتعمله من ورا اهلك اعرف انه هيتعمل فيك وطول ما انت بتلعب بمشاعر ناس تانيه هيجى الى هيلعب بمشاعرك وطول ما انت بتخون ثقة اهلك هيجى الى هيخونك ويوم القيامه مش هتلاقى عذر لافعالك كلمه اخيييره عفوا انا مش مرتبطه عشان ملقتش العبد الى اغضب ربنا علشانه مقدرش اخون ثقة اهلى عشان اولادى فى المستقبل ان شاء الله مايخنوش ثقتى حفاظا على مشاعرى عشان المشاعر مش بالكيلو احتراما للشخص الى ربنا كاتبه ليا عشان هو كمان يحترمنى ( الطيبون للطيبات ) اخيرا وليس اخرا ( احتراما لنفسى ولذاتى فهى اعلى كثيييرا من ان تخضع لشخص لم يعطها اقل تقدير لها ولم يحترمها امام العالم اجمع بان يرتبط بها فى الحلال ) دعــــــــــــــــوه دعوه لكل واحد او واحده بيضحك على نفسه تحت اسم الحب فلتترك القلب جانب ولتحكم عقلك ولتدرك مصيرك الاول الذى يؤدى الى النهايه دمتم فى حفظ الرحمن ( الكلام مش موجه لشخط بعينه بل للجميع بما فيهم انا تحذيرا من المستقبل )

[نور ونار]

الحب من وجهه نظرى آخلآآق
وآى عمل يقل من آحترآمك لنفسك
آكيد مآلوش لاآزمه


stop ana eltop
موضوع مهم فى الاونه الاخيره
منوره القسم ومزيد من الابدآآع
والعطآآء ..

[احساسى صحيح]

الحب اقدار
كلامك فيه بعض المنطق
ولكن لا يجب التعميم فليس اى اتنين تحابا
يكون احدهما غير صادق
والزمن تغير عن زى قبل
الحياة بدون حب لا طعم لها
الحب شىء مقدس فليس لمجرد ان شخص او اتنين كانوا غير جادين
يتم التعميم بالتاكيد يكون الحكم ظالم
الحب شىء والتسالى شىء آخر

موضوع ممتاز وبيمس شريحه كبيره من الناس
تقديرى واحترامى

[Words Whisper]

الرسول عليه الصلاة والسلام قال ::
"إِنِّي قَدْ رُزِقْتُ حُبَّهَا"
وقال ::
"ما رأيت للمتحابين مثل النكاح"
فالرسول عليه الصلاة والسلام لم يًُنكر الحب
وإن اعتبرتِ قوله الأول عن زوجته فقوله الثاني عام
ووصف الرسول عليه السلام الحب بالرزق فهو قدر
إذن الحب بمعناه ليس حراماً ولا عاراً
الحب مشاعر راقية وقدر يكتبه الله
أما ماينطبق عليه الحرام و السوء من عدمه
هو مايترتب عليه من أفعال
فهناك من يعرف كيف يُقدس حرمة الحب و القلوب
وهناك من يُجاوز حده
إذن المسألة ليست الحب وإنما مايتبعه
إضيفي لذلك أنه فرق كبير بين الحب الذي وصفه النبي بالرزق وأنه نعمة وبين العبَث
فالعبث ليس حبا لنطلِق عليه [حب] أو نضعه مع الحب في خانة واحدة
الحب أكثر وقاراً من أن نضعه مع العبث في كفة واحدة ونساوي بينهما في الحديث
ومن يوقر الحب لن يتعامل معه باستهانة ولن يمسَ رقيه بسوء ..

أهلاً بكِ في القسم
موضوعك قيم ..

شاكرة لكِ ..
دمتِ بخير ..

[ساحر الأحزان]

طايب وهل ألى حيخطبها من غير ما يعرف هل هو حيعرف أنة أول شاب بحياتها؟

ولا على شان يرضى نفسة ويمشى ورا المقولة أنت أول واحد بحياتها يأما بلاش؟

الحب مش عيب ولا حرام؟

بسى لة أصول وواجبات أنة مش يكون غرض للتسلية .

وقت ويعدى ويقلك أشوف غيرها

أو هى تقول أشوف غيرة

طالما كل طرف بيحب الأخر بيصدق

فلازم يكون عندة دافع أنة يسلك الطريق الرسمى المتعارف وهو تكوين أسرة ؛

وما أتعامل انها فترة وحتنتهى

لأن شجرة الحب تحتاج ألى من يرويها لكى يتكبر وتنمو وتستمر

موضوع جميل منك

بالتوفيق

[Stop Ana Eltop]

اقتباس المشاركة الأصلية كتبت بواسطة نور ونار الحب من وجهه نظرى آخلآآق وآى عمل يقل من آحترآمك لنفسك آكيد مآلوش لاآزمه stop ana eltop موضوع مهم فى الاونه الاخيره منوره القسم ومزيد من الابدآآع والعطآآء ..

فعلا رائ سلييم

تسلمى على المروور الجمييل

القسم منور بوجودك اكيد

نورتى

[Stop Ana Eltop]

اقتباس المشاركة الأصلية كتبت بواسطة احساسى صحيح الحب اقدار كلامك فيه بعض المنطق ولكن لا يجب التعميم فليس اى اتنين تحابا يكون احدهما غير صادق والزمن تغير عن زى قبل الحياة بدون حب لا طعم لها الحب شىء مقدس فليس لمجرد ان شخص او اتنين كانوا غير جادين يتم التعميم بالتاكيد يكون الحكم ظالم الحب شىء والتسالى شىء آخر موضوع ممتاز وبيمس شريحه كبيره من الناس تقديرى واحترامى

فعلا صدقت الحب من الاشياء الجميله فى الحياه ولا تحلى الحياه الا بوجوده

ولكن اى حب ؟؟

الحب الحرام الى بنشوفه الايام دى بين الشباب والبنات ؟؟

الحب ليه اطار معين الدين محدده ولما خرجنا بره الاطار دا اتحول المعنى الحقيقى للحب
وهو دا الى انا اقصده اننا بدأنا نستخدم الحب غلط

تسلم على المرور الجمييل

نورت

[Stop Ana Eltop]

اقتباس المشاركة الأصلية كتبت بواسطة words whisper الرسول عليه الصلاة والسلام قال :: "إِنِّي قَدْ رُزِقْتُ حُبَّهَا" وقال :: "ما رأيت للمتحابين مثل النكاح" فالرسول عليه الصلاة والسلام لم يًُنكر الحب وإن اعتبرتِ قوله الأول عن زوجته فقوله الثاني عام ووصف الرسول عليه السلام الحب بالرزق فهو قدر إذن الحب بمعناه ليس حراماً ولا عاراً الحب مشاعر راقية وقدر يكتبه الله أما ماينطبق عليه الحرام و السوء من عدمه هو مايترتب عليه من أفعال فهناك من يعرف كيف يُقدس حرمة الحب و القلوب وهناك من يُجاوز حده إذن المسألة ليست الحب وإنما مايتبعه إضيفي لذلك أنه فرق كبير بين الحب الذي وصفه النبي بالرزق وأنه نعمة وبين العبَث فالعبث ليس حبا لنطلِق عليه [حب] أو نضعه مع الحب في خانة واحدة الحب أكثر وقاراً من أن نضعه مع العبث في كفة واحدة ونساوي بينهما في الحديث ومن يوقر الحب لن يتعامل معه باستهانة ولن يمسَ رقيه بسوء .. أهلاً بكِ في القسم موضوعك قيم .. شاكرة لكِ .. دمتِ بخير ..

ردك قيم ومميز جداا

الحب بحد ذاته مش حرام اكييد
بالعكس دا فضل ونعمه من ربنا علينا

انما احنا بنسئ استخدامه الايام دى
وانا زعلانه على شباب وبنات المسلمين انه وصل بيهم الحاله
انهم يعملوا الحرام ويتفاخروا بيه ونسوا اصول دينا ومبادئه

تسلمى على الرد المميز جداا

نورتى

[Stop Ana Eltop]

اقتباس المشاركة الأصلية كتبت بواسطة ساحر الأحزان طايب وهل ألى حيخطبها من غير ما يعرف هل هو حيعرف أنة أول شاب بحياتها؟ ولا على شان يرضى نفسة ويمشى ورا المقولة أنت أول واحد بحياتها يأما بلاش؟ الحب مش عيب ولا حرام؟ بسى لة أصول وواجبات أنة مش يكون غرض للتسلية . وقت ويعدى ويقلك أشوف غيرها أو هى تقول أشوف غيرة طالما كل طرف بيحب الأخر بيصدق فلازم يكون عندة دافع أنة يسلك الطريق الرسمى المتعارف وهو تكوين أسرة ؛ وما أتعامل انها فترة وحتنتهى لأن شجرة الحب تحتاج ألى من يرويها لكى يتكبر وتنمو وتستمر موضوع جميل منك بالتوفيق

الفكره من البدايه غلطيا ساحر المفروض لا هى تصاحب قبله ولا هو يصاحب قبلها
يعنى ايه اساسا صحوبيه وعلاقه مابين بنت وولد مش رسميه تحت مسمى مرتبطين

انا كل وجهة نظرى هى ازاى وصل بينا الحال اننا بقين نفعل الذنب ونجاهر بيه
انا مابقولش الحب حرام او عيب بس احنا وصلنا بيه لدرجة الحرام

الحب لازم يبقى موجود عشان تكوين الاسره اكييد بس الاسره دى مابتجيش بالصحوبيه فهمتنى

تسلم على المرور

نورت

[همسه الجوارح]

الله يـع’ـــطــيكم الع’ــاأإأفــيه ..
.. بنتظـأإأإأر ج’ـــديــــدكم الممـــيز ..
.. تقــبل ــو م’ـــروري ..