إيه رأيك في كلمة موزة

[™Amiliya]

والله يااستاذي انا معرفش معناها الصراحة بس الي اعرفو او وصلني انها بتتقال ع البنت الجميلة
من وجهة نظر الي بيقولها لانه هو ممكن يشوفها كدا وغيرو لا

يعني هي بتوصف شكل حاجة معينة في البنت اعتقد كدا

هي بقا اخلاقية وغير اخلاقية بردو معرفش الصراحة لانها مبقيتش مختصرة ع الصبيان بس بيقولها حتى بسمعها

من البنات بيقولها لبعض او يقلها ع وحدة معدية او وحدة حلوة

دا غير كبار السن كمان بيقولها تخيل

وفي بنات او ستات بتبسطها اوي الكلمة وتحس انها وصلت لذروة السعادة بيها كانها وصف ملكي

وفي ناس رفضاها تماما لعدم فهمها معناها ايه

وفي ناس فهماها ورفضاها لانها بتقلل من كيانهم

بس عموما يعني من وجهة نظري ان الالفاظ الي بتطلع مسيرها تختفي مع الوقت
المهم نفهم معناها الحقيقي قبل منقولها ونتداولها

-

دائما لديك المزيد وننتظر الاكثر منك في المواضيع سلمت عليها

[فتحى عيسى]

اقتباس المشاركة الأصلية كتبت بواسطة جبل عالى حمدالله ع سلامتك بيننا ياقمر والله واسمح لي اشارك مرة تانية أستاذنا الراقي فعلا يانور رأيك في محله جدا ..... بس تعقيبي على كلمة (عادي) هي السبب فيما ننحدر إليه والله وللأسف الشديد تقبلنا للأمور بهذه الــــــ عادي ..... هو الطامة الكبرى فتدريجياً أصبح التجاوز حتى عن أوامر الدين (((عادي))) الله المستعان

وأنا أيضا أكرة تلك الكلمة عادي
لاء مش عادي ولازم نقف قدامها ونرفضها
ونثبت بكل وسيلة إن الغريب والمستحدث مش كله نضيف
ولا كله مستحب ولا مقبول بالمرة
القديرة جبل عالي
أحييك وأهلا بكِ كل الوقت تشرفينا
بوركتِ
مودتي وإحترامي

[دمعه حائره]

كلمه بايخه ومستفزة والغريب ان الشباب فاكرينها حلوة
ومعروف نوعيه البنات اللى طلعت عليهم الكلمه دى فى الاول
واتعممت بعد كده
لو كل بنت عبرت عن رفضها لما حد يقولها كده
اكيد هانقلل من انتشارها
شكرا اخى موضوع مهم

[فتحى عيسى]

اقتباس المشاركة الأصلية كتبت بواسطة بعد المغيب.. لا يتداول تلك الكلمة ..إلا أصحاب العقول الصغيرة ..والنفوس المريضة ..! الذين ينظرون بغرائزهم ولايروا بالمرأة إلا ماتحمله من أنوثة جسدية فقط ..!! ولو تقبلت المرأة أو الفتاة تلك الكلمة فذلك لأن .... الطيور على أشكالها تقعُّ ..! أشكرك أخي الفاضل أنك سلطت الضوء على تلك الكلمة المقيّتة .. مع فائق احترامي وشكري بعد المغيب..

فعلا كما تفضلتي وصف رائع الطيور علي أشكالها تقع
القديرة بعد المغيب
أهلا بك وبتشريفك الراقي دوما
الحاضر بحرفه العالي ورأيه الذي نقدره
شكرا لكِ
بوركتِ
مودتي وإحترامي

[فتحى عيسى]

اقتباس المشاركة الأصلية كتبت بواسطة كاريزما هي كلمة لايحاء غير اخلاقي طبعا لكن العجيب ان كل الناس بقت تستخدمها الاسرة المصريه بقت كووووول ع الاخر

لاء طبعا مش كلها ولا ينفع التعميم
دية كلمة تستخدم صحيح كتير
ولكن فيه شباب وبنات بتستخدمها بحسن نية
وناس بتستعملها بمعناها القذر
وكلامنا هنا عشان نبين لللي نيتة نضيفة
ميستعملهاش تاني
أشكرك علي تشريفك الكريم
وتفاعلك الراقي
مودتي وإحترامي

[فرولة]

هيا بصراحه كلمه بتستفزني جدا بس الفظيع بقي ان البنات كمان بقو بيقولو علي الشاب الجميل في نظرهم مز ...تردي فظيع في الزوق العام وسوء انتقاء للالفاظ والاخر يقولولك احنا شباب فانكي فتلاقي نفسك قدام مصطلح جديد عاوز ترجمه الشباب اليومين دول محتاجين مترجمين علشان نقدرنتواصل معاهم الا من رحم ربي..... انا واحده من الناس حصلي موقف خلاني حرمت اقول اي كلمه معرفش معناها ......

[توحد ارواح]

فعلا وبدون نقاش هى كلمه مش حلوه خالص
ولكن للاسف انتشرت ف الافلام الهابطه
واصبح بعض الشباب يقولها حتى من باب الضحك والهزار
ولكن فى كل الاحوال مش بيستعملها اصلا غير الناس اللوكل اوى
شكرا ع الطرح القيم
دمت بحفظ الله

[Professional]

word makes the girl very happy

[حالمة باميرى]

هى لو فى الشارع يبقا مش كويسة وهتلاقى اغلب الشبا ب والبنات بيقولوها عادى على سبيل الهزار او الضحك بينهم وفى ناس بيبقا غرضها مش كويس
بس هتلاقيها بتتداول عادى بين الناس

[فتحى عيسى]

اقتباس المشاركة الأصلية كتبت بواسطة انسام الورد مصطلح غير لائق وللأسف بيتداولوها بكلامنا والبنات بينادو بعضهم يوم بنت صديقة لتقول لبنتي يا مزّة "بشد حرف ز" اتنرفزت وعملت مشكلة وقمت رحت البيت لا شعوري.. ربنا يصلح الحال ويهديهم مشكوور على اللفتة الرائعة

عشان كده بنلفت النظر ليها وبنسلط عليها الضوء
عشان نتجنب قولها
واللي مش عارف معناها ياخد باله وربنا يهدي
أشكرك علي تشريفك الكريم
وتفاعلك الراقي
بوركت
مودتي وإحترامي