إيه رأيك في كلمة موزة

[|*الــر!يـــق*|]

عادي يعني كملة تعبر عن البت الجميلة
وموز عن الولد الجميل هههههههههه

[|*الــر!يـــق*|]

هههههههههههههه

[سسو]

اقتباس المشاركة الأصلية كتبت بواسطة |*الــر!يـــق*| عادي يعني كملة تعبر عن البت الجميلة وموز عن الولد الجميل هههههههههه

اول مرة اعرف ان الولد بيتقال عليه موز

[فتحى عيسى]

اقتباس المشاركة الأصلية كتبت بواسطة big bốss هى كلمه غير اخلاقيه و غير لائقه لو اتقالت لبنت فى الشارع بس ممكن واحد يقلها لمراته او خطيبته على سبيل الدلع و الاثاره الجماليه و معتقديش فيها حاجه - عادى زى المراه لما تدلع جوزها و تقله ياسبعى يا ضبعى كدا يعنى اما انها تتقال لاى بنت فى الشارع كدا فدا غلط

ياعم البوص فيه كلام وحش كتير عبي شوارعنا وألفاظ مش نضيفة بالمرة
وفعلا بتحرج البنات والستات ولازم نفضل نوعي اللي مش فاهم معناه
لكن ياسبعي ياضبعي برقبة الكلام المخزي ده
ربنا يهدي
أشكرك علي تشريفك الكريم
وتفاعلك الراقي
مودتي وإحترامي

[فتحى عيسى]

اقتباس المشاركة الأصلية كتبت بواسطة رائحة القهوة والله يااستاذي انا معرفش معناها الصراحة بس الي اعرفو او وصلني انها بتتقال ع البنت الجميلة من وجهة نظر الي بيقولها لانه هو ممكن يشوفها كدا وغيرو لا يعني هي بتوصف شكل حاجة معينة في البنت اعتقد كدا هي بقا اخلاقية وغير اخلاقية بردو معرفش الصراحة لانها مبقيتش مختصرة ع الصبيان بس بيقولها حتى بسمعها من البنات بيقولها لبعض او يقلها ع وحدة معدية او وحدة حلوة دا غير كبار السن كمان بيقولها تخيل وفي بنات او ستات بتبسطها اوي الكلمة وتحس انها وصلت لذروة السعادة بيها كانها وصف ملكي وفي ناس رفضاها تماما لعدم فهمها معناها ايه وفي ناس فهماها ورفضاها لانها بتقلل من كيانهم بس عموما يعني من وجهة نظري ان الالفاظ الي بتطلع مسيرها تختفي مع الوقت المهم نفهم معناها الحقيقي قبل منقولها ونتداولها - دائما لديك المزيد وننتظر الاكثر منك في المواضيع سلمت عليها

أنا عارف ومتأكد إن فيه بنات وشباب بيقولوها بحسن نية وعدم معرفة بمغزاها الغير أخلاقي بالمرة تطلق علي نوعية معينة عشان كده حبينا نوضح المعني والقصد من وراها لعلنا نجنب البعض إستعمالها بشكل دايم حتي لو قصده سليم
أشكرك علي تشريفك الكريم
وتفاعلك الراقي برقي شخصك
بوركتِ
مودتي وإحترامي

[فتحى عيسى]

اقتباس المشاركة الأصلية كتبت بواسطة دمعه حائره كلمه بايخه ومستفزة والغريب ان الشباب فاكرينها حلوة ومعروف نوعيه البنات اللى طلعت عليهم الكلمه دى فى الاول واتعممت بعد كده لو كل بنت عبرت عن رفضها لما حد يقولها كده اكيد هانقلل من انتشارها شكرا اخى موضوع مهم

أه والله من أبوخ الكلمات اللي مرت علينا
رغم كم المصطلحات الرذلة اللي انتشرت
زي النار عشان كده لازم ننبه اللي ميعرفش معناه
ونكتب علي قد منقدر يمكن نفيد البعض
أشكرك علي تشريفك الرائع
ورأيك الذي نقدره
بوركتِ
مودتي وإحترامي

[فتحى عيسى]

اقتباس المشاركة الأصلية كتبت بواسطة فرولة هيا بصراحه كلمه بتستفزني جدا بس الفظيع بقي ان البنات كمان بقو بيقولو علي الشاب الجميل في نظرهم مز ...تردي فظيع في الزوق العام وسوء انتقاء للالفاظ والاخر يقولولك احنا شباب فانكي فتلاقي نفسك قدام مصطلح جديد عاوز ترجمه الشباب اليومين دول محتاجين مترجمين علشان نقدرنتواصل معاهم الا من رحم ربي..... انا واحده من الناس حصلي موقف خلاني حرمت اقول اي كلمه معرفش معناها ......

مهيا دية المشكلة إنتشارها بالغباوة دية وللأسف كتير مش عارفين معناها
والألفاظ اللي ملت الشوارع زي ما تفضلتي فانكي وهنتش وديه أجيال بتحب تترك بصمتها بأقوال ومخترعات وألفاظ بس أوحش من الكلمة دية مسمعتش خصوصا من البنات الصغيرة بون فهم او تقدير هزار يعني يبقي لازم التوضيح بإستمرار
شكرا علي تشريفك الكريم
ورأيك الذي نقدره
مودتي وإحترامي

[فتحى عيسى]

اقتباس المشاركة الأصلية كتبت بواسطة توحد ارواح فعلا وبدون نقاش هى كلمه مش حلوه خالص ولكن للاسف انتشرت ف الافلام الهابطه واصبح بعض الشباب يقولها حتى من باب الضحك والهزار ولكن فى كل الاحوال مش بيستعملها اصلا غير الناس اللوكل اوى شكرا ع الطرح القيم دمت بحفظ الله

حتي لو كانت بتتقال بهزار مش مستحبة ولا مقبولة أبدا وفعلا ناس بعينها اللي بتقولها
ولازم نصر علي إنها كلمة اللي يقولها مش محترم ولا بيحترم اللي بيقولهلها
ربنا يهدي
أشكرك علي تشريفك الكريم
وتفاعلك الراقي
مودتي وإحترامي

[فتحى عيسى]

اقتباس المشاركة الأصلية كتبت بواسطة professional word makes the girl very happy

اللي تبقي سعيدة بالكلمة دية حاجة من اتنين لو عارفة معناه تبقي أي كلام
ولو مش عارفة معناها يبقي لازم نفهما إنها كلمة مش حلوة ومعناها وحش
أشكرك