بيان من دار الافتاء بالمنتدى

[عاشق متيم]

بسم الله الرحمن الرحيم

بعد الصراعات الشديده بين الطقم الادارى وسباق كل منهما الى الاستيلاء على منصب
وقيام دمعه حائره بتنصيب نفسها رئيسه وقيام سيلفر سبيكترا بتنصيب نفسه مشير
وضحكوا على الغلبان ساحر الاحزان ؛
هل يجوز شرعا ان يتم تعيين دمعه حائره رئيسه ؟؟؟؟
طبعا هذا غير جائز لانها اكيد هتعين فى كل المناصب بنات وسوف يتم اضطهاد شباب المنتدى
وهنبقى تحت سيطرتهم ؛ هتبقى اكثريه وسيطره على الحكم ؛
وعليه فمن يقوم بالتصويت لدمعه فهو اثم شرعا وحكمه وعقوبته هى الحظر وتجريده من كل اوسمته ومشاركته
------
هل يجوز تعيين سيلفر سبيكترا مشير ؟؟؟؟
طبعا هذا غير جائز شرعا ؛ وتم الاختلاف بين العلماء فى هذا التعيين وانقسموا الى قسمين
القول الاول : لا يستحق الترقيه والمفروض كان يطلع معاش ويعيش الكام يوم اللى فضلين له ؛
بس حب السلطه والمنصب زغلل عنيه وهذ قول الجمهور
القول الثانى : يستحق ان يتم ترقيته ؛ الرجل بقاله 5 سنين تعبان وشقيان والمفروض يتكرم
وهذا هو قول شيوخ السلاطين
وعليه فان القول الراجح هو قول الجمهور
===
حكم من يصوت على تفويض سيلفر رئيس ؟
حكمه انه اثم شرعا لانه سوف يولى امام غير عادل ؛ ولن يرى الاعضاء الحريه بعد هذا اليوم ؛ سوف يقوم بالتخلص من كل اعدائه وسوف يحاكمهم محاكمه ثوريه فى رئيسيه المنتدى وسوف يقوم باعدامهم ؛ غير كده سيلفر لما بيمسك منصب مش بيفرط فيه بسهوله ؛ يعنى ممكن تكون مدته 30 سنه ؛ وبحكم معرفتى بجماعه انصار بيت دمعه ؛ فانهم سوف يقومون باغتيال سيلفر
====
هل يجوز تعيين ساحر الاحزان زعيم ؟؟؟؟
هذا حلال شرعا باتفاق كل اعضاء الامه ؛ ومن وافق على هذا التعيين فهو فى الدرجات العلى ؛ وسوف ياخذ حسنات لا حصر لها ؛ وهذا الذى يصلح ان يكون زعيما على حق
===
وهل انت مؤيد له ؟؟؟
نعم انا مؤيد له ومش ليا اى مصالح ؛ يعنى مش علشان هو وعدنى ان اكون وزير لوحه التحكم ووزير الخزعبلات بقول كده ؛ انا بقول شهاده حق وانا عمرى ما سعيت الى منصب مع ان طموحى مش كان ابقى وزير لان وزير دى قليله عليا بس ساحر حقق حلمى وقام بالانقلاب على هذه الاداره الظالمه التى عشنا تحت حكمها كل عصور الظلام والاضمحلال ؛
ولكن بعد كل ليل اكيد فيه نهار
وغير ساحر الاحزان مفيش خيار
رجل ولا كل الرجال
فى وقت الشدائد اسد مغوار
ومع الاعضاء اخوهم ومفيش بينهم اسرار
وهاهى قطرات الامطار تنزل من السماء فى هذه اللحظه وهذا يدل على الخير والنصر والتأيد ؛ ليه مش مطرت عند اعلان سيلفر او دمعه مناصبهم الجديده ؛ هذا يدل عن ان تعيينهم ليس فيه خير للاعضاء
==========
رئيس لجنه الفتوى الدائمه : عاشق متيم

[دمعه حائره]

عمرنا ماهانتقدم طول مامشرفين الاسلامى بيخلطوا السياسه بالدين
مين قالك انى هاتضطهد الولاد هوا احنا نبقى حاجه من غيرهم
وكل ولد هنا فى المنتدى هانجوزة على ميزانيه المنتدى
واحنا كائنات رقيقه وحاسين بكل فئات الشعب
احنا الاخت والام والرئيسه هههههه
مكنش العشم ياعاشق اوسمتك هاتتسحب منك لو مارجعتش عن دعمك لساحر
ساحر نفسه هايتسحب من هنا لو ماعقلش هههه
وسلملى على الديموكراطيه

[Lost Pearl]

اه يا مصريين بنفتي و نرد على نفسنا

هههههههههههههه كل حاجة جائزة يا عاشق و هنخليك وزير متزعلش نفسك انت

[Safira]

ايه ده ايه ده انت شغال حسنات وسيئات براحتك كدا ليه
كان فاضل تقول
الـ هيأيد دمعه و سيلفر هيخش النار والـ هيأيد ساحر هيخش الجنه
وغير ساحر فعلا مفيش خيار
كدا في بتنجان

[عاشق متيم]

اقتباس المشاركة الأصلية كتبت بواسطة دمعه حائره عمرنا ماهانتقدم طول مامشرفين الاسلامى بيخلطوا السياسه بالدين مين قالك انى هاتضطهد الولاد هوا احنا نبقى حاجه من غيرهم وكل ولد هنا فى المنتدى هانجوزة على ميزانيه المنتدى واحنا كائنات رقيقه وحاسين بكل فئات الشعب احنا الاخت والام والرئيسه هههههه مكنش العشم ياعاشق اوسمتك هاتتسحب منك لو مارجعتش عن دعمك لساحر ساحر نفسه هايتسحب من هنا لو ماعقلش هههه وسلملى على الديموكراطيه

مشرفى الاسلامى اعضاء من ضمن الاعضاء اللى موجوده فى المنتدى
وله الحق ان يدلوا بارائهم ....
اما كل وعودك فلن توفيها ولا هتجوزى شباب ولا بنات
المنتدى كلع عزاب هتجيبوا ميزانيه من فين ؟؟
اللعب على وتر المشاعر لن يفيد ؛ اقولها لن يفيد ؛ اقولها مره ثالثه لن يفيد
وفى اخبار انك قررتى تعزلى من ملف الشخصى
وهتروحى ملف تانى فى مكان غير معلوم
وانا اؤيد ساحر الى اخر الطريق
الرجل بص حواليه وشغل دماغه ووعدنى بمنصب
خلى البنات ينفعوكى

[عاشق متيم]

اقتباس المشاركة الأصلية كتبت بواسطة Lost Pearl اه يا مصريين بنفتي و نرد على نفسنا هههههههههههههه كل حاجة جائزة يا عاشق و هنخليك وزير متزعلش نفسك انت

ما كل الناس بتفتى اشمعنا انا
ووزاره ايه اللى بتتكلمى عليها ؟؟؟
انا عمرى ما هنضم لكم ؛ ازاى مشرفى اسلامى ينتمى لحزب البنات ؛ حزب البنات هم الخاسرون
انا مش ممكن ابيع الرجل اللى وثق فيا وائتمنى ابدا بوزاره ؟؟؟؟
انا عندى اكون رئيس وزراء فى حكومه ساحر ولا وزير فى حكومه دمعه

[عاشق متيم]

اقتباس المشاركة الأصلية كتبت بواسطة Ḿǒǘłĭŋ ايه ده ايه ده انت شغال حسنات وسيئات براحتك كدا ليه كان فاضل تقول الـ هيأيد دمعه و سيلفر هيخش النار والـ هيأيد ساحر هيخش الجنه وغير ساحر فعلا مفيش خيار كدا في بتنجان

هو انتى هتشككى فى علمى الشرعى
ومال المشاركه قلبت خضار كده ليه ؟؟
انتى اكيد مندسه

[حالمة باميرى]

انتوا حيرتونا دخلت دارالافتاء فى الموضوع كدة
بس مش المفروض الازهر ملوش فى السياسة
ويبعد عن المشواردة والا هى كوسة يا حج
لن نتنازل عن منة فى الرئاسة

[Safira]

مندسه لا ياعم خضار ايه انا مش بحب التنجان اصلا

[دمعه حائره]

انت ياعم الفتوى بتاعتك دى مشكوك فيها
وانت واخد مرجعيتك منين الله يكرمك هاتودينا النار
اهدى كده وركز واعرف مصلحتك هاتلاقى راحتك
واحجزلك احلى منصب هنا
المفتى بذات نفسه واحولك اوراق ساحر بعدها