إسرائيل الشقيقة !

[ᗩ ᕼ ᗰ ᕮ ᗪ]

اقتباس المشاركة الأصلية كتبت بواسطة Ѕad Єyes المشكلة هيا حكاية القدوة ! ان كل طرف شايف في نفسه الملاك اللي نازل من السماء وملهوش اخطاء بيمنا لو بص لنفسه هيلاقي رداءه مليان بقع ! متستغربش لو لقيت كل الردود والكلام مقارانات مع مرسي او كلام علي مرسي لانك اللي حطيت الحوار في الجانب دا ما بدأت المقارنه من الاساس واما ذكرت مرسي في اخر الموضوع اكنه كان الوحش اللي قصاده انكسرت شوكه اسرائيل الطبيعي ان اي حد هيتكلم هيذكر الخطاب ( سواء صيغه دبلوماسية او غيره ) لانك اللي دخلت الحكاية دي بالمقارنه الخاصة بيك لو مجرد ذكرت اسرائيل الشقيقة وازاي وليه ومين يرضي وينفع كده هتلاقي الكلام كله بيدين الحكاية دي وبيتهم الناس دي وهكذا لكن مقارنتك اللي بتقصد بيها " فين ايامك يا كذا " دخلت الحوار في الشكل دا المفروض قبل المقارنه مع طرف اخر تكون المقارنه مع النفس المواقف والافعال اللي تمت قبل وبعد سواء الكلام الكثير عن الكيان دا قبل والتجاهل والرسالة بعد ولعلمك لو بتفكر تقولها انا مش تسلم الايادي ! ومش بتابع حاليا سياسه واكيد مش مؤيد لوجود السيسي كرئيس وشايف كمية ظلم كبيرة واقصاء قاسي وتعامل سيئ موجود حاليا وفي نفس الوقت بقولك مفيش حاجة اسمها هيرجع كذا ! محدش بيرجع ومفيش حمص بعد المولد !

انا لم اقصد المقارنة اطلاقاً فى الموضوع
كل الحكاية انه حطيت الجزء الخاص بمرسى كتعبير عن رأيى
وعشان كده مسألتش اى سؤال خاص بمرسى فى اسئلة النقاش
يعنى كان ممكن اقول وما رايك فى موقف مرسي مع اسرائيل؟
او ما رأيك فى رد فعل مرسى ورد فعل النظام الحالى؟

انا لم اخص مرسى بأى سؤال فى اسئلة النقاش
لانى عارف ان فيه ناس كتير هنا
كرههم لمرسى اكتر من حبهم للوطن والدين

شكراً يا اخى على المشاركة
تحياتي

[ᗩ ᕼ ᗰ ᕮ ᗪ]

تم التعديـــل

[SiLver Spectra]

يا ابني ما اجيش انا في موضوع امجد في السيسي و بعدين اقولك ناقشني في امور اخرى غير السيسي !
دا لما اكون انا مش حطيتلك السيسي في الموضوع
لكن مش اقارن و احطه في المقارنة في الموضوع و بعدين اقولك انت عندك فوبيا السيسي !

انا بناقش اخطاء مش اشخاص
فياريت تبعد عن نغمة هتغير نظرتي 180 درجة و ناقش الفكرة
بالنسبة لموضوع اسرائيل ..عمل ايه يعني لما بعت رئيس وزراء ؟ ماكانت الصواريخ نازله على غزة ساعتها برضو . و بالمناسبة انا مش مع التقليل من المواقف لكن دا ردا على تعظيمك و تبجيلك ليها .
بالنسبة لاوباما
اوباما كان عمل دعوى لمرسي و لغاها مش العكس بعد توترات الاعلان الدستوري
بل ان مرسي كان بيقول اننا اصدقاء و محادثات حميمية ساخنة و دافئة مع المذيع و يضحك و بعدين اوباما في لقاء ليه قال ان مصر مش صديق و لا عدو في موقف محرج لينا !
ايران ايه بقى اللي فتح ليهم السياحة و كان عايز يفتحلهم سفارة لولا ضغوط السلفيين !
و لأول مره زار ايران و احمدي نجاد كمان زار مصر !!
يعني بالتشهير ممكن تعمل احلى واجب فيما يخص ايران و انت ما تتوصاش يعني لما اقولك كلمة (شيعة) )
يعني زي ما قولت مثلا كلمة (مصرائيلي) بسهولة ممكن اقولك مرسي المجوسي !!

على فكرة انا بكلمك بطريقتك ..
انا شخصيا لو عايز مواقفي فتقدر تجيبها من مواضيعي و على سبيل المثال فالسياحة الايرانية ماعنديش مشاكل فيها نهائي و كمان فتح سفارة
لكن بصراحة ماينفعش اتكلم مع حد بالمنطق العقلاني دا و هو بيتكلم معاك بمنطق تشهيري تمجيدي اصلا !

ردي شخصيا مع الدبلوماسية و ضد الازدواجية بهدف استعباط الشعب
ادراج حماس كمنظمة ارهابية من قبل القضاء ضده ..اذا كنت اصلا ضد ادراج الاخوان كمنظمة ارهابية ! و دا كتبته في موضوع سابق
و دا مش معناها اني بتوافق مع سياستهم
الانفاق ضدها و دا مش معناها اني مع الحصار ..شوف حلول اخرى وسط كفتح معابر تجارية و اتحرك اتجاها لكن انك تفتح ارضك و تخليها مخرمه من تحت للتهريب فدا ضده طبعا بقدر رفضي للحصار و رفضي لفكرة عدم التحرك في النور من خلال التجارة العلنية ..لكن لازم تفرض رقابتك على كل قشايه بتدخل و بتخرج من ارضك لو كنت عايز تحمي امنها القومي

دي وجهة نظري ..

[ᗩ ᕼ ᗰ ᕮ ᗪ]

عموماً يا طارق انا عدلت الجزء الخاص بمرسي فى الموضوع
عشان محدش بعد كده يخصه بالنقاش ويخرج عن الموضوع الاهم
وعن الاسئلة اللى المفروض النقاش بيدور حولها ده اولاً

ثانياً لو عايزنى ارد على كلامك ده كله ؟
اوك هرد بس مش هنا ومش قبل ما تناقشنى فى صلب الموضوع
وعلى فكرة ده مش هروب بس لانى لو جاوبتك دلوقتى
الموضوع هيتحول بقدرة قادر من اسرائيل الشقيقة لـ ماذا تعرف عن مرسي

تحياتي

[SiLver Spectra]

اقتباس المشاركة الأصلية كتبت بواسطة ᗩ ᕼ ᗰ ᕮ ᗪ عموماً يا طارق انا عدلت الجزء الخاص بمرسي فى الموضوع عشان محدش بعد كده يخصه بالنقاش ويخرج عن الموضوع الاهم وعن الاسئلة اللى المفروض النقاش بيدور حولها ده اولاً ثانياً لو عايزنى ارد على كلامك ده كله ؟ اوك هرد بس مش هنا ومش قبل ما تناقشنى فى صلب الموضوع وعلى فكرة ده مش هروب بس لانى لو جاوبتك دلوقتى الموضوع هيتحول بقدرة قادر من اسرائيل الشقيقة لـ ماذا تعرف عن مرسي تحياتي

مافيش مشكلة و لو تحب اشيل الردود اشيلها طالما عملت تعديلك

[ᗩ ᕼ ᗰ ᕮ ᗪ]

اقتباس المشاركة الأصلية كتبت بواسطة silver spectra مافيش مشكلة و لو تحب اشيل الردود اشيلها طالما عملت تعديلك

لا سيبها لان اكيد فى حد هيجى يرد ويربطلى مرسي برضو بالموضوع
فممكن لما يشوف التعليقات يعرف نقاشنا عن ايه بالظبط

[الآمير العآشق]

كنت احب ادخل بنقاش في موضوعك
لكن للاسف كما قلت انت / فوبيا مرسي !
وبالتالي لن يصل بي النقاش والجدال العقيم مع الغير
الا الي زياده بعد المسافات
بين مؤيد ومعارض

وعشان كوووداا هكتفي بالرد علي اسئلتك..
/
/
هل بالفعل أصبحت إسرائيل "شقيقة" ؟
في ظل وجود السيسي والنظام الحالي ــــــــــــــــــــــــــــــــــ نعـــــــم

هل بالفعل أصبح أمن اسرائيل و استقرارها مسؤلية حكوماتُنا العربية ؟
في ظل وجود السيسي والنظام الحالي ــــــــــــــــــــــــــــــــــ نعـــــــم

هل بالفعل أصبح إقامة دولة الكيان الصهيوني الهدف الرئيسى لنظامنا الحاكم ؟
في ظل وجود السيسي والنظام الحالي ــــــــــــــــــــــــــــــــــ نعـــــــم


ملحوظهـ بسيطهـ: لاحظت انه لايوجد لايك واحد لموضوعك !
رغم انك كنت تقوم بوضع لايك لكل من يقوم بالرد عليك !!
وهو دا كان قصدي بكلمة لن اصل لشي
في النقاش والجدال العقيم في هذا الموضوع
فالكل مثشبث برايه ويرفض الاخر المعارض له بالراي

[انجي_1]

لا هي عمرها ما هتكون دولة شقيقة الى يوم الدين
ولو حصل وسمعت كلام زي ده يبقا هم بيفرضو نفسهم على العرب بس
ولو فرضو نفسهم على الحكومات العربية
عمرهم ما هيقدروا يفرضوا نفسهم على الشعوب العربية
هم دولة وهمية شاؤوا ام ابو
وهيفضل صراعنا معاهم الى يوم تقوم الساعة
تسلم لموضوعك الجميل

[ᗩ ᕼ ᗰ ᕮ ᗪ]

اقتباس المشاركة الأصلية كتبت بواسطة من غير ميعاد كنت احب ادخل بنقاش في موضوعك لكن للاسف كما قلت انت / فوبيا مرسي ! وبالتالي لن يصل بي النقاش والجدال العقيم مع الغير الا الي زياده بعد المسافات بين مؤيد ومعارض وعشان كوووداا هكتفي بالرد علي اسئلتك.. / / هل بالفعل أصبحت إسرائيل "شقيقة" ؟ في ظل وجود السيسي والنظام الحالي ــــــــــــــــــــــــــــــــــ نعـــــــم هل بالفعل أصبح أمن اسرائيل و استقرارها مسؤلية حكوماتُنا العربية ؟ في ظل وجود السيسي والنظام الحالي ــــــــــــــــــــــــــــــــــ نعـــــــم هل بالفعل أصبح إقامة دولة الكيان الصهيوني الهدف الرئيسى لنظامنا الحاكم ؟ في ظل وجود السيسي والنظام الحالي ــــــــــــــــــــــــــــــــــ نعـــــــم ملحوظهـ بسيطهـ: لاحظت انه لايوجد لايك واحد لموضوعك ! رغم انك كنت تقوم بوضع لايك لكل من يقوم بالرد عليك !! وهو دا كان قصدي بكلمة لن اصل لشي في النقاش والجدال العقيم في هذا الموضوع فالكل مثشبث برايه ويرفض الاخر المعارض له بالراي

والله يا ماجد انا اللى اعرفه انك طول ما بتتكلم بواقعيه
ومش بتهرتل فى الكلام او بتغلط او تفترى على حد
يبقى ميهمكش اى حد مهما كان
تعامل بالحديث الشريف "عامل الناس بمثل ما تحب ان يعاملوك"
سواء بقى كان فيه احترام لوجهة نظرك او لا
او حتى كان فيه تقبل لرأيك من الاساس او لا
المهم انك تفضل محافظ على رأيك ووجهة نظرك وتدافع عنهم بكل ود

وبعدين المشكلة مش بس على اللايك اطلاقا
المشكلة اكبر من كده لان فيه أعضاء كتير دخلوا شافوا الموضوع
بدون اى تعليق بسيط عن رأيهم حتى فى عنوان الموضوع مش فى نصه
بقيت احس فعلاً ان كتير بيتجنبوا النقاش فى المواضيع اللى بينتقد فيها النظام الحالى
وده اكيد لانهم عارفين ان الانتقاد صح وفى محلة وهما غلط
بس بيكابروا فى الغلط او مش عايزين يحرجوا نفسهم
على عكس طبعاً نشاطهم فى نفس المواضيع اللى كانت بتنتقد مرسي
كنت تلاقى حتى اللى لا يفقه شئ فى السياسة
داخل الموضوع يقول امين

بس بصراحة ده بيسعدنى كأحمد وبيثبتلى انى فى الطريق الصح
لان المعروف ان الباطل يخشى الحق ودائما يُكسر امامه
فاللهم ثبتنا على الحق

[ᗩ ᕼ ᗰ ᕮ ᗪ]

اقتباس المشاركة الأصلية كتبت بواسطة انجي_1 لا هي عمرها ما هتكون دولة شقيقة الى يوم الدين ولو حصل وسمعت كلام زي ده يبقا هم بيفرضو نفسهم على العرب بس ولو فرضو نفسهم على الحكومات العربية عمرهم ما هيقدروا يفرضوا نفسهم على الشعوب العربية هم دولة وهمية شاؤوا ام ابو وهيفضل صراعنا معاهم الى يوم تقوم الساعة تسلم لموضوعك الجميل

بالفعل هم كذلك ولا نطلق عليهم حتى اسم دولة
بل هو مجرد كيان صهيونى احتلالى يحاول ان يبنى دولته على أرضنا
لكن المشكلة ليست فقط تقتصر على الحكام و الحكومات العربية
لان بعض شعوبنا العربية اصبحت تنساق خلف حُكامها وكأنهم أنبياء مرسلين
ويتغافلون تماماً و"عن قصد" ان هؤلاء الحكام هم أذرع إسرائيل فى المنطقة
ولا يهمهم سوى أمن و استقرار اسرائيل و اقامة دولتها

شكراً على مرورك الكريم
تحياتي