مدونتك فى نظـر الأعضاء مع (Ŗăήćy )

[الأميرة رودي]

أحبائى الحلوين مساءكم ورد وفل وياسمين النهارده ضيفتي انسانه رائعه نقيــه وجميله.. عندها براءها الأطفال ,, زي النسمه فى وجودها وردودها وروحها الحلوه محترمـه جدا وقلبها أبيض مشاركاتها كلها تدل على شخصيتها الواعيه واحترامها تلقائيه وطيبه معايا حبيبتي الغاليه مـرام شوفتى القلوب الكتير دي ههههه أهلا بيكي يامرمر هههههههه اه القلوب عاملة شغل جامد تسلميلى بقى عالكلام الجميل ده,,ربنا يخليكى يارب سعيده بوجودك ف الصفحات انا أسعد على فكرة هنسألك شويه اسئله تخص مدونات الاعضاء بما انك متابعه ممتازه ف القسم قوليلي الاول// بيمثلك ايه قسم الصفحات؟ قسم الصفحات ده انا اول مابدخل المنتدى,,بروح عليه على طول متنفس لكل الاعضاء وسبب بقاء ناس كتير فى المنتدى على فكرة^^ وخلانى اتعرف واقرب لناس كتير هنا دي الاسئله [.. بنظرتك ..] أي المدونات جذبك عنوانها..؟ سماء ثامنة,عندما يبوح القلب باسرارة مدونه تنسجم معها و تحفظ مآ يعجبك فيها لديك ..؟ انا بنسجم مع كل المدونات الى متابعاها بس مش بحفظ اوى يعنى,,هو انا بحفظ المناهج بتاعتى عشان احفظ الى فى الصفحات مدونه تجذبك آلوآنها تنسيقها ..؟ مدونتك,,وميرنا برده كان تنسيقها والواناتها حلوة ميرنا وحشتني أنا كمان والله وبشوفها ع الفيس كتير بس مش بتدخل هنا للآسف وناس تانيه بشوفهم ع الفيس بس بطلو يدخلو هنا ● ● ● [.. داخل المدونات ..] موقف آضحكـ ..؟ خناقة كل يوم قدام غرفة المعلمات : - يلا أنتِ خبطي على الباب وأنا اللي هتكلم - يا سلام لا أنتِ اللي تخبطي - ماتخلي عندك شخصية فيها ايه لما تدخلي انتِ - قولي لنفسك جاية تقوليلي :d - لا أنا معترفة اني معنديش :d يلا ادخلي - طيب احنا نقول واحد .. اتنين .. تلاتة وندخل مع بعض - ليه قاعدين في سباق :d - اخلصي بقى - طيب ايه رأيك تدخلي تستأذني من المعلمة ونكلمها انا وانتِ هنا ما هنتكلم قدام المعلمات صعبة برضو -ماشي يلا ادخلي ناديها - تصدقي انك فتاة تشلي وينتهي العراك ولم ندخل:d # مأساة كل يوم من عند إسراء,,ضحكنى لانه بيحصل معايا كتير برده موقف آحزنك ..؟ # علي سبيل المستحيل نفسي في حضن من بابا ولو لثانية واحدة من عند وفاء مدونه ترسم آلبسمة على ثغركـ عند دخولكـ لها ..؟ كانت مدونة ميرنا"مشاعر متمردة" وبرده سهر بس دلوقتى اتحولت ^^ لكن دلوقتى نقدر نقول إسراء,نادين مدونه يغلب عليها آلحزن ..؟ مدونة ريم"بعض التفاصيل تفرق" مدونه سياسيه من الدرجه الآولى ؟ هو عموماً دلوقتى مافيش ناس كتير بتتكلم فى السياسة بس كان د/طارق-حنون بلاقيهم بيتكلموا كتير عن السياسة مدونه يعجبك اراء وتفكير صاحبها ؟ مدونة دينا "سماء ثامنة",,اسماء,,زينب ................. [.. لمن تقول ..] مدونتك رآإئعه استمر ..؟ كده احنا هانقول لـ ناس كتير بقى يارودى انتى طبعاً-عبد الرحمن-اسماء-زينب-دينا-اسراء-وفاء-عيون مصرية-نادين-احمد ديزرت-ميدو ملك جبال الاحزان-منة-قيثارة الصمت-كوين ميرو-محمد سعد-مورشو-روح صامتة-مسك الشهادة-bright brain samka samir-استثنائية-رنين مميز في آنتقآئك للآبيآت وجميع الاقتباسات ..؟ منة"دمعة حائرة" آضحك آلله سنك ..؟ بس قوليلى الاول يعنى ايه سنك دى ممكن نقولها لـ ريم,,وفاء,,ميدو,,سهر آستمتع كثيرآ وانا اتصفح كتاباتك ..؟ كل الناس الى بدخل مدوناتها دايماً ومتابعاها //////////// [.. آلآقلآم ..] هنآك من الكثير من تكون صفحآتهم بـ آقلآمهم فـ قلم من يعجبك ..؟ كتير والله يارودى يمكن كل الناس الى كتبها فى اول سؤال لـ من تقول هناك اقلام تكتب بطريقه ساخره .. فأى منها يعجبك ؟ مورشو هناك اقلام راقيه تكتب فقط ف الصفحـات ؟ عبد الرحمن..ماحدش بيشوفه بره الصفحات خالص وماشاء الله قلمه مميز تفضل الكتابات العاميه فى المدونات أم الفصحى ؟؟ عادى مش بتفرق معايا الصراحة اهم حاجة الكلام يكون له معنى مش اى كلام كده وخلاص ايه رأيك فى الناس اللى بتنقل ومش بتكتب تحت راق لي عاوزين الضرب مش كده دول عاوزين التعليق على باب المنتدى والمشكلة ان فى ناس كتير بتفتكر انهم الى كاتبين ده بقلمهم وبيكون ليهم متابعين برده ونيجى نشوف الناس الى بتكتب بقلمها,,ماحدش بيعبرها ● ● ● [.. آلعنوآن ..] مآهي آفضل 3 عنآوين ..؟ فى كل دقيقة شخصية ببساطة لسه جوا العتمة ضى //////// [.. لـك يـآصـآحب المدونه..] هل تـحبي من الاعضـآأإء آن يشـآركوآ برد في مدونتك..؟ لا..ودى احلى حاجة فى القسم اصلاً ومارأيك فى غلق صلآحيات الردود على الاخرين ؟؟؟ خلى فى اختلاف وتميز للقسم ده عن باقى الاقسام بماذا تشعري وانت تنفردي بقلمك ونفسك على الصفحات ؟. بشعر بالراحة ماالشئ الذى اردت يوما الافصاح به فى مدونتك ولكنك تراجعتي عنه.. ومالسبب ؟ ممممم ممكن تكون مشكلة قابلتى وماحبتش اقولها لانى عاوزة انساها ومش حابة افتكرها تانى من وجهه نظرك هل هناك سلبيات فى القسم او سياسه الاشراف فيه؟؟ لا خالص ماذا تقترح و تريد اضافته او حذفه من قوانين القسم او لقاعه الصفحات ؟ مافيش حاجة الصراحة اقتراح منك تقترحيه على مشرفات القسم للتطوير من أدائهم ؟ يعنى ممكن مثلاً يفكروا فى مسابقات او يرجعوا مسابقات كانت بتتعمل فى القسم ايام كريم عاصم ممكن ده برده يزيد اكتر من عدد زوار القسم كريم عاصم بالنسبه لشغله ونشاطه داخل القسم معتش هيتعوض ان شاء الله قريب نعمل مسابقات وأنتى بقى أول المشتركين فيها اختر 3 اعضاء ممن لهم مدونات ووجه لهم كلمه او رساله من مرام ؟ اول رسالة هاوجها لـ ميرنا :هاقولها ارجعى يابت بقى وحشتينى عالمنتدى ووحشتنى صفحتك ورغيك فيها..لكن زهقت منك عالفيس الصراحة تانى رسالة لـ ريم وندى "dяєαм..|♥":آسفة جداً لانى مقصرة معاكم ومش بسأل بس انتم فى بالى دايماً والله وشدوا حيلكم فى المذاكرة وماتخلوش اى حاجة تكسركم او تزعلكم لان مافيش حاجة مستاهلة تالت رسالة لـ واحدة كده اسمها رانسى: عايزاكى تشدى حيلك بقى من اول السنة كده زى الشاطرة عشان ماتطلعيش عينى ايام الامتحانات واى حد يشوف البت دى بتقعد كتير عالنت يضربها,,بس مش اوى يعنى بلاش افترا وفى النهايه ايه رأيك ف البرنامج ده والاسئله الخفيفه المطروحه؟ برنامج جميل والله وكنت مستمتعة ومنشكحة وانا بجاوب عالاسئلة ويارب الحلقة تنال إعجاب الاعضاء واكون ضيفة خفيفة عليكم ^_^ كلمه أخيــرة من قلب .....مرام.... لجيرانك فى صفحات مكشوفه ؟ بحبكم كلكم فى الله بجد وبتمنى ليكم كل التوفيق فى حياتكم وان شاء الله زى مالقدر جمعنا فى المنتدى نتجمع تانى مع بعض فى الجنة أمين يارب أشكرك جدااا لقبول الدعوه حبيبتي كل سنه وانتى طيبه ب النجاح والتوفيق فى حياتك وربنا ينجحك ف دراستك ميرسى ليكى ياقلبى,,انا الى بشكرك

[ملك جبال الاحزان]

البرنامج ده تقريبا بقاله شوية حلوين مش بيتعرض صوح ؟
بس تسلم ايدك رودى ومرام ديه حبيبت هارتى الصغيرة
عليها رخامه يارب ما تعدمها ابدا
لانها هى اللى مخليها زى العسل هههههههه
مدونتها جميلة واجابتها حليوة والبرنامج كله على بعضه لذيذ
تسلم ايدك رودى ومش منورة خالص أمرار

[ساحر الأحزان]

اية الاستضافة

الى كلها قلوب

وورود دى

مرام عضوة ودودة

صاحب مدونة جميلة

نورتى مرام

مع رودى

منتظرين الضيف القادم

[-esraa-]

مرام هنا^^..
وعاملة فيها بتذاكري وانت أصﻻ قاعدة
تجاوبي ع الأسئلة
فتاة جميلة ونقية ويعتبرها أختي الصغيورة: )..
تفكيرها جميل وتحسي كده انها واحدة عاقلة بس هي عكس كده
حلقة جميلة تسلمو يا جميلات

[مِسكُ الشَهادة]

حلقة مميزة وبرنامج راقي بفكرته
ومرام من الاعضاء المميزين في المنتدى
اسال الله لها ولك يا سارة بالتوفيق والنجاح
دام تميزك
دمتم بالف خير وسلامة

[جبل عالي]

رنووووووووس بجد انتى عسل وجميلة جدا

حقيقي بحب عفويتك جدا وطيبة قلبك

وبحس انك (بنت جدعة )

ربنا يوفقك دايما ياحبيبة قلبي

بجد برنامج جميل منك يارودي

ومشتاقين لعودة اللمة الحلوة فعلا

تحيتي القلبيه لكم جميعا

[~ NoDa~]

ي سلام عليكِ
حلقة جميلة ي ميروو ي قلبي
انتي ضيفة خفيفة وعسولة اوي
وعجبتني اكتر حاجة الرسايل ال3
انا ال هضربك
نورتي ي جميل
تسلم ايدك ي سارة )
اسئلة حلووة

[دمعه حائره]

استضافه جميله ومرام عسوله ومدونتها جميله زيها
اجاباتك حلوة واخترتى فعلا مدونات ممتازة
تسلمى رودى على الاستضافه والتنسيق الجميل

[الحان الورد]

-

مرام بنوتة رقيقة وزي العسل ،
بحسها أختي الصغيرة بجد ^_^
ربنا يسعدك يا روما ويوفقك إن شاء الله
وبالنسبة لـ تالت شخص انتِ بعتيله رسالة ، فـ انا ببعت نفس الرسالة
وهتعامل زي ماقلتِ بالظبط :d

شكرًا يا رودي ع المجهود
والبرنامج جميل ، متقطعيش بقى ^_^

[العاشق الذى لم يتب]

حمدالله على سلامة البرنامج
وحشنى اوى
ماشاءالله مذيعة وضيفة
قمة فى الروعة
وحلقة حاسس انهاجميلة اوى
مش عارف علشان البرنامج وحشنى
ولارانسى بئا عاملة شغل
بجدكلام جميل وحواراجمل
تحياتى لكما
الرجل المتواضع كان هنا