مسابقه ( أحبك أمي )

[الأميرة رودي]

السلام عليكم مساء الخيرياأجمل أعضاء موعدنا مع المسابقه الخاصه بـ قسم الصفحات الموضوع باين طبعا من عنوانه هتكون المسابقه خاصه بـ [ عيد الأم ] والحقيقه الأم مش محتاجه يوم ولآ العمـر كله يكفيها حب وتقدير منا بس هتكون مساحه صغيـره كعرفان بجميلها هـ تجمعنا كل منا يعبر بأسلوبه عما يجول بخاطره رساله كل منا يحملها بين أضلعه اما رساله حب وانتماء ورضا ودعوات صادقه من القلب أن يعطيها الله الصحه والعافيه.. أو برقيـه شـوق وحنين وفقد إن كانت رحلت.. هديه منك لها قدمها من خلآل المسابقه ان كنت مبدع ف الكتابه أو الشعر أو التصميم أو التصوير ملآحظه :دي مسابقه خاصه بـ قسم الصفحات ( المدونات ) يعني يستوجب على المشتركين يكون لهم مدونات فى القسم لآن المشتركين هيقومو بتنزيل المشاركات المطلوبه منهم التابعه للمسابقه فى موضوع هنا فى قاعه الصفحات عشان تاخد حقها من الردود >> وبعدين تنقلها مدونتك وبعدها هنفتح موضوع تاني مستقل خاص بروابط المشاركات يعني هتجيبلنا رابط المشاركه او رقمها تنزله ف الموضوع اللى هيتم فتحه =========== المطلوب أى شئ انت مبدع وموهوب فيه أى كلمه تقدر تقدمها لها ممكن ( شعر - خاطره(عاميه-فصحى) - مقال - تصميم برقيه - رسمه بقلمك ) المهم يكون الفكره والمضمون لها علآقه بالموضوع... مش هنشترط التنسيق دي حريه شخصيه .. لكن لكتاب الخواطر والشعر والمقالآت لآ يقل عن 10 سطور وسيتم البدء عندما يكتمل عدد مناسب ******** التقييم : التقييم هيكون بلجنه تحكيم على اعلى مستوى من النزاهه ان شاء الله يتم تبليغكم بالاسماء فيما بعد الجوائز : المركز الأول : 250 مشاركه + وسام المركز الأول +5 نجوم سلفريه المركز التاني : 150 مشاركه + وسام المركز التاني + 4 نجوم المركز التالت : 100 مشاركه + وسام المركز التالت +3نجوم وباقي المراكز ينقدم لهم 50 مشاركه + نجمه يعني الكل كسبان منتظره تفاعلكم والاشتراك تحياتنا \\ مشرفات القسم //

[ملك جبال الاحزان]

تمام الفكرة رودى واكيد هيكون فيها نشاط كبير
وانا معاكى هصمم حاجه بسيطة كدة
بس كدة يعنى انا مطلوب منى مشاركة واحده وابقا ابعتهالك صح ؟
بالتوفيق للجميع بقا

[Lamees]

جميلة حبيبتي المسابقة وفكرتها بالفعل نحن لا نحتاج الى يوم واحد فقط
للتعبير عن حب امهاتنا ولكن لابد ان تكون ايامنا كلها اعياد بوجودها معنا
معاكي يا قمر ان شاء الله

[رووكه]

جميله جدااااااا الفكره يا ساسو

كل سنه وكل أم طيبه وربنا يحفظهم ويخليهم لينا

ويرحم كل أمهاتنا اللهم آآمين

معاكى أن شاء الله ربنا يعنى بقآ

تسلمى يا قلبووووو ع المجهود

دعواتى وتقيمى

[الأميرة رودي]

أيون ياميدو
المشاركه هتنزلها فى موضوع مستقل فى قاعه الصفحات
عشان نقدر نرد فيها لآن الصفحات ممنوع فيها الردود
وبعدها ممكن تقتبسها او تنزلها ف صفحتك عادي
وبعدين هبقى افتح موضوع تاني خاص بالروابط عشان اللخبطه وكده
لما تجهز وتنزل تصميمك تقوم جايبلنا رابط المشاركه ف الموضوع الخاص بالروابط
بس كده

[phalsteen]

انا مشتركة يا رودي
احجزيلي مكان بئه

[توحد ارواح]

تسلمى ع الافكار الجميله رودى
انا مش ليا مدونه ولكن هتابع معاكم
لان اى موضوع عن الام مفضل عندى بكل صوره
يدوم النشاط المميز وبالتوفيق للمشتركين

[العاشق الذى لم يتب]

الام تحتاج كل مايملك المرء
ولايكفيها
مسابقة جميلة
والتوفيق لك وللمشتركين
على رأى سما
أحجزيلى معاك ان شاءالله
تحياتى

[ابتسامة الزهر]

جميل جد رودى
حقيقى ماليش مدونة لكنى متابعة
لكى اعيش مع ذكرياتى مع أمى من خلال
اقلام الأعضاء
رحم الله أمى وامهات المسلمين

[booody99]

مجهود رائع منكم ويارب موفقين...

مشترك معاكم ان شاء الله

تحياتي