حدوته مصريه

[همس الحنين]

إيمان وحنان أختين عايشين فى نفس المكان من أب واحد وأم واحده إيمان وحنان تؤم هبه من الرحمن وفى يوم من الايام سألت حنان أختها سؤال هو حاصل طرح 4 من 2 ياترى يساوى كام استغربت حنان وقالت ودى محتاجه حساب حاصل طرح 4 من 2 يساوى 2 طبعا أضايقت إيمان وكررت السؤال واستنت الجواب وكان الجواب بتاع حنان هيساوى 2 من غير كلام وفى هدوء تام جاوبت إيمان حاصل طرح 4 من 2 هيساوى 4 احنا درسنا اتنين واتنين أربعه أختلفوا الاختين دى مصممه على رئيها وكلامها صح ودى مصممه على رئيها ووجتها صح مع إن اصل الارقام كلها الرقم واحد طب والحل أيه علشان نجمع الاختين فكر الاب كتير وأحتار لو وافق أيمان هاتزعل حنان ولو وافق حنان هاتزعل إيمان وبعد طول تفكير جمع الاختين وقال الحل بسيط نلغى من الاعداد الرقم 2 وكمان أربعه وكده مافيش بينكم يكون خلاف بس الامر صعب ومستحيل بس يمكن الامر يهون لانه هايجمع الاختين فكر تانى ووجه لكل واحده فيهم مسأله جمع قال لايمان واحد وواحد يطلع كام قالت 2 من غير كلام وقال لحنان واحد مع واحد وفوقهم واحد وكمان واحد يكون كام طبعا 4 بدون تعليق ضحك الاب وقال يبقى أصل الاعداد هو الرقم واحد وقلب الانسان واحد والعمر كمان واحد وابوكم واحد وربنا واحد طب ماتصلوا على النبى وتوحدوا الواحد ردو الجميع بكل يقين لا اله الا الله اله واحد هى دى حكاية الاختين رغم اختلفهم قدروا يتجمعوا لو فكرنا كلنا بتفكير واحد ووجهنا وجهنا للسماء ونظرنا نظرة عابدِ يوحد الواحد هنعرف إن أصلنا من أ م وأب واحد وصعب نفترق وإحنا إلهنا واحد يا مصرين عادى نختلف ونعترض عادى يكون لكل فينا رئيه وتفكيره بس إحنا فى النهايه فى وطن واحد والوطن مدبوح وبيدعى الواحد يهدى نفوس أبناء الشعب الواحد دا احنا فى النهايه دمنا واحد بقلم همسات فوق القمر

[رنيم.]

الاكيد انه اختلاف الرأي لا يفسد للود قضيه
ومعنى ده مش ازا كنا مختلفين هنبقى اعداء ونشيل من بعض
كل واحد المفروض يحترم رأي الاخر ليتوصلو لرأي يرضي الجميع

يسلموو ياقمر

[نور ونار]

حلو المعنى جدآآ
وقصه شيقه وكمآن فيهآآ
وقع ونغمه بوجود السجع والقافيه
متفرقه هنآ وهنآآك
بس فى خطآ معلشى
طرح4 من2 سالب2
فالاصح طرح 2 من 4
كدآ يتوافق المعنى ..
منوره القسم ياقمر
راقتنى فكرتك .. ولفظيآ استمتعت جدآآ
تحيآآتى ..

[دمعه حائره]

قصه جميله وتحمل معنى مهم جدا ومشكله بنعانى منها
قلمك جميل واسلوبك عجبنى تسلمى

[Reem♡A|❀]

قصةةة حلووؤه اوووى
فعلا تسسلم ايدك
استممرى ومتبعاكى^^

[العاشق الذى لم يتب]

فعلا احنا دمنا واحد ومصريتنا وحدة
ومهما يكون اختلاف بينا
هنفضل مصريين وهنفل واحد
شكرا لك اختى لجميل كلام
كل التحية والتقديرلك
مودتى

[Lamees]

نعاني من الشقاق والبعاد والأختلاف
رغم اننا واحد نعيش في وطن واحد
ندعوا الله ان يهديء الحال
ونعاود التفكير في حالنا لنصلحه
راقي طرحك
منورة القسم

[همس الحنين]

اقتباس المشاركة الأصلية كتبت بواسطة رنيم. الاكيد انه اختلاف الرأي لا يفسد للود قضيه ومعنى ده مش ازا كنا مختلفين هنبقى اعداء ونشيل من بعض كل واحد المفروض يحترم رأي الاخر ليتوصلو لرأي يرضي الجميع يسلموو ياقمر

صح كلامك سا قمر

نختلف ونبقى أخوه

شكرى واحترامى لكى رنيم

[همس الحنين]

اقتباس المشاركة الأصلية كتبت بواسطة نور ونار حلو المعنى جدآآ وقصه شيقه وكمآن فيهآآ وقع ونغمه بوجود السجع والقافيه متفرقه هنآ وهنآآك بس فى خطآ معلشى طرح4 من2 سالب2 فالاصح طرح 2 من 4 كدآ يتوافق المعنى .. منوره القسم ياقمر راقتنى فكرتك .. ولفظيآ استمتعت جدآآ تحيآآتى ..

لا حبيبتى مش خطأ لانى بقصد المعنى

صعب نطرح 2 من اربعه ومع ذلك المخطأ مصر على الخطأ

انا بقصد المعنى لانها مش مسأله حسابيه

القسم منور بوجدك يا قمر

كل شكر واحترامى لكى

[همس الحنين]

اقتباس المشاركة الأصلية كتبت بواسطة دمعه حائره قصه جميله وتحمل معنى مهم جدا ومشكله بنعانى منها قلمك جميل واسلوبك عجبنى تسلمى

شكرا حبيبتى

تشريفك اكبر تكريم لى

تسلمى يا قمر