الجيش المصرى وبناء المساكن والكبارى

[العاشق الذى لم يتب]

السلام عليكم ورحمة الله وبركاته
كيف حالكم ياأحبتى الكرام
طبعا سمعتم معايا
الخبراللى بيقول أن الإمارات العربية المتحدة
وهى بتقول أنامش هعطى المساعدات لمصر
تقصد الفلوس طبعا
غيرللجيش ومش هتعامل غيرمع الجيش المصرى
عمركم سمعتم عن دولة يكون تعاملها مع جيش الدولة
ولايكون مع الدولة ورئيس الدولة
ماعلينا
طيب هل سمعتم عن جيش أى دولة فى العالم كله
سواء فى أمريكا ولاروسيا بإعتبار
أنهم أكبردولتين فى العالم من حيث قوة الجيش وقوة الإقتصاد
ولاحتى أى دولة فى أوربا ولاأسييا ولاأفريقيا
ولابلاد ماوراء البحار
هل سمعتم عن جيش أى دولة فى العالم
أنه هو اللى بيبنى الوحدات السكنية للمواطنين ولايعمل الكبارى
الجيش المصرى الوحيد فى العالم اللى بيعمل كده
تفتكروا الجيش المصرى يتميز عن باقى جيوش العالم
بهذه الاعمال
وتفتكروا الجيش المصرى خلاص ماله مهمة غير
بناء السكن والكبارى
وتفتكروا الجيش المصرى ليه الحق
يتعامل مع الدول الخارجية بعيد عن الدولة
وتفتكروا الجيش المصرى يبقى له أقتصاده وأعماله لوحديه
والجيش المصرى يبقى لوحده حرالتصرف ولاحد يراقبه فى الدولة
دى بعض النقاط
حبيت أتناقش معاكم فيها
وإيه رأيكم فيماذكر اعلاه
أنتظر أراكم وتفاعلكم
مع تحيات
أخوكم
رفعت

[انجي_1]

اعتقد ان مهمة الجيش حماية الوطن والشعب والحاكم
بس لو الدولة معدش فيها امن واتضح ان الحاكم ليس كفؤا لحكم البلاد
هنا على الجيش التدخل في شؤون البلاد
لحماية البلد والشعب
وفي بعض الاحيان لازم من الجيش التدخل في الشؤون الداخلية والخارجية للبلاد في حالة غياب قائد الدولة
والله اعلم
ده رايي المتواضع

[العاشق الذى لم يتب]

اقتباس المشاركة الأصلية كتبت بواسطة انجي_1 اعتقد ان مهمة الجيش حماية الوطن والشعب والحاكم بس لو الدولة معدش فيها امن واتضح ان الحاكم ليس كفؤا لحكم البلاد هنا على الجيش التدخل في شؤون البلاد لحماية البلد والشعب وفي بعض الاحيان لازم من الجيش التدخل في الشؤون الداخلية والخارجية للبلاد في حالة غياب قائد الدولة والله اعلم ده رايي المتواضع

يسلام على رأيك المتواضع
جميل جدا
ووفيتى وكفيتى
تسلمى نوجو
شرفنى مرورك
تحياتى

[AHMED SEVEN]

طبعا ده مينفعش موضوع الامارات ده .. يمكن عايزة تكون بديل للدعم الاميركي بشكل مساعدات للجيش لكن عليها ان تعطي للدولة نفسها فعلا ومش للجيش بس ولو عندها ثقة فى الجيش فقط برده لازم تتعامل مع رئيس الدولة المؤقت واللى هينتخب قريبا

لكن موضوع ان الجيش بيبني مساكن او كباري ده شىء ممتاز وعادي فى ظل شبه الانهيار الاقتصادي

ولو الشرطة عملتها هتبقى حاجة كويسة .. ولو قطاع السياحة لو كان كويس وعمل ده كان هيكون كويس اللى يقدر على شىء يعمله فى هذا الوقت

فيلزم شكرهم

وبعد ما يكون فيه رئيس ثابت طبيعي يكون تعامل كل الدول مع رئيس الدولة ويمنع موضوع المساعدات لجهه معينه ..

رجال الاعمال فى مصر مابعملوش ما يجب عمله بيشتغلوا بس فى المضمون واللى يحقق ليهم مكاسب

تحياتي لك موضوع جميل رفعت ونظرة زكية