باسم يوسف !!

[Mahmoud Mohie]

حاليا قاعد فى قاعة محاضرة .. مادة ثقافية غير مهمة بالمرة
لطالب بكلية هندسة .. غريب اننا ندرس مادة زى دى وتتقارن
بمادة تخصصية صرف !!
حتى وان اختلف البعض .. بس انا شايف ان ال عايز يحصل
على الثقافة وهى مش تخصصه
يروح لها مش تفرض عليه ..
المهم ندخل ف الموضوع علطول ..
باسم يوسف ... المميز كما القبه.
انى الاقى ان كلا طرفى الصراع زى ما هما شايفين نفسهم ..
شايفين ان باسم غلط
طرف بيقول انه بيلمح مش بيتكلم بطريقة مباشرة كما السابق
والبعض بيقول انه ميصحش يقول كده وخد خمسة مليار جنيه !!

يمكن اذا سقط وتراخى من ف السلطة حاليا سيرفع ع الاعناق
وان ارتقى وتثبت من ف السلطة سيدهس تحت الأقدام ..
من الجميع !!

وتريدون من غيره أن يحذوا حذوه !!!

تم .

[აα∂ Ԑγεა]

	المشاركة الأصلية كتبت بواسطة mahmoud mohie

	حاليا قاعد فى قاعة محاضرة .. مادة ثقافية غير مهمة بالمرة لطالب بكلية هندسة .. غريب اننا ندرس مادة زى دى وتتقارن بمادة تخصصية صرف !! حتى وان اختلف البعض .. بس انا شايف ان ال عايز يحصل على الثقافة وهى مش تخصصه يروح لها مش تفرض عليه ..

ورغم من ان دا مش الموضوع الاساسي للتوبيك
لكنه شدني جداا لانه فعلا وجهه نظري وسبب فشلي :d
مش مقتنع بمبدأ الاجبار اللي بيتم دا
وشايف اني لو مش عايز اتخصص في حاجة
مفيش اي داعي اني ادرسها طالما لا علاقه لها من بعيد او قريب
بالتخصص اللي عاوزه في شيئ
وزي ما انت قلت اللي عايز يحصل العلم والثقافه يروحلها مش تفرض عليه !

للاسف منظومة عقيمة تحرق الدم :d



,,,

عن باسم يوسف ,
اما تلاقي الطرفين مش راضيين عليه اظن معناه انه فعلا صح
بما ان الطرفين بالشكل اللي في مصر دا
" طرف شايفها حكاية دينيه , وطرف اتعود علي عبودية "

اظن باسم متغيرش في حاجة يمكن القيود اللي حوليه اتغيرت وبقيت اصعب
وهنا كذلك الكلام مش مجرد علي القيود الحكومية والاعلامية
واللي اكيد بعترف كان وضع افضل في عهد مرسي ,

ولا علي قيود الرمز الوطني والكلام دا ( لانه مش حاجة )
المفروض اللي فات كان رمز برضوة

لكن شايف القيود الاكبر هيا القيود الشعبية
شعب اتعود علي انه يصنع فرعون ويطلبه ويرقصله
صنع واحد جديد بشعبيه جارفه غير مسبوقة
وسبب الشعبيه دي يمكن لانه خرج ف الوقت الصح
وكذلك في وسط تطبيل اعلاني صح
مع حالة من الزهق من الناس من بعد يناير لحد دلوقت
ورغبه في انهم يشوفو استقرار

تطبيل صح + وقت صح + حالة زهق + ناس بتسلم ودنها صح = شعبيه جارفه
الشعبيه الجارفه دي هيا اكبر قيد بيواجهه البرنامج حاليا
بل اكبر قيد بتواجهه البلد كلها

لكن وسط الاجواء دي لايزال باسم مستمر ومش بيطبل
ااه بيهدي الرتم وبيلعب بعيد عن الكلام المباشر
لكن يظل ف نظري انضف شخصية في الاعلام هو باسم

يمكن دلوقت فكرة الرمز الوطني واهانه الجيش اتشالت من الصورة
لكن لا يزال القيد الشعبي موجود وهيفضل موجود للاسف

منتظر من باسم انه يزود اللعب شوية ويدخل بشكل مباشر باسامي وخلافه
واظن هو هيعمل دا
بس للاسف الناس المطبلاتية مش هيرحموه ابدا طالما مبيرقص معاهم

[აα∂ Ԑγεა]

حاجة كمان معلش الموضوع دا يستحق الكلام
,,,

مؤيدي رابعه والاخوان صعب تلاقيهم راضيين عن باسم باي حال من الاحوال
لان اغلبهم مش فاهم دور البرنامج ولا هدفه
وانه برنامج سياسي ساخر مش اخباري ولا سياسي صرف

باسم وضح الجزئية دي كتير جداا لكن محدش بيسمع
ودايما بتلاقيهم بيطالبوه بانه يتكلم عن ناس ماتت وناس اتعذبت وناس اتظلمت
وعن ناس ماتت في رابعه و ناس ماتت في معرفش فين

دا شايفه ضغط وتحميل البرنامج فوق طاقته وفوق امكانيته


,,,,,

حابب اتكلم كمان عن الجزئية اللي نظرتها اتغيرت في باسم 180 درجة
وهنا بتكلم عن تجربه شخصية ( اخويا - وعمي )
الاول كان بيكرهه جداا اما كان بيتكلم علي مرسي والاخوان
يمكن كان اكثر من مجرد بيكرهه شتايم طول الوقت ,

والتاني كان بيعشق حاجة اسمها باسم وكان بيستناه دايما وبيقولي دا عسل
ودمه خفيف وانه مقطع مرسي ويستاهلو اللي بيشوفه منه


بعد رحيل الاخوان وبعد بزوغ السيسي ف الصورة , وبعد الموسم الثالث

ألاول جه وقالي انه شايف باسم راجل محترم

والثاني يما اتخانقنا علشان باسم لانه شايفه ابن **** وامه ***** وعليته *****


بتختلف رؤية الغير محترم , علي الكلام مع او ضد
مفيش مبدأ للاسف !


بعتذر للاطالة موضوعك شدني جدا واديك شايف النوعيات اللي محاط بيها
لا يمكن تاخد معاهم لا حق ولا باطل مجرد زعيق و خناق

[همس الحنين]

كتير منا بيدرس أشياء غير راضى عليها ربما مجبر على دراستها

وأحيان تجبرنا الظروف لخوض تجارب مجبرين عليها فالامر بيؤدى الى ملل وعدم اتقان الكثير من الاعمال الاجباريه

اما باسم يوسف

فى نظرى برنامجه من البدايه ساخر بس مشكلته ان بيخرج اوقات عن المؤلوف او تلمحيات لا ينبغى لاذاعى التلفظ بها لان برنامج يشاهده الجميع

باسم ايام الاخوان كلامه كان مباشر يتهم رئيس الدوله بكل صراحه ووضوح وبلاسم بدون اى خجل
دلوقت مجرد تلميح للشخصيه السيسى من بعي\ انما يهاجم النفاق الاعلامى والمزيف
بيهاهجم الاعلام بالاسماء لكن عند السيسى واستوب مجرد تلميح بكلمه او اشاره

لانه لا يجرؤ على ذلك

ورغم كده بيهاجم لان يعتبر قد مهمته فى السابق وانتهى

بنظرى المبدأ لا يتجزأ

[აα∂ Ԑγεა]

	المشاركة الأصلية كتبت بواسطة همسات فوق القمر

	لانه لا يجرؤ على ذلك ورغم كده بيهاجم لان يعتبر قد مهمته فى السابق وانتهى بنظرى المبدأ لا يتجزأ

جزئية تلميح كانت محور ردي السابق ومدي الضغوط اللي عليه
واللي فرضتها شعب جاهل منحاز او تكليف فوق الطاقة

تلميح اظن لو اي حد مكانه مكنش قدر يعمل ربعه ولكنه مكمل

اما عن جزئية " أدي مهمته في السابق وانتهي "
فدي الكارثة كلها نظرية المؤامرة اللي عايشين فيها !
تخوين الناس دايما ,
باسم مهمته كانت مرسي فقط , باسم مهمته هدم الدولة الاسلامية ,
باسم ضد الدين , باسم سوسته باسم اراجوز , عميل للامريكان , باسم ماسوني !

وحاليا
باسم مع الارهاب , باسم بيهين الجيش , باسم طابور خامس , ماسوني
بيحاول يهد الدولة لمصالح امريكية , هو و " نبيه " البوب
( والكلمة دي بعتذر اني كتبتها لكنها بتتقال ! )


دايما عايشين في نظرية المؤامرة والمصلحة و العماله ودايما الشتايم شغاله !
وبين دا او دا باسم متغيرش ولا المبدأ اتغير مجرد احنا اتغيرنا !

وعايزك تعرفي انه عنده الجراءه انه يتكلم علي السيسي سواء بلفظ او بايحاء
وكان عنده الجرأه يتكلم علي مرسي كذلك سواء بلفظ او بايحاء
وعنده الجرأءه انه يتكلم علي الاعلام الفاسد و المطبلاتيه

وفي ناس غيره مش شغاله غير انها بتطبل دايما او ترقص سواء لشيخ او جيش
وتيجي ف الاخر تتجرأ وتتهمه انه اراجوز او حرامي او عميل و جاسوس !

المبدأ لا يتجزأ لكننا تجزأنا للاسف !

لو كان الاعلام المؤيد عنده الجراءه انه يتمسك بمبدأه ويقول كلمة الحق
حتي لو ضد اللي بيأيده ( سواء مرسي سابقا او الجيش حاليا )
مكنش هيكون في اي لازمه لباسم يوسف وكلامه وخروجه عن المألوف !

لكن في ظل كمية التعريض اللي موجودة في الاعلام !
اهلا بتلميحات باسم

[العاشق الذى لم يتب]

ازيك محمود
وطرحت موضوع اظن الجدال فيه هيكون كتير
وطبعا كل واحدحر فى وجهة نظره مش كده ولاايه
سيبك من حكاية هتدرس شيئ مش راضى عنه
علشان كل حاجة فى مصر ربنامش راضى عنها
نروح لباسم
هذه شخصية اشتهرت فى شعب
تايه وضايع
وبتاع زفة
ومااظنه باسم يوسف
كان يقدر ينطق بنص كلمة
ولاواحد يعرفه
وكان سيظل نكره حتى قيام الساعة
ولاولا حكم الاخوان ماكنت انت ولااناسمعنا عنه
وهو اتفه مما يتخيله عقل
علشان اصلا كل اللى بيقدمه مسخرةوقلة ادب وتلميحات جنسية قذرة
وكمان اكبركداب وحرامى
والدليل انه بيسرق كتابات ويدعى انه كاتبها
واظن الكل عارف الحكايةدى
ومش محتاج اثبتها
شكرا لك
تحياتى

[فتحى عيسى]

باسم يوسف أراجوز قليل الأدب حرامي
مكلف بمهمة ويؤديها مقابل ثمن
مثله مثل كثيرون كشفتهم الأيام
طرح أحييك عليه
سلمت والنبض
مودتي وإحترامي

[سيناا]

ارجوازي عميل قليل آدب 5 مليار


هو الي بنجح نجاح باهر في الى يقدمه هيك الشعوب بتكافئه

[Mahmoud Mohie]

	المشاركة الأصلية كتبت بواسطة العاشق الذى لم يتب

	ازيك محمود وطرحت موضوع اظن الجدال فيه هيكون كتير وطبعا كل واحدحر فى وجهة نظره مش كده ولاايه سيبك من حكاية هتدرس شيئ مش راضى عنه علشان كل حاجة فى مصر ربنامش راضى عنها نروح لباسم هذه شخصية اشتهرت فى شعب تايه وضايع وبتاع زفة ومااظنه باسم يوسف كان يقدر ينطق بنص كلمة ولاواحد يعرفه وكان سيظل نكره حتى قيام الساعة ولاولا حكم الاخوان ماكنت انت ولااناسمعنا عنه وهو اتفه مما يتخيله عقل علشان اصلا كل اللى بيقدمه مسخرةوقلة ادب وتلميحات جنسية قذرة وكمان اكبركداب وحرامى والدليل انه بيسرق كتابات ويدعى انه كاتبها واظن الكل عارف الحكايةدى ومش محتاج اثبتها شكرا لك تحياتى

بالنسبة لجزئية انى مكنتش هسمع عنه لولا حكم الإخوان ..
أحب أوضح ان باسم ظهر وقت الثورة ووقت المجلس العسكرى (نقظة)

اما حكاية المقال المترجم .. فهو اتكلم عنه كتير جداً وانا مش هكرر كلامه

أخيراً بقى طبعاً رأى حضرتك يحترم أستاذى رفعت ..

[The Weeping Angel]

باسم يوسف فى كلمتين
حكااااااااااااااااااااااااية محدش عارفلها نهاية
مفيش حد بيتفق عليه الجميع ولا بيختلف عليه الجميع
سواء انت شايفه كده او كده
يكفى شرف لييييييييييييه انه فاضح التلفزيون المصرى باللى بيعمله واللى بيقدمه
وبيحاول انه يوفق المهزله دى واظن انه ناجح فى كده نجاح سااااااااااااااااااااااحق