هو النهاردة كام في الشهر ؟

[phalsteen]

مساء الخير

دا اكتر سؤال بيسألوه الموظفين عموما
ومحدودي الدخل زي ما بتسميهم الحكومه

انا والله اتصدمت فعلا لما سمعت ان لسه في ناس مرتبهم 500 وحتي الف جنيه
دا اللي هو ازاي يعني ؟

يعني الجهة الحكومية او المكان اللي رب الاسرة بيشتغل
وبيقضي فيه عمره بياخد 1000 جنيه
وهو عنده 3 او 4 عيال

وكمان مع اختلاف مراحل العمر
تعليم جامعي لوحده كفايه عليه 1000 جنيه

ومستلزمات البيت والمصاريف

ويقولك هو الناس بتكلم فيها ليه ؟؟

منكتر السعادة اللي هما فيها

والمصيبة بئه
انه لو طلع معاش بيتخصم من المعاش

يعني موت وخراب ديار زي ما بيقولوا

ومع كل حكومه هتسمع نفس الكلمتين
حد ادني وحد اقصي

هي الناس دي بتتعامل مع الشعب علي انه ايه بالظبط ؟

انت لو جيت لمسؤل وكلمته
هيعقدلك الدنيا
ويقولك لازم نستحمل ونتكلم

دا بصرف النظر ان تمن الشوز بتاعه هيكون اغلي من مرتب بعيش اسرة كامله

يعني لما تلاقي الاسرة من يوم 2 في الشهر بتسأل هو النهاردة كام في الشهر ؟

وطبعا علشان كل واحد بيحلم بيوم القبض
اللي في الاساس مبيكفيش الا لتسديد ديون الشهر اللي قبله
وهكذا

حــــــــــــاله اغلب الشعب

وحسبي الله ونعم الوكيل

في ناس باسم الغلابة بتتكلم وبتحكي
وهي عايشة علي دمهم

بيعلبوا بس باحتياجهم وجهلهم وغلبهم
علشان يحققوا مصالحهم مش اكتر

[حالمة باميرى]

والنبى يا حماتى انا اخرتى فى المرتب 500جنية كلة على بعضة
ولو ربنا كرمنا بمكافاة اخرها 1000 وبعد الخصومات
700حنية ههههههه
يعنى ياانتحر اوتجيلى جلطة شوفى ايهما احلى هههههه
وعندنا الوزارة بتقبض بالملايين ويبعتولنا احنا الفتافيت
حسبى الله ونعم الوكيل
ولو اعترضى زى كدة وعملتى انقلاب تاخدى جزى يلة كلها مشية بعضيها
مش بنقول غير حسبى الله ونعم الوكيل

[العاشق الذى لم يتب]

بلاش الكلام فى السياسة ياسما
خلينا كده احسن
لحسن امن الدولة يلقى القبض علينا
طول مافيه حرمية يقبضوا مليون
فيفضل الموظف وباقى الشعب مش لاقى ياكل
وخيرالكلام
زى ماأنتى قولتى
حسبنا الله ونعم الوكيل

[محمود الصاروخ]

السكوت أصبح سلاح كل ضعيف
راضى بكل أشكال الظلم عشان الرغيف
فاتح بيته بالوظيفه الى بتهينه كل يوم
كل حته جوه نفسه شايله جزء م الهموم
الظلم ف كل حته مش هيفرق المكان
لسة مفيش حل ولا بعرض النصيحه
الظلم ف الوظيفه شىء روتينى مش فضيحه !

تسلمى عالتوبيك
^_^

[حلم عمري]

للاسف هو دا حالنا
وكمان انا لسة عارفة قريب ان المعاش حوالي500 جنيه
يعني المفروض علي الاقل لما الاب يتوفي يكون المعاش اكبر من مرتبه او حتي قد المرتب عشان اولاده يقدروا يعيشو
يعني 500 جنيه دول يعملو ايه دول يدوب يكفو فلوس دروسي لوحدي يعني فرد واحد طب وباقي الافراد ؟؟؟
بجد ربنا يكون في عون الموظفين وربنا يصلح الحال

[حنان الجزائرية]

يعني كم يطلع بالدينار الجزائري؟

[The Weeping Angel]

انهارده 4 فى الشهر لسه
...
..
.
البلد لسه حالها منصلحش لا اقتصاد ولا تعليم ولا سياحة ولا ولا ولا ولا
الحمد لله احنا اللى بييجى على قد اللى بيروح ولا حاسيين باى تغيير من اى مستوى
واللى يضايق اكنتر واكتر .. مش اننا مش بنتحسن ولا حتى ثابتين على وضعنا .. لا ده احنا بننحدر للاسفل لما الواحد مش عارف يعمل ايه
فسواء احنا اربعة فى الشهر ولا تلاتين فده مش هايفرق كتير

[The Weeping Angel]

انهارده 4 فى الشهر لسه
...
..
.
البلد لسه حالها منصلحش لا اقتصاد ولا تعليم ولا سياحة ولا ولا ولا ولا
الحمد لله احنا اللى بييجى على قد اللى بيروح ولا حاسيين باى تغيير من اى مستوى
واللى يضايق اكتر واكتر .. مش اننا مش بنتحسن ولا حتى ثابتين على وضعنا .. لا ده احنا بننحدر للاسفل لما الواحد مش عارف يعمل ايه
فسواء احنا اربعة فى الشهر ولا تلاتين فده مش هايفرق كتير

[احساسى صحيح]

الحل كان فى تطبيق الحد الاقصى للاجور وليس الادنى
حتى تتساوى او تقترب الرؤس
وهذا ما كان ينوى فعله الرئيس مرسى
وهو ما كان سيؤدى الى تطبيق الحد الادنى بسهوله بعدها
وبالتالى الى هبوط الاسعار
بس نقول لمين
حاميها حراميها
شكرا سما