نفسي أكتب عن الحب

[شاعر الحب الحزين]

نفسي أكتب عن الحب بس قلبي مش مطاوعني

عشان في قلبي جرح كبير من الحب لسه واجعني

مفيش اصحـــــاب مفيش احبـــــاب

كــــــله قفـــل فـــي وشــي البـــاب

لسه بعاني من الوحدة وطول الغياب

بيني وبين الحبايب جدار عازل أنده ومحدش منهم سامعني


يمكن من جرح جوايا مش قادر اكتب عن الحبايب

يمكن من ظلم وغدر الغربا ومن حقد القرايــــــــب

تعبت في حياتي أنــــــا وشفت العجايـــــــــــــــب

اللي منك يبيعك ومتصعبش عليه

يسيبك بعد ما يمتلك قلبك بإيديه

صعبة الحياة جدا يا قلبي لا قابلت فيها حبيب ولا صاحب


متلومونيش ان كتبت عــــــــــن أحزانـــــــــــي

انا بكتب عشان الناس مــــــــش عشانـــــــي

عمري ما حبيت الخير لنفسي او كنت أنانـــــي

انا بجد نفسي أكتب عن الحب

بس قلبي ما دقش طعم الحب

اكتب ازاي عن الحب والحزن امتلك قلبي وكياني

مش عايز اقلب المواجع واصحي الذكريات

واسترجع جراحي اللي كانت في وقت عدى وفات

هسكت وارضى بنصيبي بالشكر والابتسامات

ايوة بضحك وابتسم دايما لكن اللي جوايا انسان تانـــــي



شـــــــــــــــــــــــــــــــــــــ . حـــــــــــــــــــــــــــــــــــــــــــــــــ ــــــ

[ملاك بريئ]

كلمات روعه راقت لى شكررا لك

[شاعر الحب الحزين]

تواجدك هو الرائع فيلسوفة

اسعدني حضورك الراقي

احترامي لكي

[العاشق الذى لم يتب]

انتقاء رائع
واختيارموفق
تسلم الايادى والتميز
وودى يسبق ردى