خزعبلايه هنديه

[اميره الشعر الشجين]

انا بقى قولت اطلع من جو الكمياء والفزياء والا حياء دى شويه وقولت اغير المود عشان مش تزهقو منى بس المشكله بقى مضيعه اووووووووى من ساعه لما شوفت الفيلم الهندى

هو اول مره اشوفه وقديم اووى على فكره كنت بقى راجعه من الدرس وزهقانه قولت افتح التلفزيون واشوف ايه شغال فبقلب صدفه لقيت بنت بتعيط وكل الناس جنبها

انا اتعصبت اووى ازاى تعيط كدا وكل الناس دول جنبها ومحدش بيواسيها

طبعا بما انى حساسه شويه قولت اسئلها مالها وفجئه لقيت الكهربه قطعت بس التلفزيون شغال

وحاجه بتنادى عليه وتقولى تعااااااااااالى ... تعاااااااالى .. وفجئه الفيشه بتاعت التلفزيون

اتفتحت نصين وحاجه كدا شفططنى ومش عرفه ازاى لجوه التلفزيون

مش عيزه اقولكو انا كنت مرعوبه اد ايه وفجئه ببص قدامى لقيت البنت الا بتعيط

بتقولى مش هتيجى وانا ابص واقولها لاء مش هروح

تبرق وتقولى برضو مش هتيجى وانا اقولها لاء مش هروح

وبعدين لقيت موسيقه والناس بترقص وتقول مش هتيجى مش هروح

ولقيت وحده جت تشدنى من ايدى عشان ارقص معاهم انا لالالالا ارقص ايه بس بلاش فضايح

وفجئه لقيت ناس جيين بعربيات كتييير وحصل مشاجره عظيمه

أنا يالهووووى اروح فين انا دلوقت اروح فين انا دلوقت واعيط وفجئه لقيت واحد طار

من السماء وجه وشلنى وفضل يطير بيا قيمه ربع ساعه تعرفو مين حبيب قلبى شاروخ خان

مش عيزه اقولك بقى ضرب واحد طلع لسانه من معاميعه وممتش وقام ضارب شاروخان عشر طلق فى راسه انا بقى لاءااااااااااااااااااا شرشورتى لاءاااااااااااااااااااااااااا

وهو يعينى بيموت فضل ماسك ايديى ويبص فى عينى ويقولى

شاروخان / مي هو صات هاه

أنا / ومالو يا حبيبى ومالو

شاروخان / ميرا بيار هاه سهال

أنا / متقولش كدا ياشاروخ متقولش انا مقدره عندك اسهال صح

شاروخان / ناهي ناهي جان هوتاه جان

انا/ انت عبيط اجبلك انا منين دلوقت بتنجان

وفجئه شاروخان مات وانا قعدت اعييط يارتنى جبتلك بتنجان ياخويا اهاااااائ اهئ اهئ

وبعدين فضلت لوحدى ومش عرفه ايه وفجئه لقيت معبد فضلت جره شاروخان من شعره لحد ما وصلت المعبد وفجئه عند المعبد جم الناس الاشرار تانى

وانا اعيط واذا برياح شديده تأتى من خلفى واذا بشاروخان يطلع الطلق من دماخو والصنم الا فى المعبد يطلعلو مروحه زى بتاعت عروسه المولد واوبااااااااااااااااا

وكنتم مع مالك ياواد اعملك شاى

شاى هاى تى الهندى يعدل المزاج

[العاشق الذى لم يتب]

كل ده حصل جوة فيشة الكهربةبببببببب
اكيد الفيشةدى فيهاسرربانى
خوش خزعبلاية يااميرة
ايوة كده من زمان ماشوفناش خزعبلاتك
منورة القسم

[حنان الجزائرية]

هههههههههههههه

[The wolverine]

ههههههههههههههه قصه رائعه معاكي واحد شاي ها تي وصلحو

[رآقيہ بأخلاقـى]

ههههههههههههههه وربنا انتى مشكله
واحلى حاجة الحوار اللى دار بينك وبين شرشورتك
خزعبلايه جميله ياريت بقى حد يعلمنى اعمل خزعبلات اشمعنى انا
نآيس تأليف اميرتى ههههههههه

[AHMED SEVEN]

شاروخان / ناهي ناهي جان هوتاه جان

انا/ انت عبيط اجبلك انا منين دلوقت بتنجان

فجئه شاروخان مات وانا قعدت اعييط يارتنى جبتلك بتنجان ياخويا اهاااااائ اهئ اه


شربات يا بنتي .. ضحكتيني والله

نايس احلام يقظه

[الآمير العآشق]

انت نفر كمر
انت يهبك كل نفر
انا ما يشوف هزعبل انت
انا يموت كهر
اها اها ها اها اها

[حنان الجزائرية]

اقتباس المشاركة الأصلية كتبت بواسطة الآمير العآشق انت نفر كمر انت يهبك كل نفر انا ما يشوف هزعبل انت انا يموت كهر اها اها ها اها اها

هههههههههههههههههههههه
وانت خصك هراوي
نيهاهاهاهاهاهاي

[Caramilla]

هههههههههههههههه ازيك يا بوووت وحشتيني عامله ايه
نايش خزعبلاااااااااااااااااااااااااااااااااايه بجد
اندمجت مع كلامك اوي
100% تنفعي في الاعلانات والدعايا

[ايمان طلعت]

هههههههههههههه
لا فعلا فيلم هندى هندى يعنى
شكلها مأثرة عليكى اوى
ياريتك اشيخه جيبتى البتنجان ههههههه
خزعبلايه جامدة