هى الصراحه بتشفى الضمير ؟!!!!!!!!

[صبرى الحامولى]

السلام عليكم ورحمه الله وبركاته

بسم الله الرحمن الرحيم

اظن ان كلنا بيغلط وبيعمل حجات ممكن تزعل كتير من اللى حواليه

ومن خوفه ان اللى حواليه

يزعل منه فبيخبى اللى عمله او مبيقولش بصراحه لو حد سأله

وعليه بيقع اضرار على الشخص التانى وانت يا عينى بيفضل ضميرك يألمك

وتعد تتعذب لحد ما تجيلك الشجاعه وتقرر تعترف بغلطك

وتصارح علشان تستريح وتريح ضميرك

فسؤالى ؟؟؟؟؟؟؟؟؟!

هل الصراحه بتشفى الضمير ولا لاء؟!!!!!!!!!!!

[محمد الشريف]

أخى العزيز / صبرى الحامولى


أطيب تحياتى لك

فيما يتعلق بالصراحة فلا بد من وجودها في جميع المواقف ينبغى التعبير عنها بأسلوب يتفق ويتناسب مع من

نواجهة بها ...فبالرغم من أنها تصل أحيانا لما يشبه الاتهام فى مواجهة من نصارحة فينبغى أن نختار الأسلوب

غير الاستفزازى كى لانتسفذ المواجه بها ( مع ضرورتها فى كافة الأحوال ) وأن نتدارك نتائجها تجاهه وبحيث

لا تأتى بنتائج عكسية ... فقد يواجهنا من يكابر ولا يقبل مجرد الارسترسال فيها ... فقد يفهم أنها إهانة له

خاصة كان فى مرحلة عمرية أكبر من ممن يواجهه بها وقد يكون المعلم فى دور العلم.. وقد يكون شقيق أو

شقيقة أكبر سنا أو صديق حميم بحسب الظروف .. ومايقاس على ذلك ...... فهى حق وربما يكون الحق فى

مفهوم المكابرين مرا ... ومع ذلك فيجب اتباع المواجهة فالحق أحق وأولى أن يتبع . وربما زعل ساعة ولا كل

ساعة

وتقبل تقديرى لك

[صبرى الحامولى]

محمد اشكرك جدا على مرورك وردك الرائع

بس فى كتير بيخاف انه يصارح زى ما فى كتير بيواجه ويصارح

وعلى فكره دا بيرجع للشخصين لو اللى حصل معاه الموقف

وانت عارف انك لو صرحته فى وقتها هيزعل فانت ممكن تأجل

والعكس انما فى شخص فى الحالتيين بيزعل فده هتصرحه ازاى علشان ترضى ضميرك

[عازف الاحساس]

تحيااااااااااتي لك ولسؤالك الرائع حقا

بص ياصبري الصراحه راحه في كل حاجه
مش شرط اننا اغلط عشان اصرح الي قدامي
ممكن يكون الي قدامي دا فيه عيب هو مش شايفه لازم اصرحه بيه
مش اجي قدامه واقول
حبيبي يافلان ...
ومن وراء اقول دا في طبع او حاجه مش كويسه وهي كذا ....

الصراحه راحه في كل حاجه ياصبري
وطبعا بتريح وبتشفي الضمير
لكن كتير الايام ديه ولى بيحبوا الصراحه ولى بيحبوا يشفوا الضمير



تحياااااااااااااااااتي

فـــ هـــ شــــ ا م ــــارس

[صبرى الحامولى]

تحيااااااااااتي لك ولسؤالك الرائع حقا

بص ياصبري الصراحه راحه في كل حاجه
مش شرط اننا اغلط عشان اصرح الي قدامي
ممكن يكون الي قدامي دا فيه عيب هو مش شايفه لازم اصرحه بيه
مش اجي قدامه واقول
حبيبي يافلان ...
ومن وراء اقول دا في طبع او حاجه مش كويسه وهي كذا ....

الصراحه راحه في كل حاجه ياصبري
وطبعا بتريح وبتشفي الضمير
لكن كتير الايام ديه ولى بيحبوا الصراحه ولى بيحبوا يشفوا الضمير



تحياااااااااااااااااتي

فـــ هـــ شــــ ا م ــــارس

اولا شكرا جدا جدا على مرورك وردك

بس انك تصارح صحبك بعيب فيه فدا مش اللى اقصده لان دا وجبك على صحبك انك تبينله عيوبه

انما قصدى لما تعمل حاجه غلط فى صحبك ومكنتش تقصد ورجعت عرفت غلطك وحبيت تعترفله هتعترف ولا لاء
داقصدى علشان تريح ضميرك
وشكرا على مرورك

[ســــــــــاندي بيل]

يسلمو صبرى على موضوعك

ديما بتبهرنا بفكرة مواضيعك الرائعه

وانا اتفق مع محمد الشريف انك لازم لم تصارح حد تصارحه باسلوب كويس ونختار اسلوبنا فى الكلام


ومن رأيي ان فعلا الصراحه راحه زى ما قال فارس بس صدقونى مش فى كل المواقف


وم رأيي ان احنا مبقناش زى الاول بمعني ان مبقاش ضميرنا صاحى زى زمان

عشان نعد نئنب فى نفسنا ونقول احنا غلطنا ولازم نعترف بجد الكلام ده كان زماااااااااااااااااااااااااااااان

ممكن يكون فى جزء بيتعب من عذاب الضمير بس فى جزء اكبر مش فى دماغه


وحته اذا عملت غلط يقول عادى انا صح والى عاوز يفهم غلط يفهم والى عاوز يفهم صح يفهم

والله بجد ده الى بقه يحصل بينا احنا البنات والاولاد

اما عن سؤالك بأن الصراحه بتشفى الضمير

طبعا مش فى كل الحالات لان ممكن الى ادامك يفهم صراحتك غلط او ميتقبلهاش

وساعتها هتلاقى نفسك انك غلطان وتقول ياريتني ماقولت كنت اخليه كدا احسن على عماه

معليش انا ديما بعارضكم فى الموضوع بس انا محمبش اجمل الكلام واحب نعيش فى واقعنا اكتر

[صبرى الحامولى]

شكرا يا ساندى يا عسوله المنتدى

على ردك ورئيك الصريح اللى لازم يحترم

حتى لو كان معارض للموضوع

الاختلاف فى الرئ لا يفسد للود قضيه

بس انا فى رئى ان الصراحه حتى ولو كانت مره

اكيد بتكون اريح بكتير وحتى لو اللى هتصرحه هيزعل

هو ممكن يزعل شويه بس لما يعد مع نفسه ويفكر

يعرف ان كويس انك صرحته افضل بكتير انه كان يعيش مخدوع

واللى بيعمل حاجه ومبيصرحش بيها بيكون عايز يخدع اللى قدامه

وبكده ميفرقش معاه راحت الضمير

[صبرى الحامولى]

وفتحت باب النقاش تانى هنا

[صبرى الحامولى]

وبرده هفتح باب النقاش تانى

[نور حبى]

وااااااااااو بجد الموضوع حلو كتيييييييير

والسؤ ال مهم جداااااااا


بس اكيد اكيد الصراحه بتريح الضمير وتشفيه اوى اوى

انا عن نفسي لو خبئت شئ عن احد اقاربى حتى لا يقع فى مشكله احد من اقاربي ايضاً

الصراحه عندى اقول علشان اريح ضميرى علشان اشفيه طبعاص

وكمان انا كده نصفت و احترمت نفسي بشده


بجد بجد بجد شكرا على الموضوع الرائع

وتميزك الدائم فى المواضيع فى قسم الحوار والنقاش الجاد

اقبل شكرى مرة اخرى