الحلقه الثالثه من ( ما لم تتوقعه ) مع ( morshooo )

[morshooo]

بسم الله الرحمن الرحيم

اهلا بيكم

وحلقه جديدة من

( ما لم تتوقعه )




البرنامج عبارة عن ( 10 اسئله )

مطلوب من الضيف انه يجاوب عليهم

وليه حق الاعتراض على اجابه اى سؤال لكن .

السؤال هينزل وهينزل اعتراض الضيف .

ماتنسوش ان البرنامج اسمه

( ما لم تتوقعه )

يعنى ممكن يكون سؤال او سؤالين هينطبق عليهم

( ما لم تتوقعه )




فى البدايه تعالو نشوف الضيف

قال ايه قبل ما يشوف الاسئله .

اقسم بالله العظيم
ان اجاوب بكل صدق وصراحه
وسوف اتحمل اى سؤال يظهرلى
طالما وافقت على التواجد معك فى البرنامج
وسوف اوافق على طرح اى سؤال
ولا يحق لى ان ارفض نزول الحلقه
او حزف اى رد من الردود





السؤال الاول :

عرفى الاعضاء من انتى ؟ فى ما لايقل عن 5 سطور ؟

انا خريجة آداب قسم التاريخ اخت لـ 5 بنات أنا
اصغرهم منهم واحدة توفيت لرحمة الله
وعندي أخين واحد كبيرنا كلنا والتاني أصغر مني انسانة
عادية جداً هادية في تصرفاتي
ويمكن ساذجة شوية بحب الناس واحب لهم الخير
والسعادة طيبة اوي وبراعي ظروف الناس وأقدرها اوي
وكمان بضغط على نفسي اوي عشان اسعد اللي
حوليا طبعي اني رومانسية
ويمكن ده بيصدمني كتير في في بكون متعشمة فيهم
وبس كده ^ــــــــــ^




السؤال الثانى :

انتى راضيه عن حياتك الان ؟ وياترى بتصلى والا مش بتهتمى ؟

الحمد لله راضية بعض الشيء فيا حاجات
بعتبرها في اوقات ميزة تخليني سعيدة
بس مش هنكر اني لست راضية تماماً فهناك دائماً
تقصير وأنا من أصحاب النفس اللوامة
بس أكتر حاجة بتريحني اني ولله الحمد ملتزمة بالصلاة
من زمان اوي لأني نشأت بين أب رحمة الله عليه كان
ملتزم بالصلاة في المسجد وخاصاً صلاة الفجر ربنا
يرحمه وأم ملتزمة بالصلاة والفجر خصوصاً والقيام
والصيام ربنا يزيدها ايمان وتقوى فالحمد لله أكيد ده أثر
وعليا أنا بالذات لأن بعض اخوتي بيقصروا في صلاتهم




السؤال الثالث :

امتى كذبتى على اهلك فى البيت عشان تعملى حاجا مع انك متاكده انهم هيرفضوها ؟ واحيلنا موقف ؟

وليه الأحراج ده أنا كنت بزوغ في المدرسة بس مش
كتير مرة عملتها وخرجت انا وصاحبتي وهي اللي
اقنعتني بكده وكمان كنت بروح لأصحابي بعد الدروس
في ثانوي ده كله من غير ما حد يعرف في البيت ولو
سألوني اخرتي ليه أقول في الدرس وماما عشان طيبة
اوي
مكنتش بتشك اني بكذب اما في الجامعة اتغيرت كتير
مكنتش بعمل اي حاجة غير لما احكي لماما عليها حتى كلامي مع اصدقاءنا من الشباب




السؤال الرابع :

محصلش قبل وقررتى انك تتفرجى على صور ( جنسيه ) او ( مقاطع فيديو ) ؟ ولو جات فى بالك زى كدا بتعملى ايه ؟

اللي محدش يعرفه عني اني بتكسف من خيالي
تقولي اتفرج على .......
وبعدين يا مورشوو انا بأرف اتفرج على أعلانات الأفلام
اللي بتعتمد على الأثارة والجنس
زي مثلاً الفيلم بتاع ظرف صحي لو فتحت التليفزيون
ولقيت اعلانه بغير القناة لأني مش بحب الأنحطاط
الأخلاقي بس أنت قلت بصراحة وانا هتكلم بصراحة مرة
فتحت اللاب ولقيت فيس واحد قريبنا مفتوح عندي على
الجهاز وخلال التصفح لقيت صفحة مش تمام اسمها
cute
فيها صور نساء عاريات ودعوات للأباحية ويمكن كمان
روابط لفيديوهات بس والله العظيم
محولتش افتح اي رابط منهم ولغيت الصفحة لانها كانت
صفحة كويسة وحصل عليها هكر واتسرقت واتحولت
لكدا يعني صاحب الفيس مالوش ذنب لانه محترم جداً




السؤال الخامس :

لو اتحطيتى فى موقف ان عشان يتم علاج اخوكى او والدتك لازم تتنازلى عن حاجا فى جسمك ؟ هتوافقى عشان خاطرهم والا لا ؟

هوافق من غير تفكير
انا ممكن افدي اي حد من عيلتي
بروحي مش حته من جسمي بس




السؤال السادس :

الغيرة طبيعيه فى الانسان واكيد حصل وغيرتى من حد سواء قريبه ليكى او صديقه ؟ ايه سبب الغيرة وكان نفسك تكونى ايه ؟

طبعاً الغيرة ده امر طبيعي وحصل اني غيرت من ناس
بس دايماً لما بغير بفكر في حالي وبقول انا احسن منهم
في كذا وكذا
عشان مش ادايق كتير السبب الوحيد اللي ممكن اغير
فيه المستقبل
زي ناس مستقبلهم احسن مني بكتير كانوا في كليات
القمة وبقوا حاجة
الحمد لله على اي شيء وربنا يوفقهم والله بتمنى لهم
الخير والسعادة

كان عندي حلم واحد وانا صغيرة اني ادخل كلية الأعلام
قسم صحافة
بس وللأسف ظروفي مش سمحتلي أني اتميز في
الثانوية واني اتفوق واقدر
ادخل الكلية دي كنت بحب حياة المغامرة للصحفيين
عشان كده اتأثرت اوي
بأستشهاد الصحفية ميادة أشرف شفت نفسي فيها
ربنا يرحمها




السؤال السابع :

عندك استعداد تخبى حاجا خاصه بيكى على الاعضاء هنا عشان محدش يعرفها ؟

طبعاً يا مورشوو انتوا تعرفوا روني اللي على النت وده
اللي يهم الأعضاء بس أكيد مش يهمهم تفاصيل حياتي
عشان كده بفضل اني احتفظ بخصوصياتي الشخصية
لنفسي




السؤال الثامن :

شكلك الفترة دى دخلتى عالم الرومانسيه عندك استعداد تقولى مرتبطه بمين ومين اعترف للتانى الاول وازاى ؟

هههههههههههه سؤالك محرج محرج جداً
انا بقولك انا رومانسية من زمان مش دلوقت بس
آه طبعاً بحب وربنا ميحرمش حد من الحب يارب
وأفضل احتفظ بده لنفسي لآنه من ضمن خصوصياتي
الشخصية




السؤال التاسع :

والدك ( رحمه الله ) ووالدتك ( ربنا يخليهالك ) ماجلكيش امنيه انك كان يتم العكس ويكون والدك هو الى موجود معاكى ؟

والدي رحمه الله كان راجل عسكري يعني انضباط يعني
صارم في قراراته وتعاملاته
كان بعيد شوية عننا بحكم عمله يعني بيسافر ويغيب
عننا كتير ماما كانت قايمة بكل الأدوار
أكيد عمري ما فكرت بالطريقة دي كنت اتمنى وجود أبي
موته كان صدمة كبيرة لاني كنت بحبه اوي وانا كنت
كمان اقرب واحدة من اخواتي البنات لقلبه
المشكلة في خوفي لو فقدت امي وقتها ممكن اموت
فعلاً يمكن لو كنت ولد مش بنت
كنت فكرت بشكل تاني في سؤالك بس انت عارف بنت
يعني تحتاج للأم اكثر وربنا ما يحرمنيش منها وربنا يرحم
ابي




السؤال العاشر :

ياترى فى سؤال تقدرى تقولى عليه ( غير متوقع ) فى الاسئله ؟ وايه السؤال الى وقفتى قدامه وكان ممكن تعترضى عليه ؟

السؤال الرابع غير متوقع بالنسبة لبنت يعني انت عارف
ازاي بنت هترد على سؤال زي ده
بس ويعلم ربنا رديت عليه بكل صراحة وأمانة وهو ده
السؤال اللي وقفت قدامة وكان ممكن اعترض عليه بس
روني في ردها كانت غير متوقعة ^ـــــــــــ^

أما السؤال التاسع فده وجعني اوي لانك ببساطة فتحت
جرحي تاني ودست عليه اوي عشان كده نزف تاني
وخرجتني من الرومانسية يا عم وهرجعلك بكم هائل من الكآبة ههههههه



ضيفه حلقه النهاردة

المتميزة /

Ro♥ony





انتظرونى واعترافات جديده

وضيف جديد

[جبل عالي]

جميلة الحلقة والضيفة أجمل

بأحييكِ ياروني ربنا يوفقك ف حياتك دايما

ويخليلك والدتك ومايحرمك من اي حد تحبيه

شكرا لروعة اللقاء ولجمال الشخصية

موفقين دايما يارب

[سارة بنت مصر]

بجد حلقه جميله وضيفه اجمل

وبجد هى انسانه محترمه مع انه فى سوال محرج المفروض متسالهوش للبنات بس هى وقفت وصمدت وجاوبت بصراحه

بالتوفيق وبانتظارالضيف الجديد

[აα∂ Ԑγεა]

مورشو هو مورشو مش بيتغير :d

حلقة جميلة اكيد وفيها اسئلة قوية جدا
وضرب ف الممنوع كالعادة :]
والاجابات كذلك جميلة جدا وعجبتني

علي جزئية انه داس عليكي و فتح الجرح من تاني في السؤال التاسع
علي فكرة لو كان يعرف كان لبس جزمه سيفتي :d
مورشو بقي وكده :d

حلقة جميلة اكيد زي ما قلت
السؤال السابع ضعيف يا مورشو تحسه كده مش راكب مع اسمك :d
والسؤال الثامن هربتي منه يا روني ومجاوبتيش خالص
هيا خصوصية اكيد وحقك بس عالاقل كنتي قلتي مين قال الاول
ارضي فضول السؤال وكده :d

[Silver Flower]

منوره ال استضافه يا قمر
وأكيد إجابات حلوه

[عاشق لعنة الحب]

حوار هادى وممتاز رونى كانت اجمل واحسن ربنا يوفقك يارونى ويعينك ويقويكى ويصبرك .

[العاشق الذى لم يتب]

اختى رونى
اخت عزيزة وفاضلىة ومحترمة
ربنايسعدها مع الحبيب الجديد
مش عارف جديد ولاقديم
مش مهم
اتمنى ربنايتمم على خير
ويكون نصيبك
ورحم الله والدك
وبارك لك فى امك وجميع اخواتك
ومرشو برنامج جميل وخطير
ربنامايحرمناش من بلاويك
قول آمين
تحياتى

[الآمير العآشق]

وااااااااااااو

حلقهـ كتير حلوووه
رغم انو في بعض اسئلهـ جريئهـ وممكن لدرجة الاحراج
بس وجهة نظري دا شي عادي / عشان الاجابه موش اجباري

اما عن اجوبة روني
ماشاء الله
تفكيرها جميل ورومانسي بنفس الوقت

بسسسسسسسسس ههههههه

اقتباس كان عندي حلم واحد وانا صغيرة اني ادخل كلية الأعلام قسم صحافة بس وللأسف ظروفي مش سمحتلي أني اتميز في الثانوية واني اتفوق واقدر

تيب ايه دخل الظروف :d
هو انتي ياروني عاوزه تسمعي كلام صاحبتك وتزوغي
وكوومان عاوزه تدخلي كليات قمه

اقتباس أنا كنت بزوغ في المدرسة بس مش كتير مرة عملتها وخرجت انا وصاحبتي وهي اللي اقنعتني بكده

وربنا يخلي الك مامتك واخواتك
وعشان انا عايش مع امي وحدنا
عارف شعورك بالخوف

حلقه كانت حلووه بمذيعها وضيفتها

[Lamees]

اقتباس المشاركة الأصلية كتبت بواسطة وتر يقطر ألـم جميلة الحلقة والضيفة أجمل بأحييكِ ياروني ربنا يوفقك ف حياتك دايما ويخليلك والدتك ومايحرمك من اي حد تحبيه شكرا لروعة اللقاء ولجمال الشخصية موفقين دايما يارب

الاجمل وجودك جبل
تسلمي لمرورك يا قلبي وتسلمي
لشعورك الجميل
ودي وحبي

[Lamees]

اقتباس المشاركة الأصلية كتبت بواسطة سارة بنت مصر بجد حلقه جميله وضيفه اجمل وبجد هى انسانه محترمه مع انه فى سوال محرج المفروض متسالهوش للبنات بس هى وقفت وصمدت وجاوبت بصراحه بالتوفيق وبانتظارالضيف الجديد

تسلمي حبيبتي سارة
لوجودك وكلامك
حبي لك ِ