<< دماغ مصروف عليها تمن مطار >> ^_^

[محمود الصاروخ]

سالخير عليكم جميييعا
==

بصوا مبدئيااا انا اقسم بالله ميت م الضحك ع الواد ده
هحكيلكوا ع حاجه حصلت معايا النهارده وانا نازل مشوار :d
وأهو رخامه بقى

نازل مشوار النهارده كالعاده يعنى كل يوم ف مكان كده عندنا ف المنصوره
ركبت عربية ( الدرسات - طلخااا ) و ركبت ف الكرسى اللى وره خالص
عشان أكون مع نفسى كده . رجعت وره وكان جنبى واحد
وجنب منه بنت جنب الشبااك كده

الأجره معروفه ( جنيه ) أنا متعود أشيل فلوس فكه ف جيبى عشان المواصلات
والحوارات دى عشان مفيش واحد يقولى مفيش فكه وانا محتاج كل جنيه

المهم طلعت جنيه من جيبى فكه و البنت الى جنب الشبااك طلعت جنيه
بقوا إتنين جنيه . الواد اللى ف النص ده طلع 10 جنيه . المهم انا اديتلوا
الجنيه بتاعى و البنت اديتلوا برده ( أصبح كده تلاته م العشره ) :d
الواد طلع الفلوس قدام و قال 3 م ال 10 وهو معاه 2 جنيه بتوعنا
كده يبقى لسه له 7 جنيه قدام تمام كده

بعد ما طلعنا شويه قربنا من كوبرى طلخا ناس كتير تعرفه شافت صورته هنا
( شباب المنصوره قايمين بالواجب يعنى )
ال 7 جنيه واحد جابهم من السواق بيديهم للواد اللى ف النص صاحب الفلوس
قولتله
( عد الفلوس يازميلى لا يكون نصب عليك ولا حاجه )
المعلم عد الفلوس لقاهم كام ( 7 جنيه ) مظبوط كده

( لقيت الباشا طلع جنيه م ال 7 وبيديه لـ السواق بيقوله ده زياده ياباشا )

قولتله زياده ليه يابنى فلوسك مظبوطه
قالى لا ياعم انا ليا قدام 6 جنيه بس مش 7
قولتله يابنى انت مش محاسب 3 م العشره ؟
قالى اه تمام كده :d
قولتله وانت معاك 2 جنيه بتوعنا كده يبقى ليك 7 جنيه قدام
يقولى ( ياجدع اسمع الكلام انت مش فاهم حاجه انا بعرف احسب صح )
الراجل ده له جنيه

المهم أجيبه يمين شمال فوق وتحت مفيش برده مقتنع ان السواق له جنيه


قولتله :- بقولك ايه يازميلى ورينى الجنيه اللى تاعبك ده كده وعاوز تديه للسواق
قالى اهو قولتله هات كده و أخدته حطيته ف جيبى قولت أنا أولى بيه مدام مستغنى كده
:d

وصلنا الموقف القديم فـ طلخا و نزلت م العربيه

بعد ما مشيت حوالى 10 متر كده الاقى ( المعلم ) بينادى عليا وبيقولى
ياسطه ياسطه ياسطه .. قولتله ايوه يامعلم أؤمر
قالى هات الجنيه أنا حسبتها لقيتها صح


المهم ف الموضوع ده بقى
أن انا دايما بقول على نفسى إن
( دماغى مصروف عليها تمن مطار )
:d

بالكوا بقى الدماغ دى مصروف عليها ايه ؟؟
دماغ مصريه بجد ههههههههه

ده انا جنب الواد ده
( دماغى مش مصروف عليها تمن أوضه و صاله حتى )


ولا ايه رأيكم ؟؟؟ !


يجعله عامر
بقى


محمود الصاروخ
بروف قديمـا .. إشطـه حـاليا

[انا دنيته وهو حياتى]

بتحصل معايا هههههههه
بس ببئا انا اللى بتلغبط فى الحساب بئا
بتضايق اوى لما يبئا مش معايا فكه واركب
ولا ابئا قاعد ادام والاقى اللى ورا كلهم مديينى مثلا وعاوزين باقى افضل احسب واللى جنبى يحسب معايا واتلغبط هههههههه

[توحد ارواح]

ههههه
دا لوكان تاكسى كان ياخد للواحد بس 10 جنيه
من الدراسات لطلخا دا مشوار جامد
بس كويس انك اخدت الجنيه علشان يرجع ياخده تانى
دا طلع طيب وعنده ضمير بس متلخبط

[محمود الصاروخ]

اقتباس المشاركة الأصلية كتبت بواسطة ♥انا دنيته وهو حياتى♥ بتحصل معايا هههههههه بس ببئا انا اللى بتلغبط فى الحساب بئا بتضايق اوى لما يبئا مش معايا فكه واركب ولا ابئا قاعد ادام والاقى اللى ورا كلهم مديينى مثلا وعاوزين باقى افضل احسب واللى جنبى يحسب معايا واتلغبط هههههههه

ده انا أوقات بشتغل مع السواق و الم له الأجره عشان أحسب

فاشلين فاشلين
^_^

[محمود الصاروخ]

اقتباس المشاركة الأصلية كتبت بواسطة توحد ارواح ههههه دا لوكان تاكسى كان ياخد للواحد بس 10 جنيه من الدراسات لطلخا دا مشوار جامد بس كويس انك اخدت الجنيه علشان يرجع ياخده تانى دا طلع طيب وعنده ضمير بس متلخبط

ولا جامد ولا حاجه أنا لو سواق تاكسى بيقولى 10 جنيه ف مشوار زى ده
هخليه يبطل الشغلانه دى
هما 5 جنيه ويوم ما ترفع أوى يبقو 7 جنيه
انتوا اللى طيبين لو قالكوا 20 جنيه مش هتتكلمو
هههههههههه


عندك حق راجل طيب أوووى
بس موتنى ضحك
:d

[توحد ارواح]

اقتباس المشاركة الأصلية كتبت بواسطة مـح ـ الصاروخ ـمود ولا جامد ولا حاجه أنا لو سواق تاكسى بيقولى 10 جنيه ف مشوار زى ده هخليه يبطل الشغلانه دى هما 5 جنيه ويوم ما ترفع أوى يبقو 7 جنيه انتوا اللى طيبين لو قالكوا 20 جنيه مش هتتكلمو هههههههههه عندك حق راجل طيب أوووى بس موتنى ضحك :d

لا لا 5 جنيه ايه
دا اقل حاجه 10 جنيه
دى كلمة طلخا بس بتسبب رعب للسواق ههههه
بس هو فعلا طيب
قليل اما تلاقى شباب طيبين كدا
بقوا بلطجيه فى كل حاجه

[ساحر الأحزان]

دماغ مكلفة صحيح

يا محمود

خلى بالك من مصروفك

[العاشق الذى لم يتب]

يامحمود بعدمانزلت طلخا
روحت كفرالجنينة ولافضلت فى طلخا
ابقى عرفنى علشان وحشانى كفرالجنينة
وماتشغلش بالك باللى غلط ومعرفش الفرق بين السبعة جنيه ولاالتمنية
منورعندنا

[~♥ Queen sozan♥~]

ههههههههههههه
لا الحلو انك اخت الجنية ومشيت ههههههه
بس بتحصل كتير والناس تحسب غلط
والله هفطس من الضحك ههههههههههه