القضية الخامسه / اطفال الشوارع مع شاعر الحب الحزين

[phalsteen]

ســـــــــلام عليكم نعود اليكم من جديد في مناقشه وعرض وتحليل لقضيه هامه وهــــــي اطفال الشوارع في البدايه بعتذر علي لفظ اطفال الشوارع لانه لحد كبير مفهوم خاطئ وكمان جارح لهؤلاء الاطفال في النهاية وياتري مين السبب ؟ الاب والام اللي برغم سوء وضعهم المادي وقله الدخل الي انهم مصممين علي عدم تحديد النسل واذا كان تحديد النسل جرم وله حرمانيه نعلمها جميعا فهل انجاب اطفال للشوارع وتلاميذ للاجرام وعرضا للمخاطر ليس بحرمانيه ؟ الرسول صلي الله عليه وسلم قال انتم أعلم بشؤن دنياكم وكمان لا ضرر ولا ضرار ولا المجتمع اللي عليه واجبات ولازم ينفذها والا ميحاسبش وميطلبش حقوقه وف النهاية ومهما اختلفت الاسباب ومين الظالم ومين المظلوم لازم نعترف ان قضيه اطفال بلا مأوي كــــارثه بتهدد المجتمعات عموما وبالاخص المجتمعات العربية والان مع عرض القضيه مع صاحب القلم الماسي والفكر المتميز شاعر الحب الحزين مشرف ألأبـداعـات الأدبيـة والعـامية اهلا بيك يا خالد منور البرنامج اهلا بحضرتك سما واكيد البرنامج منور بيكي في نظرك من المسئول عن اطفال الشوارع ومايدور داخل حياتهم اليومية؟ شوفي لما اقولك الأهل ليهم دور كبير في التشرد الأسري وخصوصا الأم لأن الأب اكيد بيشتغل ومش موجود في كل الأوقات وممكن أسباب وراثية برده ما هي الأسباب الكامنة وراء استمرار ظاهرة أطفال الشوارع رغم كل المجهودات المبذولة حكوميا، وعلى مستوى المجتمع المدني؟ في اسباب كتير الطفل لما بيمسك اول سيجارة وبيشربها بيستلذ بيها اقصد طفل لأنه لسه ما اتعداش السن القانوني يعني اغلبهم بيبقوا 10 ل 12 سنة وكده الحكومة متقدرش تعمل حاجة قدام الظاهرة دي هي بتسجنهم بدل ما تعالجهم وده غلط وبيزيد المشاكل اكتر والأهل برده مسؤولين من المشاكل التي يعاني منها أطفال الشوارع أثناء تواجدهم بالشارع التحريض علي تعاطي المخدرات والانتهاك البدني والجنسي والاستغلال المادي لما لم تنجح الحكومات المصريه بل والمجتمع بأكمله في ايجاد تدابير لتلك المشاكل ؟ طبعا هيعملوا كده عشان هما ف شارع مش في قصر وانتي عارفة الشارع بيشمل كل الأخطاء دي يعني تلاقي كل حاجة في الشارع وحسب عقليتهم وفهمهم بيتعاملوا وبيحرضوا على الحاجات دي ما نجحتش عشان السجن مش حل للحكاية دي احنا قلنا انهم اطفال يعني لازم التعامل يبقى معاهم على انهم اطفال عايزين حد يعلمهم ويوعيهم من الجهل اللي هما فيه ما هو دور المجتمع ومؤسساته في مواجهة مشكلة أطفال الشوارع ؟ للأسف المجتمع اتعود على مشكلة التشرد الطفولي وبقت بالنسباله مشكلة ملهاش حل رغم إن في حلول كتير نبني مستشفيات بدل السجون ونعالجهم فيها نوفر لهم كل الأسباب اللي تمنع التشرد ده بس للأسف بيهتموا بأولادهم بس وغيرهم عادي لو اتشرد هل هناك اسباب ربما دفعت الأطفال الإناث إلي اتخاذ الشارع مأوي لهن ؟ اسباب كتير الفقر وممكن حالات الطلاق اللي بتشتت العيلة والأسرة وعدم الإحساس بالمسؤولية من الأهل تجاه أطفالهم وابنائهم بتخليهم يلجأوا للشوارع ما هي الآثار المترتبة على انحراف أو خروج أطفال الشوارع ؟ عدم محاسبة الأهل لهم وأحيانا عدم علم الأب ربما يكون من الأثار المترتبة على انحراف الأطفال وبعض الآباء يعلم وهو من يسخر ابنه للإنحراف وعدم التعليم والدراسة لهؤلاء الأطفال وكثرة الجهل تؤدي للإنحراف ما الاسباب التي دفعت هؤلاء الاطفال الي ترك منازلهم وايضا تركهم للتعليم ؟ قسوة الأهل عليهم أدت لترك منازلهم وربما لم يتعلموا لكي لا يتحمل الأهل عبء المصاريف الدراسية وغيرها والفقر يؤدي لهذه الحالة دائما وهل البرامج المقدمة لرعاية أطفال الشوارع كافية لحل المشكلة ؟ أتمنى أن يتم حل هذه المشكلة عن طريق برامج الرعاية وأن تعود لهم برائتهم وطفولتهم والحياة الكريمة كيف يتم علاج مشكلة اطفال الشوارع ؟ يتم عن طريق التواصل معهم وفهم مشاكلهم وأسباب انحرافهم وخروجهم من منازلهم والعمل على حل هذه المشكلات والأسباب المترتبة على انحرافهم وبالقسوة لن تحل تلك الأمور لأنهم هربوا للشوارع من القسوة والفقر يحتاجون لحضن دافئ يضمهم يشعرهم بالحياة أتمنى أن تختفي هذه الظاهرة من مجتمعنا للأبد ميرسي لقبولك دعوتي يا خالد واتستمتعت اكيد بالحوار معاك ودي واحترامي شرفني جدا واسعدني جدا إني كنت ف برنامجك يا سما ويارب دايما مستمرة ف نشاطك الجميل احترامي وتقديري لكي سما وبــــــــكدة خلص عرض القضيه وبنشكر ضيفنا علي روعه ما قدم انتظرونا مع القضيه السادسه الحـــــريه مع المميز دائما الامير العاشق

[همس الحنين]

حوار راقى يا سما

والاستاذ شاعر انسان له فكر راقى ومتميز


بس ممكن تعليق على النقطه دى


ما الاسباب التي دفعت هؤلاء الاطفال الي ترك منازلهم
وايضا تركهم للتعليم ؟

قسوة الأهل عليهم أدت لترك منازلهم وربما لم يتعلموا لكي لا يتحمل الأهل عبء المصاريف الدراسية وغيرها والفقر يؤدي لهذه الحالة دائما

مش كل اطفال الشوارع سببها قسوة الاب

فى اطفال شوارع هاربين من ملجأ ايتام

وفى منهم مولودين فى الشارع اطفال مجهولين النسب

وفى بنات هاربه بسبب جريمه زنا او حمل غير شرعى
اطفال الشوارع فيهم طوائف كثيره

والمجتمع له دافع كبير فى انتشار تلك المشاكل الاجتماعيه

موفق دائما

[Lamees]

الحوار رائع يا سما
وخالد شخصية رزينة جداً ذو فكر راقي
قضية أطفال الشوارع لها أسباب كثيرة
أما الحلول لا أحد يسعى اليها
والعبء كبير جداً على المجتمع
ومع أنتشار الجهل والفقر فسوف يزيد
أعدادهم يومياً

مجهود رائع سما & خالد
دمتم بخير
روني ..~

[morshooo]

طيب الحمد لله ان السبب
فى المشكله دى بيكون الغلط الاكبر
على الاهل وكويس انك يا سما
قولتى ان المشكله مش فى مصر بس
وانها مشكله فى معظم دول العالم
حلقه مهمه جدا ومميزة
وفعلا توبيك بيناقش مشكله مهمه
بموضوعيه .

تسلمو على الحلقه
بالوفيق

[العاشق الذى لم يتب]

هى مشكلة تكاد تكون فى معظم العالم الثالث
بمافيهم أسياوأفريقيا جميعهم
وكذا امريكا اللاتينية
ولكنها اشد وطئا فى مصرخاصة
والعرب عامة
ولازم الحكومة تقوم بدورها المنوط بها
شكرا لسما
للبرنامج الجميل
وشكرا خالد
لعظيم الطرح
تحياتى وودى

[الآمير العآشق]

واااااااااو
خالد هووونا عندناا

خالد من الشخصيات الجميلهـ والمجببه الي النفس هوووناا بالمنتدي
ماشاء الله
اجاباته بتنم عن فكر واعي ومتفهم
واجاباته حلووه و يغلبها نظره جميلهـ للامور

وسما شكلها كوووداا بشعلة النشاط الي جواها
هتتحط ف قايمه الي هيتحسدو هوونا بالمنتدي
الحقي نفسك وخلي حد تثقي فيه
يعملك عمل ضد الحسد

[اروى هيثم]

المشكلة اساسا
سببها الاول والاخير اقتصادى وليس اجتماعى
تراها فى كل الدول الفقيرة
ولا تراها فى الدول الغنية

[شاعر الحب الحزين]

اقتباس المشاركة الأصلية كتبت بواسطة همسات فوق القمر حوار راقى يا سما والاستاذ شاعر انسان له فكر راقى ومتميز بس ممكن تعليق على النقطه دى ما الاسباب التي دفعت هؤلاء الاطفال الي ترك منازلهم وايضا تركهم للتعليم ؟ قسوة الأهل عليهم أدت لترك منازلهم وربما لم يتعلموا لكي لا يتحمل الأهل عبء المصاريف الدراسية وغيرها والفقر يؤدي لهذه الحالة دائما مش كل اطفال الشوارع سببها قسوة الاب فى اطفال شوارع هاربين من ملجأ ايتام وفى منهم مولودين فى الشارع اطفال مجهولين النسب وفى بنات هاربه بسبب جريمه زنا او حمل غير شرعى اطفال الشوارع فيهم طوائف كثيره والمجتمع له دافع كبير فى انتشار تلك المشاكل الاجتماعيه موفق دائما

اكيد الشارع بيلم يا همسات وكل اللي قلتيه صح

الأسباب كتيرة اللي بتأدي للمشكلة والآفة الخطيرة دي

ومن ضمنها الأسباب اللي انتي ذكرتيها ف ردك

اشكرك لمداخلتك الجميلة ورأيك وتعبيرك بكل شفافية

احترامي وتقديري لكي همسات

[شاعر الحب الحزين]

اقتباس المشاركة الأصلية كتبت بواسطة اطياف الماضي الحوار رائع يا سما وخالد شخصية رزينة جداً ذو فكر راقي قضية أطفال الشوارع لها أسباب كثيرة أما الحلول لا أحد يسعى اليها والعبء كبير جداً على المجتمع ومع أنتشار الجهل والفقر فسوف يزيد أعدادهم يومياً مجهود رائع سما & خالد دمتم بخير روني ..~

صح لسانك روني الأسباب كتيرة ومفيش ولا حل صح

اتمنى ان تحل هذه المشكلة وتعود البراءة لهؤلاء الأطفال

سعدت جدا بتواجدك العطر روني ومداخلتك الرائعة

احترامي وتقديري لكي

[شاعر الحب الحزين]

اقتباس المشاركة الأصلية كتبت بواسطة morshooo طيب الحمد لله ان السبب فى المشكله دى بيكون الغلط الاكبر على الاهل وكويس انك يا سما قولتى ان المشكله مش فى مصر بس وانها مشكله فى معظم دول العالم حلقه مهمه جدا ومميزة وفعلا توبيك بيناقش مشكله مهمه بموضوعيه . تسلمو على الحلقه بالوفيق

أيوة فعلا هي المشكلة على مستوى العالم

مش بس ف مصر دي حاجة مش بتخص بلد معينة

الأطفال برده في البيت ميقدروش يشربوا سجاير

بيشربوها في الشارع ميقدروش يغلطوا في بيوتهم

بس في الشارع ممكن يعملوا اللي هما عايزينه

ده سبب برده والأسباب التانية كتير برده

نورت يا مرشدي بوجودك الجميل ورأيك اللي بحترمه

احترامي وتقديري لك