هو ده الفرق بقى .. !

[محمود الصاروخ]

سالخير عليكم جمييعااا
==

أخباركو شباب ؟ بخير ؟؟ ياارب دايما


انا مقاطع التوبيكات اليومين دول لـ ظروفى بس توبيك النهارده بيفرض عليا نفسه


أقول ياض فوكك مش لازم .. الاقى نفوخى بيشت منى و لازم تكتبه يعنى لازم تكتبه


ماهو أنا خايف أكتبه يسقط منى حاجات لأن دماغى مش معايا اصلا


برضه تكتبه


المهم
..

ف ظل ظروف الإمتحانات اليومين دول وجو المذاكرة اللى مضيع وقتنا ده
أكييد بنلاقى نفسنا بنعمل حاجات مبنعملهاش ف الأجازه اصلا


أه وربنااا


خد عندك بقى
..

* ف أيام المذاكره بيزيد معدل دخول حضرتك لـ الحمام ومش لازم تكون عايز تدخل اصلا
بس أهو لمجرد إنك تقوم من ع الكتاااب بس

بس محسوبه عليك دخله يامعلم

* رايح جاى تاكل وكل شويه نازل اشترى حاجه وبتتفنن إزاى تضيع وقتك عشان
متذاكرش

* ماتش الكوره يبقى ودى و تلاقيك مستنيه قبلها بـ 4 أيام
وتقول ماهو لازم نجرب الفريق عشان لو فـ ماتش مهم

* تخرج حضرتك كده و تقول بالفم المليان
(( بابا تشرب شاى ياجدع انت ؟؟ ))
يرد عليك ويقولك ذاكر وانا هعملك معايا
ترد انت و تقوله لا خليك انا اللى هظبطك متقلقش
وكل 5 دقايق تقوله أعملك حاجه لحد ما صدع منك

* قاعد إنت ع النت و تيجى الست الوالده تقولك يابنى ذاكر .. يابنتى ذاكرى هتسقطى
تقولها انت و هيا ايه (( أصل حاجه مهمه جدا ياماما انا كتبت موضوع و جابلى 10 ردود تخيلى ؟؟ ))

* وكل ساعه خارج مع صحابك و ما أكتر الرحلات أيام الدراسه وخد من ده طول السنه

نيجى بقى حضرتك خلصت إمتحانات و بالتوفيق ان شاء الله و دخلت الأجازه

* مبقتش تدخل الحمام نهائى و ده لأنك مبتاكلش لأن النت واخدك ومش قادر تتحرك من ع الكرسى

* أصحابك عاوزين يخرجوا .. تقولهم (( روحوا انتوا انا مكسل مش هخرج النهارده مش قادر ))

* تروح لـ باباك بقى و تقوله
(( بابا تشرب شاى ))
يرد عليك و يقولك
(( أه أشرب شاى ))
ترد انت عليه و تقوله
(( طب اعملى معاااك ))


الله يرحم أيام ما كنت بتتحايل عليه

يقولك قوم اتفرج ع الماتش ده النهائى يابنى
ترد عليه و تقوله لا يابابا الزمالك مستواه زفت
وبنى عبيد هيكسب هيكسب

* عايز تشترى حاجه
(( خد ياض ياتوفيق ))
هاتلى مش عارف ايه أصل مكسل أمشى
وخد الباااقى

وكل ده عشان متسبش النت لواحده


أنا قولت بس أجى أمسى بـ كلمتين و أرمى السلام


(( أه ع فكره انا خلصت امتحانات و الكلام ده كله حصل معايا ))


يجعلو عامر علينا جميعا
محمود الصاروخ

[اذار .]

ما شاء الله خلصت و أنا لسى بدأت

بالنسبة الوقت إلي بنضيعه للتهرب من المذاكره

أنا كل ربع ساعه لازم أروح للمطبخ و افتح الثلاجه و أبص عليها

و اقفلها و أرجع أكمل مذاكرتي ! ما أدري وش علاقتي مع الثلاجه

بس هذا المشوار المعتاد في وقت مذاكرتي ههههههههههه

بالإضافه إلى أن كل خمس دقائق افتح الجوال و أخذ جوله على جميع البرامج

و بعدها أكمل مذاكره ،

موضوعك ظريف جداً سلمت ، و ربنا يوفق الكل ب اختباراته .

[M.B]

ههههههههههههههههههههههه انا بقيت بنزل اصلي ف الجامع هههههههههههههههههههه

عادي ده شيئ طبيعي

تسلم

[شاعر الحب الحزين]

يي انا مخلص مذاكرة من 10 سنين يا باشا

مريح دماغي من المذاكرة وآدينا بنذاكر في الحياة

وبنتعلم منها يا معلم

تسلم إيديك يا حودا وبالتوفيق في الامتحانات بقى

[العاشق الذى لم يتب]

شوف ياسيى
قصدى ياصاروخ
روح ذاكروسيبك من الدلع على الوالد
والحركات القرعة دى
ربناينجحك
ونايس خزعبلاية
وتعيش وتهيص
منورعندنا
تحياتى

[ساحر الأحزان]

مقضيها انت يا محمود


حلوة خزعبلاتك دى

[حالمة باميرى]

ربنا يكون فى عونك يع مذاكرة وكلام فاضى
انا الحمد الله خلصت بس بذاكر لخواتى وبسبهم يفلسعوا براحتهم

[ايمان طلعت]

هههههههههه
الكلام دة صحيح 100% اكيد
الحمدلله الواحد خلص من زمان
بس بردو مفيش راحه فيه اجيال بنذاكرلهم
ربنا يوفقك بقى