جوايا اتنين عكس بعض

[أحمد الخزرجى]

جوايا اتنين عكس بعض
واحد سنه والتاني فرض
تملي عايشين في عاركه
ومفيش نصر ولافيش دم ع الارض
واحد سنة الحياه
يعيش ويتجوز
ويجيب عربيه
ويخلف ويتجنز
والتاني زاهد فرض
وبايع القضيه
رافض يكون كما الناس
بيحب ام كلثوم لما تقوله
انت ما بينك وبين الحب دنيا
مجازا اسمه زاهد ثورجي
بشوش عابس
سالك وحورتجي
نقطة مياه ع اليابس
بيحب يتكلم ف السياسه
مع اني عايش ورا الحيط
ويحب ينكش البنت اللي بتتمشي
مع اني بخاف ع بنات الناس
هو فلاتي
وأنا في حالي
هو يوماتي
يسكر يبعزقلي مالي
بيحب يعيش الحاجه ميت مره
بس ميكررهاش
يغير تفاصيلها المره
اللي متململهاش
هو حس بحسرة ام الشهيد
وانا مبلم
هو يدي دروس حرية العبيد
وانا اتعلم
مقتنع بحلاوة العيشه
ومن زمان نفسه يشد الفيشه
ويفصل كهربة قرفه
مقتنع ان في سبب عشانه انوجد
وان رجع العمر
كانت اول امانيه
انه مكنش انولد
ف ايه العمل
يا سيدنا
وهل في امل
تاخد بإيدنا !؟
- انت تروح تتعالج
وبلاش تتفاجئ
لما اواجهك بإنك مجنون

[توحد ارواح]

بالفعل شىء طبيعى اننا فى بعض الاحيان نحس بالتناقض ف حاجات كتيره
يعنى عاوزين نعمل حاجه وعكسها جوانا ف نفس الوقت
ولكن بالاخر يكون الوازع الدينى واخلاقياتنا هى الفيصل
رائع ما انتقيت
فى حفظ الله

[أحمد الخزرجى]

اقتباس المشاركة الأصلية كتبت بواسطة توحد ارواح بالفعل شىء طبيعى اننا فى بعض الاحيان نحس بالتناقض ف حاجات كتيره يعنى عاوزين نعمل حاجه وعكسها جوانا ف نفس الوقت ولكن بالاخر يكون الوازع الدينى واخلاقياتنا هى الفيصل رائع ما انتقيت فى حفظ الله

شكرا للمرور الرائع والتعليق الأروع

[alaamiah]

اللهم إنك عفو كريم تحب العفو فاعف عني .
اللهم ارزقني حُبك وحُب من ينفعني حُبّهُ عندك ، اللهم مارزقتني مما أُحبُ فاجعله قوة لي فيما تحب ، اللهم ما زويت عني مما أُحب فاجعله فراغاً لي فيما تحب.

[العاشق الذى لم يتب]

رائع الانتقاء
وجميل الاختيار
يدوم التميز
تحياتى

[أحمد الخزرجى]

اقتباس المشاركة الأصلية كتبت بواسطة العاشق الذى لم يتب رائع الانتقاء وجميل الاختيار يدوم التميز تحياتى

شكرا لمرورك أخى الكريم

[Eng Esraa]

كلامك جميل يا احمد تسلم ايدك ...

[أحمد الخزرجى]

اقتباس المشاركة الأصلية كتبت بواسطة essoo كلامك جميل يا احمد تسلم ايدك ...

شكرا لمرورك العطر والتعليق الطيب