الدبلجه ام الترجمه

[big bốss]

السلام عليكم و رحمة الله و بركاته

طبعآ كلنا بنتفرج على أفلام و مسلسلات اجنبيه و هنديه و تركيه

طبعآ فينا الى بيفضل ان الفيلم او المسلسل يكون مدبلج علشان عايز يتمتع

مشاهدة الفيلم و مش عايز يتعب نفسه فى قرايت الترجمه ، و حاليآ الترجمه

السوريه و اللبنانيه هى الى مستحوزه على دبلجة الاعمال الدراميه

و فيه الى بيحب الترجمه الكتابه علشان عايز يسمع صوت الممثلين و كلامهم

علشان الدبلجه بتكون تاثير .

يا ترى بتفضل الترجمه و لا الدبلجه لما بتشاهد عمل سينمائى او درامى ؟

و اى لهجات الدبلجه الى بتحبها السورى و لا اللبنانى و لا الخليجى و لا المصرى ؟

[احسـ طفله ــاس]

انا هاتكلم عن الانمى لانى مش بتفرج ع مسلسلات

الانمى الترجمه احلى لان مركز الزهره بيبوظ الانمى من اوله لاخره لما يدبلجه

حلو اوووى انك بعدت عن السياسه يانور خليك بعيد عنها يابابا اصلها بتلسع

[big bốss]

اقتباس المشاركة الأصلية كتبت بواسطة احسـ طفله ــاس انا هاتكلم عن الانمى لانى مش بتفرج ع مسلسلات الانمى الترجمه احلى لان مركز الزهره بيبوظ الانمى من اوله لاخره لما يدبلجه حلو اوووى انك بعدت عن السياسه يانور خليك بعيد عنها يابابا اصلها بتلسع

هههههههههههه

على فكره يا الاء انا كمان بحب الترجمه

لان الدبلجه بضيع صوت الفيلم و بتكتمه و بيبقى كل حاجه اضافه

و السياسه مش بتلسع دى بتشل

حمد الله ع السلامه

نورتى المنتدى

[توحد ارواح]

وعليكم السلام ورحمة الله

انا مش بتابع كتير ولكن عامة لو اتفرجت انا بفضل الترجمه لان بحس فعلا
ان الصوت والصوره متطابقين مع بعض
واحب اسمع الصوت الاصلى بيكون افضل
ولكن لو فرضت الدبلجه بتكون اللهجه الخليجى عموما جميله
شكرا ع الطرح الجميل
تحيتى

[الحان الورد]

الترجمة أفضل ،
أنا باخدها كمان من ناحية تطوير اللغة عندي ( إنجليزي ) ,,
بالنسبة للدبلجة مش سيئة أوي
شغالة يعني ، بس الترجمة أفضل بالنسبالي زي ما قلت .

[big bốss]

اقتباس المشاركة الأصلية كتبت بواسطة توحد ارواح وعليكم السلام ورحمة الله انا مش بتابع كتير ولكن عامة لو اتفرجت انا بفضل الترجمه لان بحس فعلا ان الصوت والصوره متطابقين مع بعض واحب اسمع الصوت الاصلى بيكون افضل ولكن لو فرضت الدبلجه بتكون اللهجه الخليجى عموما جميله شكرا ع الطرح الجميل تحيتى

فعلآ يا ندى الصوت الاصلى بيكون افضل من المدبلج

و ممكن يكون الدبلجه غلط و مش متركبه على تفاصيل الحركه

مش بحب اللهجه الخليجى

[فتحى عيسى]

الدبلجة بتأثر علي متعة المشاهدة
وبتفقدها حلاوة التواصل
الترجمة مفيدة أكثر وأجمل
طرح راقي كما هو دائما
مودتي وإحترامي

[big bốss]

اقتباس المشاركة الأصلية كتبت بواسطة الحان الورد الترجمة أفضل ، أنا باخدها كمان من ناحية تطوير اللغة عندي ( إنجليزي ) ,, بالنسبة للدبلجة مش سيئة أوي شغالة يعني ، بس الترجمة أفضل بالنسبالي زي ما قلت .

و انا برضو بحب اسمع اللغه و احاول اترجم مع نفسي

علشان اطور الحاصله اللغويه عندى

برافو عليكى قلتى نقطه مهمه

[big bốss]

اقتباس المشاركة الأصلية كتبت بواسطة فتحى عيسى الدبلجة بتأثر علي متعة المشاهدة وبتفقدها حلاوة التواصل الترجمة مفيدة أكثر وأجمل طرح راقي كما هو دائما مودتي وإحترامي

فعلآ استاذ فتحى الدبلجه بضيع متعة الفيلم

و كمان هى بتكون مفيده للضعاف القراءه او مش عارفين يقروا بس

[Arco Baleno]

الترجمه اكيد لان الترجمه بيكون الفلم بي التاثيرات والاصوات الحقيقيه وتحس بتفاعل كبير معاه جداااااما الدبلجه لو الفلم ناجح 100 با 100 تنزل مستواه الى 20 با 100
والسبب انك ما تعرف تتفاعل لان تحس الاصوات مركبه وتحس الاثاره تبع المدبلجين مو نفس الي يمثلون
سواء كان حزن او بكاء او صراخ من المشاهد الموثره تحس الدبلجه تخليها بارده اوي
وكمان فيها عيوب في الدبلجه تلاقي الممثل بصوت معين بعد كم حلقه الصوت يتغير
لذلك الدبلجه فاااااااااااشله في نظري وتموت الافلام والمسلسلات وتقتل الحماس
انا احب نفس الاصوات تبع الممثلين ويكون فيه ترجمه كتابيه اقراها
دا الي افضله
موضوع جميل يانور