ماذا يحدث لو / مبارك اتنقل الي رحمه الله

[phalsteen]

مــــــــــساء الخير من فترة كدة وبالصدفه اتفرجت ع حلقه لفريد الديب وساعتها ضغطي علي وكنت هتهبل من الكلام الواثق والخطي الواضحه نــــــاس واثقه اجدع سيبك انت الديب ديب برضو المهم انا طبعا مفهمتش حاجة بس لفت نظري كلمتين كدا فريد الديب قال ان مبارك لو طلع براءة هيتنقل لقصر من قصور الرئاسه بحكم انه رئيس سابق اتنحي باراداته محدش خلعه ولا حاجة وان دا حقه طب كسر حقك علي حقه يا اسمك ايه طب مبارك مخدش براءة وربنا كرم وخد حبس افرض بئه ربنا افتكره في الايام دي ومافيش حاجة بعيده عن ربنا وبعد ما قال ان السيسي هو بطل المرحله وبعد ما كل رجال مبارك شافوا احلامهم في رئيس مصر القادم السيسي بما انه ريس بئه هيعمل ايه جـــــــنازة عسكريه واعلان الطوارئ لرئيس دوله سابق ولا هيتعامل معاه كأنه سوابق سرق شعبه ؟؟؟

[شاعر الحب الحزين]

لو مات هندعيله بالرحمة والمغفرة عشان مسلم زينا

ايوة مختلفين مع افعاله وعمايله بس هو برده كبير في السن

اما بالنسبة للتشييع والجنازة مش عارف هتبقى ازاي

بس في النهاية هيندفن تحت التراب زيه زي أي حد فينا

حتى لو كان في الحياة في مستوى عالي عننا وبعيد عننا

بس كلنا متساويين في الموت والدفن تحت التراب ودي هي الحياة

الحقيقية اللي هيحاسبنا ويحكم بيننا ربنا بعدها

تسلمي يا سما على موضوعك

ربنا يرحم كل اموات المسلمين

[world]

بصي هوا اكييييييد الجنازة مش هتكون عاديه
مش لان السيسي هيعملها عسكريه
لالا
لكن لان الشعب فيه ملايين محبين لمبارك او بعني اصح عرفو قمتو بعد
التدهور ال حصل لما الثورة سرقها الاخوان

فبقي ف تعاطف معاه
يعني هتلاقي ملاييين ف الجنازة وطبعا محبينو هعملو كرنفال حزين وبائس

[.نبض القلوب.]

هيعملوا تمثال

[big bốss]

مبارك هيموت زى اى حد ومش مهم جنازه عسكريه و لا غيره

المهم يكفر عن ذنوبه الى عملها و يفكر ازاى هيقابل ربنا

لان جنازه عسكريه و لا غيره هتخفف عذابه او هدخله الجنه

كلها شكليات فى عالم البشر بس

[حلم عمري]

بصراحة ساعتها مش هتفرق اووي اذا كانت جنازة عسكرية او عادية
بس مؤكد كلنا هندعيله بالرحمة لانه في الاول والاخر انسان زينا
وربنا يتولاه برحمته بقا