سهرة أننخابية سيساوية صباحية

[ساحر الأحزان]

بسم الله الرحمن الرحيم




مع تالت يوم لأنتخابات الرئاسة المصرية ومع ضعف التصويت فى أول يومين قررت اللجنة العليا للأنتخابات مد التصويت لتالت يوم !

ودة لعدة أسباب ضعف نسبة الحضور للناخبين

أعطاء الفرصة لأكبر عدد للتصويت

لعدم نزول حزب الكنبة للأنتخابات ومقاطعتة لها مع بعض الحركات الأخرى ؟

ومع رفض المرشحين لمد الانتخابات ليوم تالت وتهديد حمدين والسيسى للأنسحاب من سباق التصويت وهو ما معناة أن القرار لم يكن على هوى المرشحين

وهو ما أعطى فرصة لظهور الأقاويل بتزوير الأنتخابات مع حضور مراقبين دوليين لمراقبة سير العملية الأنتخابية ؟

ومجمل القول

هل تم مد اليوم للتزوير أم لأعطاء فرصة أكبر للمصوتين ؟

من خلال الرؤيا للأنتخابات هل تمت فى جو ديمقراطى ؟

أم جو سلبى

ما هى توقعاتك لما يحدث فى الفترة المقبلة سوء فاز حمدين أو السيسى

السيسى فطن للى حصل للرئيس السابق وقال أن النتائج حتظهر بعد سنتين من أنتخابة مش بعد تسعين يوم!

وحمدين خلى البحر طحينة من خلال الحلم بالأمل فى المستقبل؟

الكلام للمرشحين من خلال متابعتك ليهم فى القنوات الفضائية أو فى الصحف

مين صاحب المصدقية فيهم

وأخيرا مد التصويت لتالت يوم أية رئيك فية ؟

هل توفق ؟أم ترفض

بتمنى من يدخل الموضوع أن يدلى برؤييتة الشخصية وتصورة لما يحدث فى الأيام المقبلة ؟

تحياتى

[سارة سرسور]

هل تم مد اليوم للتزوير أم لأعطاء فرصة أكبر للمصوتين ؟
طبعاً
لأعطاء فرصة أكبر للمصوتين

من خلال الرؤيا للأنتخابات هل تمت فى جو ديمقراطى ؟

أم جو سلبى

جو ديمقراطى

ما هى توقعاتك لما يحدث فى الفترة المقبلة سوء فاز حمدين أو السيسى

كل ما قاله المشير سيتحقق ومصر بإذن الله هتتقدم واقتصادها سوف يزدهر

السيسى فطن للى حصل للرئيس السابق وقال أن النتائج حتظهر بعد سنتين من أنتخابة مش بعد تسعين يوم!

وحمدين خلى البحر طحينة من خلال الحلم بالأمل فى المستقبل؟

الكلام للمرشحين من خلال متابعتك ليهم فى القنوات الفضائية أو فى الصحف

مين صاحب المصدقية فيهم
المشير عبد الفتاح السيسي رجل عارف معنى كل حرف بيقوله هو رجل مواقف رجل المهام الصعبة الله يحميه
وأخيرا مد التصويت لتالت يوم أية رئيك فية ؟

هل توفق ؟أم ترفض

موافق طبعاً عشان الوافدين وفرصة للي رافض يغير رأيه
وأحسن حاجة الغرامة


التقييم ممتاز
الفكرة حلوة

[&& برنسيسة المنصورة &&]

اكيد ديمقراطي واكبر دليل علي كدا الناس اللي كانت بتحتفل بالسيسي وشايلين صورته
وكل اللي بيشككوا في كدا الاخوان وبس
انا بجد مش عارفة هما عايزين ايه من البلد
كفاية عليكوا كدا
البلد محتاحة تقوم
واللي هيقولي ان دم اخواتنا ومش عارفة ايه؟؟؟؟!!!!!
ويعني احنا اللي اخواتنا اللي بيتقتوا وبيتفجروافي الجيش والشرطة دول ملهمش حق
ولا يعني احنا جايبنهم من الصومال

الاتنين اخواتنا
بس لازم نفوق شوية وننسي موضوع حرب علي الاسلام
دا علي اساس اننا كفار
ماكلنا مسلمين ومومنين
الايمان مش بس بالدقن والنقاب
الايمان الحقيقي في القلب وان تحب بلدك مش تدمرها
..................................................
سوري يا ساحر ان كنت خرجت شوية
بش الكلام كلو ليه علاقة ببعض
.................................................. .
وموضوع مد اليوم الثالث كلنا عارفين ان
كان في مشاكل للوافدين ودول اصواتهم 4 مليون او اكتر وحرام مايدلوش باصواتهم
.................................................. ....
وعل فكرة هيكون احتفال جاااااااااااااامد اخر حاجة بكرا
لما السيسي يكون رئيس

يسلمو علي الطرح

[Abdallah]

اولا هقولك انظر للكون المليان و
ثانيا هل شوفت مظاهره الوافدين امام الجنه
العليا لأنتخابات ..
ثالثا انا مش فارق معاى الموضوع ده ...

[ساحر الأحزان]

اقتباس المشاركة الأصلية كتبت بواسطة g e и τ ŀ e м a и اولا هقولك انظر للكون المليان و ثانيا هل شوفت مظاهره الوافدين امام الجنه العليا لأنتخابات .. ثالثا انا مش فارق معاى الموضوع ده ...

انت صوت ولا ما صوتش يا عبدة

ولا انت تبع حزب الكنبة

هو النتائج دلوقتى فى اللجان

بتبشر بسى ما تعرف النهاية حتوصل لمين

[حلم عمري]

اولا مد الانتخابات ليوم تالت انا مكنتش معاها
لاني رايي اللي منزلش اول وتاني يوم هينزل يعني تالت يوم ؟؟
بس انا مش مقتنعة تماما ان فيه تزوير حصل
لان مفيش حد بيفكر بعقل ممكن يصدق ان السيسي يزور لنفسه لانه واضح من خلال النتائج اللي بتظهر حاليا انه كسبان كسبان
دا الاصوات الباطلة اعلي من حمدين
كمان الانتخابات كانت في جو ديمقراطي جداا بالرغم من وجود البعض اللي حاول يشوه الصورة ويهين الناس اللي نزلت ولكن الناس نزلت وكله انتخب بكامل ارادته

ان شاء الله السيسي هيكسب ونأمل خير ان البلد هتكون احسن علي ايده وانه هينفذ وعوده باذن الله

طرح رائع امجد تسلم

[♥SaRa]

اكـيد طبعاً تم مد فترهـ الانتخابات حتي تآخد الناس وقتها
لكن كتير من المنخبين اعترضوا لأن الوقت كانت الساعة التاسعة
ولسسة مش فية ناس كانت انتخبت .
وكانوا عايزين نتخبوا لكن الوقت خلص
ويا ريت بجد نعيش الواقع لأن الاشخاص الي مش نزلوا
علشان بيقولوا حرام وكدة الانتخاب
أصل كدة مش بتفيدوا البلد ومش هيأثر صوتهم
هما بس كدة بتحرموا نفسهم من الحرية
ولما لقوا ان حكاية عدم الذهاب للأنتخاب دي مش هتأثر
طلعوا حكاية ان مد اليوم ده ..هيتم تزوير الانتخابات فية .!
الي كان عايز يزور كان زور من اول يوم
بس الواقع ان السيسي هيكون الرئيس
لأن الي نزل انتخب انتخب السيسي الي هما مؤيدية
لكن انتوا الي معارضين مش نزلتوا انتخبتوا فا عادي مش فارقة معاهم ..
وعـ العموم الله الموفق فـ كل شئ

[Safira]

هل تم مد اليوم للتزوير أم لأعطاء فرصة أكبر للمصوتين ؟

صراحه انا مش شايفه الموضوع فيه تزوير لان لو كان في تزوير يبقى ايه لزمه مد اليوم ماكان يتم التزوير من اول يوم كمان ومكنش هيطلع حد يقول ياجماعه انزلوا الاقبال قليل لان لو كان في تزوير كان الاعلام هيفبرك ويقول ان في حشود واقبال كبير ع اللجان وده محصلش فااعتقد انه مجرد فرصه مش اكتر

من خلال الرؤيا للأنتخابات هل تمت فى جو ديمقراطى ؟

اه جو ديمقراطي لان لازم انتخابات سريعه عشان البلد دي تقف ع حيلها بقى


ما هى توقعاتك لما يحدث فى الفترة المقبلة سوء فاز حمدين أو السيسى

السيسى فطن للى حصل للرئيس السابق وقال أن النتائج حتظهر بعد سنتين من أنتخابة مش بعد تسعين يوم!

وحمدين خلى البحر طحينة من خلال الحلم بالأمل فى المستقبل؟

الكلام للمرشحين من خلال متابعتك ليهم فى القنوات الفضائية أو فى الصحف

مين صاحب المصدقية فيهم

محدش يقدر ينسى ال عمله حمدين قبل ثورة 30 يونيو وانه كان اتظلم بجد في الانتخابات الـ كانت بعد ثورة 25 يناير لكن وبردو مش هنقدر ننسى الـ عملوا السيسي ضد الاخوان وانه خلصنا من استعمار اخذ الاسلام شعار ليه والاسلام برئ منه ومش هقدر اتوقع مين الـ صاحب مصداقيه لان باختصار المواقف والتصرفات كفيله انها تبين مين صاحب المصداقيه

وأخيرا مد التصويت لتالت يوم أية رئيك فية ؟

اه اوافق عشان ميكنش حد له حجه والكل يشارك سواء مؤيد او مقاطع انزل مش هتخسر حاجه صوتك امانه حتى لو مش هتديه لاي حد فيهم

وبالنسبه للتصور للاحداث الجايه فـ ربنا وحده يعلم بيها بس بتمنى انها تكون خير لكل المصريين ونشوف بلدنا بتنهض فعلا مش مجرد كلام وخلاص

تسلم يااستاذ امجد ع الطرح

[العاشق الذى لم يتب]

مين صاحب المصدقية فيهم

هم الاتنين كدابين منافقين افاكين مضللين وضالين
وانت ليك تحياتى

[ساحر الأحزان]

من الواقع لفرز الاصوات هو تقدم السيسى بسى لسة على الفرز وقت كبير

وبخصوص حكاية الوافدين

هو مش المفروض ومعروف أن فية أنتخابات حتم

وأن كل واحد بينتخب فى ديرتة

وحكاية الغرامة ألى هى 500جنية

حتتطبق ولا دة كلام لحشد المصوتين والتهويش ؟

وخصوصا أن فية ناس مقاطعة كتير مع العلم أن لو حتى ألى صوت أتنين مليون

كدة كدة الى صوت حيتحسب صوتهم والى يفوز يبقى الرئيس