هو احنا كدة استسلمنا ... ؟

[Eng Esraa]

صباح الخير
طبعا بعد امبارح ناس كتير اوي فرحانة
ربنا يتمم فرحتهم ع خير يا رب بخصوص
الرئيس الجديد طبعا ... بس ف حاجة عاوزة اعرفها
ف شخصية معروفة ف الاعلام سمعتها دلوقتي بتقول
احنا مش مستعجلين ع حل المشاكل ة هي تقريبا كانت
من اكتر الناس المعارضين ان الرئيس السابق معملش
حاجة ف اول شهرين ... !؟ طيب ده اسمه ايه او اشمعني
دلوقتي و حاجات برضوا كانت بتحصل و معترضين عليها و
بتحصل دلوقتي و موافقين عليها .. و يمكن حاجات اكتر كمان
زي الكهرباء و الجديد ان النت متراقب ده حقيقي والله و خاصتا
الفيس و تويتر انا لما كنت بشغل الڤايبر انهاردة الصبح
كان واقف اختي قالت لي ان النت عمتا متراقب ... طيب هو ده
صح ؟ ولا ايه ... و هل احنا كده استسلمنا لما نقول مش مستعجلين
ع حل المشاكل و موافقين ع اي حاجة مش ده ممكن يبقي ضعف
او الناس تعبت ... ؟! ف اسئلة كتير عاوزة اعرف اجابتها و ع فكرة
انا مليش دعوة باي حاجة لا نظام سابق ولا حاضر ههههههه
كل الحكاية اني عاوزة افهم فعلا ...

اشمعني دلوقتي موافقين ع اللي بيحصل ؟
مع انه يمك اسوء من قبل كده
و هل لو الرئيس الجديد ده مش نفذ اللي
قال عليه خلال سنة زي اللي قبله هتطالبوا
بتنحيه برضوا ... ؟!

[حلم عمري]

بصي هو معروف طبعا ان اغلبية اللي في الاعلام مش ليهم كلمة
وبيطبلوا للي موجود وخلاص
بس انتي بصي للشعب
اه فعلا الاغلبية مع الرئيس الجديد وانا منهم
لكن مش معناها انه هيتحكم فينا
هو نفسه قال قدامي سنتين عشان اقدر اصلح من حال البلد وقال انا مش معايا عصا سحرية
عكس اللي قبله اللي وعد بميت يوم ومشروعه مفيش زيه وللاسف مشوفناش حاجة بل للاسف البلد كانت بتضيع اكتر ودا اللي دفعنا ان احنا نامره بالرحيل
اما الرئيس الحالي والله كلنا نأمل انه يصلح حال البلد ويوفي بوعوده
انما لو لاقدر الله خاب ظننا فيه هيمشي زي الاتنين اللي قبله
عايزة اطمنك بس ان الحمد لله محدش يقدر ع الشعب المصري
دي بلدنا احنا المصريين ومحدش يقدر يتحكم فينا ولا عمرنا هنستسلم لاي حد يظلمنا

تسلمي لطرحك يا قمر

[فتحى عيسى]

طبعا مش معني إنه أصبح رئيس خلاص يبقي أنكتب علينا شره وخيره
لاء طبعا هناك دوما حدود وأفق عندما نري إن وجوده أصبح عالة
ولا يوجد جديد ولا تحسن ملحوظ ولا إنفراجة حقيقية يلمسها راجل الشارع
ساعتها فيه كلام تاني
بس هناك مقولة حبيبك يبلعلك الزلط
وعدوك يتمنالك الغلط
شوفيها من أي وجهة ترينها
طرح قيم أحييكِ عليه
تحياتي وإحترامي

[مُنـــــايا]

شوفي حبيبتي الشعب حاليا ً خلاص بقي فاهم وواعي لكل ما يدور حوله
مش هيستسلم أو يخضع لأي ظلم تاني لان فاض بيه .
ولو حد جار عليه هيعمل فيه زي اللي قبله .
بس عايزين نقول كل شي بقدر وربنا قدر للسيسي إنه يكون رئيس
للمرحله دي ...هو يعيي تماما لما هو مُقدم عليه ويعلم جيدا ً أن الشعب
لن يصمت عليه إذا تهاون بحقه ...
وبنتمني إن شاء الله إنه يكون عند حًسن ظن اللي أختاروه ومش يخزلهم
ويكون القادم أفضل بمشيئه الرحمن...

موضوع قيم منك
لروحك السعاده

[world]

اولا كلامك ف حاجات كتير محتاجا توضيحات

بصي ي ستي الفرق

هوا ان مورسي قال (بعد مائه يوم) هيتحل كل المشاكل
وضع مدة وانتخبوة علي اساسها

وف خلال المدة دي فشل ف كل انلواحي بالعكس كان بيحنس قسمه وحلفانه ولا يحترم القوانين ويفرج عن قاتلين ومجرمين
بدا الناس تشعر الخطر وانه لم يوف بوعدة

اما السيسي فقد قال ان بعد (سنتين)
سيشعر المواطن بتحسن

اونتخبناه علي هذا الاساس بردو
اذن هنتتظر السنتين لوجود (تحسن) فقط
لان مشروعو هو علي المدي الطويل ودا الكل فاهمه

غير كدا ظروف الامن ال اصبحت ف تدهور بسبب مجانين السلطه (السابقين)
ف الوضع اصعب والسيسي حدد مدة

[Eng Esraa]

اقتباس المشاركة الأصلية كتبت بواسطة حلم عمري بصي هو معروف طبعا ان اغلبية اللي في الاعلام مش ليهم كلمة وبيطبلوا للي موجود وخلاص بس انتي بصي للشعب اه فعلا الاغلبية مع الرئيس الجديد وانا منهم لكن مش معناها انه هيتحكم فينا هو نفسه قال قدامي سنتين عشان اقدر اصلح من حال البلد وقال انا مش معايا عصا سحرية عكس اللي قبله اللي وعد بميت يوم ومشروعه مفيش زيه وللاسف مشوفناش حاجة بل للاسف البلد كانت بتضيع اكتر ودا اللي دفعنا ان احنا نامره بالرحيل اما الرئيس الحالي والله كلنا نأمل انه يصلح حال البلد ويوفي بوعوده انما لو لاقدر الله خاب ظننا فيه هيمشي زي الاتنين اللي قبله عايزة اطمنك بس ان الحمد لله محدش يقدر ع الشعب المصري دي بلدنا احنا المصريين ومحدش يقدر يتحكم فينا ولا عمرنا هنستسلم لاي حد يظلمنا تسلمي لطرحك يا قمر

وو الله انا كمان بتمني انه يصلح البلد
مرة تانيه .. ربنا مع الجميع بقي
تسلمي حبيبتي لمرورك

[Eng Esraa]

اقتباس المشاركة الأصلية كتبت بواسطة فتحى عيسى طبعا مش معني إنه أصبح رئيس خلاص يبقي أنكتب علينا شره وخيره لاء طبعا هناك دوما حدود وأفق عندما نري إن وجوده أصبح عالة ولا يوجد جديد ولا تحسن ملحوظ ولا إنفراجة حقيقية يلمسها راجل الشارع ساعتها فيه كلام تاني بس هناك مقولة حبيبك يبلعلك الزلط وعدوك يتمنالك الغلط شوفيها من أي وجهة ترينها طرح قيم أحييكِ عليه تحياتي وإحترامي

مشكور لردك القيم
تسلم ع مرورك

[Eng Esraa]

[quote=منـايا;4485854]

شوفي حبيبتي الشعب حاليا ً خلاص بقي فاهم وواعي لكل ما يدور حوله
مش هيستسلم أو يخضع لأي ظلم تاني لان فاض بيه .
ولو حد جار عليه هيعمل فيه زي اللي قبله .
بس عايزين نقول كل شي بقدر وربنا قدر للسيسي إنه يكون رئيس
للمرحله دي ...هو يعيي تماما لما هو مُقدم عليه ويعلم جيدا ً أن الشعب
لن يصمت عليه إذا تهاون بحقه ...
وبنتمني إن شاء الله إنه يكون عند حًسن ظن اللي أختاروه و

مش يخزلهم
ويكون القادم أفضل بمشيئه الرحمن...

موضوع قيم منك
لروحك السعاده

[/quote


فعلا والله فاض بينا ...
يا رب يكون هو الصالح فعلا
تسلمي حبيبتي
نورتيني

[Eng Esraa]

اقتباس المشاركة الأصلية كتبت بواسطة world اولا كلامك ف حاجات كتير محتاجا توضيحات بصي ي ستي الفرق هوا ان مورسي قال (بعد مائه يوم) هيتحل كل المشاكل وضع مدة وانتخبوة علي اساسها وف خلال المدة دي فشل ف كل انلواحي بالعكس كان بيحنس قسمه وحلفانه ولا يحترم القوانين ويفرج عن قاتلين ومجرمين بدا الناس تشعر الخطر وانه لم يوف بوعدة اما السيسي فقد قال ان بعد (سنتين) سيشعر المواطن بتحسن اونتخبناه علي هذا الاساس بردو اذن هنتتظر السنتين لوجود (تحسن) فقط لان مشروعو هو علي المدي الطويل ودا الكل فاهمه غير كدا ظروف الامن ال اصبحت ف تدهور بسبب مجانين السلطه (السابقين) ف الوضع اصعب والسيسي حدد مدة

حضرتك لو ف حاجة مش واضحة
ممكن تقول/ي و انا هوضحها لحضرتك
كلامك تمام ..
و افدني .. تسلم لمرورك

[Eng Esraa]

اقتباس المشاركة الأصلية كتبت بواسطة الآمير العآشق ماعندي غير هذا الرد وبووكرره تشوفوو مصر

هههههه انا فهمتك يا ماجد الي حد ما ...
بس برضوا توضيح صغير معلش
ايه علاقة ده بالموضوع .. ؟!