مبادرة مصرية !!!!

[عازف الاحساس]

اعضاء منتدى بنات مصر

تحيه طيبه وبعد ........
هنا هيكون موضوعي مختلف
وسيكون موضوعي شبيه بالمبادرة
نعم بالمبادرة

انا لقيت الفتره الي فاتت مشادات قويه بين الاعضاء
بسبب السياسه والي حصل في مصر خلال ال3 سنيين الماضيه
من ارهاب وانقلاب وثورات
ولقيت ان نفوس كثير من الاعضاء اتغيرت
والبعض الاخر متداخله مفاهيمه الدينيه بالسياسيه !!!
وناس تانيه بيكون هدفها الوطن يبقى
وغيرهم عوزين خراب مصر والوطن يموت !!!

فكل واحد ليه فكره ومفاهيمه ودينه
بس حقيقي بقى فيه مشكله بنواجهها
ان مات حبنا لبعض
عشان مرسي والسيسي
وماتت فينا قيم الاخلاق والاخلاص والضمير
لدرجة وصلت اننا بقينا نقتل بعض
بقي فيناالاهانه لبعض

ونسينا مصر بلدنا نسينا اننا مصريين
نسينا ان كلنا ايد وحده للي هيمس اراضينا
نسينا ثورة 25 يناير الي مكنتش بتفرق
مابين مسلم ومسيحي وبين منقبه ومتبرجه
كنا كلنا واحد وجهنا الموت واتحدينا خوفنا
عشااااااان وطنيتنا ومصريتنا

وليه دا كله وعلى ايه
ياترى الي مؤيد مرسي بعيدا عن القيادات !
دا مش عوز الخير للبلد
طيب الي بيأيد السيسي مش عوز خير للبلد !

ليه بقينا كده

حقيقي عوز اعرف ليه بقيت فينا عدم الانسانيه والاخلاق وتشويه صورة اسلامنا ؟

عموما هنا انا بفتح صفحه بيضه
عشان نصفي فيها قلوبنا
ونبقى مصريين بجد
نتكاتف ونشتغل كلنا
والي فاكر نفسه هيبقى دكتاتور علينا ينسى
واي حد يفكر انه يضحك علينا نحبسه زي الي قبله
واي حد يفكر يشوه دينا نحرقه

ونشوف بلدنا لان بالنهاية احنا هدفنا واحد

وهوووووووو الوطــــــــــــن

فانا بتمنى من اي حد مؤيد لمرسي
او مؤيد للسيسي
يدخل ويشارك ويكتب مشاعره واحاسيسه تجاه بلده مصر
بكل تجرد عن ميول سياسي وبكل صدق واخلاص
مش لاي حد في الدنيا لا لربنا وللوطن

والي قتل ربنا هيحاسبه
والي ضحك علينا ربنا هيحاسبه
والي شوه صورة اسلامنا ربنا هيحاسبه
والي مسيحي ربنا هيحاسبه
والي مسلم ربنا هيحاسبه

وننسى مرسي وسيسي وسياسه
انا عوز نتكلم عن وطنيه واخلاص وصدق لبلدنا
من مؤيد او معارض او مسلم او مسيحي او يهودي حتى
فكل واحد وله افكاره ودينه وطلامه مفيش ضرر للاخرين
فهو حر بحياته الشخصيه وبالنهاية حسابه عند ربنا


لكم الساحه
وسيكون الله خير شاهد بأن من يشارك في تلك المبادرة
سيخرج منها بكل حب لمصر وللمصريين
وينسى فرض سيطرته و كره وغله وحقده




تحيااااااااااااتي

عـــــHeShaMــــازف

[دمعه حائره]

عندك حق السياسه خربت جوانا حاجات كتير
ونسينا الوطن وحبنا ليه
واتقسمنا لاكتر من فريق وده السبب فى كل الاخطاء
اللى ماليا البلد
مبادره جميله واتمنى الكل يتحلى بالصبر والتفاهم
ونحافظ على الاخوة بينا
تسلم هشام

[طبيب الهوى]

بلادي لكِ حُبي وفؤادي


حُبِك بِقَلبي غَرس أجدادي


وفي قلوب أبنائي أمتدادي


نَصغىَ لِصَوتُكِ حينَ يُنادي


أحتشدوا في الميادين بالأعدادِ


أنبهار العالم بِشبابُكِ يَزادادِ


سَنُعَمِرَ صَحَرائُكِ كما الوادي


وقواتِك تَقهرُ لَكِ الأعادي


نَحنَ شَعباً وليسَ أحادي


مع أختلاف أراء الأولادي


سنظل نُحِبُكِ يا بلادي


حَفظَكِ الله طولَ المِدادِ



هذيان قلمي المجنون



أخي عازف الإحساس


مُبادرة قيمة وراقية مثل شخصك الكريم


أدعو الله أن يحفظ مِصرَ وشعبها من كل سوء وشر آمين


تحياتي لشخصك ولأسرتك الكريمة



أبو عصام

[Eng Esraa]

عندك حق ... احنا بقينا بنهين
ف بعض و بنخسر بعض علشان
خاطر السياسة مش الوطن ... المشكلة
ان كل واحد ليه وجهة نظر ف رايه ف بقي
اللي قدامه مش بيتقبلها .. و غير ده كله
انا نفسي اللي يتكلم ف حاجة ميكونش عنده
دليل ع كلامه غير دينه و كلام من كتاب ربنا عز وجل ...
ربنا يصلح حال الوطن و يصلح الحال بينا يا رب

[فتحى عيسى]

لقد سبق لنا أخي الفاضل أن كتبنا في هذا الموضوع وأسمه أولاد بلد واحدة وأتمنيت زي ما تفضلت ننسي أي حاجة ونفكر بس في مصر وكان العشم في الله كبير ومع ذلك لم يلتفت أحد بالعكس زادات
الحوارات كلها بلا أستثناء بنفس الحالة بنفس القناعة بنفس النتيجة بتاعة كل مرة
أخي الفاضل عازف الإحساس
أحييك علي روحك الطيبة الجميلة
وكلي أمل أن تكون مبادرتك خير علي الجميع
تحياتي وتقديري

[دمعه حائره]

ياريت نلتزم بمضمون التوبيك
وهو التسامح ونبذ الخلافات
واللى عنده مشكله يقدمها فى الشكاوى
غير كده الردود هاتتحذف

[حلم عمري]

للاسف فعلا السياسة فرقتنا في الفترة الاخيرة
بس المشكلة ان كلنا بنتكلم
بس الموضوع دا عايز النفوس تصفي من ناحية بعضها
مبادرة رائعة عازف الاحساس تسلم ياارب

اللهم اجعل مصر بلدا سالما الي يوم الدين وسائر بلاد المسلمين

[الآمير العآشق]

احييتك استاذ عازف فيما طرحت هوونا

ومصر عزيزه علينا كلنا / مع كل توجهاتنا السياسيه
فهي الام وهي الارض والانتماء

لكن اسمح لي استاذ عازف
هووناك بعض جمل في طرحك
اختلف معك في رؤيتها واسلوب طرحها
لكن ليس مجالنا هووناا للنقاش

لكن هووناك جمله خاطئه فيما طرحته لنا

اقتباس من مؤيد او معارض او مسلم او مسيحي او يهودي حتى فكل واحد وله افكاره ودينه وطلامه مفيش ضرر للاخرين

لايصح ان نضع اليهودي معنا
في التعبير عن معني الوطنيه والاخلاص
حتي ولو كان من باب التشبيه

ومافي شي اسمو كل واحد حر في دينه
(ان الدين عند الله الاسلام ومن يبتغ غير الاسلام دينا فلن يقبل منه)
وغير الاسلام اسمو ديانات ولانطلق عليه اسم دين

[world]

المشكله هي ان البعض بقي عندو عدم انتماءا لبلدو
نتمني يعم الهدوء وبدل الكلام يبدا العمل
دا ال هيفيد البلد ويعبر عن حبنا
مش مجرد كومنت ولا كلام ف موضع سهل

[Lamees]

للأسف الحال من سيء لأسوء
تخيل أن الحال وصل من كتر التعصب الأخت
تبتعد عن أختها وتقطع اي صلة بها لمجرد أنها
تكلمت بأسلوب غير مهذب عن السيسي
هذا ما فعله بنا السفهاء
يتقاتلون وهم في بيت واحد
أم وبنتها
أخ وأخته
زوج وزوجته
ورغم كل ما حدث
ودماء الشهداء التي سالت وأرتوت بها أرض مصر
ماذا فعلنا لقد عدنا للبداية وكأننا كنا في حلم
وأفقنا منه على الحقيقة المرة
وهو عصر أنعدام الحريات ها هو قد عاد
بداية من فرض الرقابة على مواقع التواصل
وما زال النيل يجري ويقذف لنا بما لا يسر خاطرنا
ورغم ذلك لسه في أمل ولو كان بسيط
عندي أمل ربنا يحفظ بلدي من الفتن
ويظهر الحق على الباطل ويزهق الباطل
والله سبحانه سيعطي كل ذي حق حقه
فعند الله لن تضيع الحقوق
أحبك يا بلدي وأتمنى لكِ الأفضل أن وجد

تحياتي لطرحك هشام