لو إتحطيط في نفس الموقف هتعمل إييه؟؟!

[bobaOo]

بسم الله الرحمن الرحيم..
بعد الصلاة والسلام على رسول الله..
أما بعد..
ندخل في الموضوع..


زي ماقلت في العنوان..
لو اتحطيط في الموقف ده إيه التصرف الي هتعملو..
الموقف كالآتي..



من 3شهور.كنت في عمرة..
في الميقات..طبعا الميقات فيه حمامات خاصة..لرجال وللنساء..

وبنستنى بالدور طبعا متضرين لأن لازم نحرم من ميقات كل بلد..
المهم طلعت الي كنت مستنياها..
ودخلت وراها..
جيت أتوضا لقيت ساعة ع الحوض..
ومش أي ساعة ماركة بقا وكده .
أنا أخدتها وحطيتها في جيب البنطلون بنية إن أول ماطلع أدور ع صاحبة الساعة..
ولو ملقيتهاش أحطها في صندوق الأمانات..

بس على ميين..
أول ماطلعت لقيت الي كانت قبلي في وشي....
وبتقولي بعد إذنك نسيت ساعتي جوا..
قلتلها آه أهي اتفضلي...
وطلعتها من جيبي وإديتهالها..
بصيتلي بصة...
قعدت أقول ياأرض اتشقي وابلعيني..
كأني كنت عايزاها..
وكل الي في الحمام بيبصولي بقا والي ماشاف يتفرج....

ربنا العالم أنا كان ايه الي في نيتي....


السؤال هنا...
ليه كل الناس بقا ده تفكيرها...


وانت لو اتحطيت في الموقف هتعمل إيه...

تقبلو احترامي
تحياتي
بوؤبآ

[♥○ moOoOoOna ♥○]

المفروض انها تحسن الظن

صباح النور يا حبيبتي

مش هعرف ارد لان مشاركاتي قليلة

[big bốss]

هو موقف محرج و من كتر الناس ما فقدت الثقه فى أن حد عنده أمانه فظن السؤ هو الى بيسبق

دايمآ ، بس انتى غلطانه أنا فى موقف زى دا اى حاجه بلاقيه بمسكها فى أيدى من غير ما اتكلم

و صحبها هيشوفها هيعرفها و وقتها هيلاقينى ماسكها فى ايدى مش جوه جيبى فمش هيظن سواء

اهو موقف اتعلمى منه للمستقبل

و محدش بيأخد بالنيات الايام دى

[βÄşmα ♥]

علي فكره انا لو كنت مكانك كنت هعمل تقريبا نفس الحاجه

بصي الصراحه انا بقي بقيت مش بهتم الناس هتقول المهم نيتي ايه وربنا عالم بالنيه طبعاً

وتصرفك كان سليم ورآقي^^

ودي بقي مش مشكلة حد ان الناس بتحكم ع بعض من غير ما تعرف ايه اللي كان مقصود

ربناآ يهدي الجميع

طرح جميل تسسلمي ~

[bobaOo]

اقتباس المشاركة الأصلية كتبت بواسطة big bốss هو موقف محرج و من كتر الناس ما فقدت الثقه فى أن حد عنده أمانه فظن السؤ هو الى بيسبق دايمآ ، بس انتى غلطانه أنا فى موقف زى دا اى حاجه بلاقيه بمسكها فى أيدى من غير ما اتكلم و صحبها هيشوفها هيعرفها و وقتها هيلاقينى ماسكها فى ايدى مش جوه جيبى فمش هيظن سواء اهو موقف اتعلمى منه للمستقبل و محدش بيأخد بالنيات الايام دى

..
ماهو انا حطيتها في جيبي عشان متتبلش من الميه..

عندك حق.

نورت

[bobaOo]

اقتباس المشاركة الأصلية كتبت بواسطة منمونة عسوولة المفروض انها تحسن الظن صباح النور يا حبيبتي مش هعرف ارد لان مشاركاتي قليلة

صباح الفل حبيبتي

ولا يهمك

نورتي ياعثل

[♥○ moOoOoOna ♥○]

بس يكفيكي انك قولتلها انها معاكي

مأنكرتيش انك خدتيها

الناس هتفهم ان قصدك كويس

[bobaOo]

اقتباس المشاركة الأصلية كتبت بواسطة βÄşmα ♥ علي فكره انا لو كنت مكانك كنت هعمل تقريبا نفس الحاجه بصي الصراحه انا بقي بقيت مش بهتم الناس هتقول المهم نيتي ايه وربنا عالم بالنيه طبعاً وتصرفك كان سليم ورآقي^^ ودي بقي مش مشكلة حد ان الناس بتحكم ع بعض من غير ما تعرف ايه اللي كان مقصود ربناآ يهدي الجميع طرح جميل تسسلمي ~

فعلا عندك حق..
ربنا لوحدو العالم بالي في القلوب والنوايا..
الأجمل مرورك
تسلمي ياعثل

نورتيني

[bobaOo]

اقتباس المشاركة الأصلية كتبت بواسطة منمونة عسوولة بس يكفيكي انك قولتلها انها معاكي مأنكرتيش انك خدتيها الناس هتفهم ان قصدك كويس

صح
كلام سليم
تسلمي منمونتي

[الآمير العآشق]

هههههههههههه

الموضووع موش زي ماانتي فاكره بووبـــاا
الوضع بالسعوديهـ يختلف

وهوضح الك.. هووناك اذا شفتي اي حاجهـ بتتريكها مكانها
وموش تاخديها او تسلميها
ويقولك بعد كوودا الي راح منو شي
بيرجع لنفس الاماكن الي كان فيها
وكوودا بيسهل يشوف الي راح << طبعا دا اسلوبهم !
وانا بشوفهـ اسلوب خاطئ << بس بنقول دا نظام بلد

كان فيه زمان دايم يقولوها
ان واحد موش من اهل البلد هووناك / وهو ماشي بالطريق
شاف شوال مرمي بالطريق / حب يعرف هو شوال ايه
مد ايده بصابعه داخل الشوال / وعرف انو شوال دقيق
الموووهييم راح يبلغ عنه / سالوه :
عرفت من وين انو دقيق
رد وحكي الي حصل انو مد صابعه
قامو امرو بقطع صابعه !
<< القصه دي مشهوره وبتتحكي دايما
والله اعلم من صدقها او عدم صدق القصه
بس بتفسر تفكير معين !