وصفه خطيرة للشعر وانا بنفسى مجرباها

[PrinCesS Gege]

السلام عليكم ورحمة الله وبركاته أزيكم بقاا أنا رجعتلكم من تانى وجيبالكم معايا وصفة جامدة اخر حاجه وانا والله جربتها عشان متخافوش يعنى انا كنت مشتركه ف منتدى ف بالصدفة لقيت الوصفه دى بس بصراحه انا مبقتنعش بالوصفات ومبعملش بيها بخاف بس لقيت ردود رهييييبه عليها وكلو قالها احنا جربناها وقعدو يدعولها وحاجات كتيير انا الحمدلله شعرى ناعم بس طبعا لو عندى مناسبه او كده بعملو استشوار زياه الخير خيرين المهم انا لقيت الوصفه دى بتخلى الشعر زى كانو مكوى وبنات كتيير ردت عليها شعرهم مش حلو وعمل مفعول جامد ف قولت وانا شعرى ناعم ف هيبقا اجمد منهم وصممت وجربتها ف نفس اليوم وفعلا رهيبه شعرى كانى لسه مكوى وقعد كام يوم ع نفس حالته بس انا عملتو مره واحده كتجربة المهم انا عارفة انى رغيت كتيير وانتو زهقتو بس عشان اوضحلكو يعنى الخلطه كالآتى ((الوصفه )) 6م نشا + م عسل نحل ( اختيارى) +زيت ذره (على حسب كثافه الشعر وطوله ) برطمان زجاج . الطريقة ((هنحط النشا فى البرطمان وعليها كمية الزيت ونرجهم كويس جدااا وبعدين ضيفى العسل )) .....وبسسس وتسبيها على شعرك ساعتين وتلبسى بونيه وممكن تقعدى عاادى لان النشا خفيف وملوش ريحه بس يفضل البونيه والايشارب .)) ويغسل بالشامبو والبسلم ويلف بفوطه 10 دقايق علشان ينشف براحته ويلف طاقيه النتيجه : (((( ماشاء الله لا قوة الا بالله ))))) 1_هتحسى بنعوووووومه ولامعه حلوه والشعر مفرود بنسبه كويسه .. 2_شكله زى المستشور ومكوى كمااان ... اللى تجربها تقول بقآآآ