في أكبر مفاجئات المونديال كوستاريكا تهزم إيطاليا وتتاهل للدور الثاني

[აα∂ Ԑγεა]

حقق منتخب كوستاريكا المعجزة واستطاع العبور نحو ثمن نهائي كأس العالم
بعد التفوق على منتخب إيطاليا بهدف دون رد
في المواجهة التي جمعتهم على ملعب أرينا برنامبوكاتو في اطار الجولة الثانية من منافسات مجموعة الموت الرابعة.

وفجرت كوستاريكا المفاجأة بتأهلها للدور الثاني من كأس العالم كون منتخب إنجلترا أقصي بالتالي من البطولة
بينما سيودع أحد العملاقين إيطاليا والأوروجواي المسابقة العالمية أيضاً في الجولة المقبلة.
سجل بريان رويز هدف كوستاريكا الوحيد بضربة رأسية تجاوزت خط المرمى بقليل (44).



فشل الطليان في تقديم المطلوب منهم في الشوط الأول وبقوا حبيسين لتفوق كوستاريكا التكتيكي
التي ضغطت بخمس لاعبين في مناطق إيطاليا لمنعهم من تناقل الكرة وبدأ الهجمة بأريحية من الخلف.



غابت المحاولات الخطيرة عن المرميين لفترة طويلة، إيطاليا عانت في اخراج الكرة من مناطقها
بينما واصلت كوستاريكا ضغطها الكبير على حامل الكرة
حتى أتت لقطة عبقرية من بيرلو الذي أرسل كرة ساقطة خلف المدافعين وضعت بالوتيلي في مواجهة حارس المرمى
لكن المهاجم اضاع الفرصة بطريقة غريبة.

تحررت إيطاليا بعض الشيء بعد هذه الفرصة وسدد بالوتيلي كرة قوية من خارج منطقة الجزاء
تصدى لها حارس المرمى بصعوبة تامة.

ردت كوستاريكا على محاولات إيطاليا عندما توغل مهاجمها كامبل بين مدافعي إيطاليا ليعترض كيليني طريقه من الخلف
لكن حكم المباراة لم يحرك ساكن وسط احتجاجات مدرب المنتخب الكوستاريكي.



تفوق كوستاريكا الواضح تجلى عبر تسجيل الهدف الأول عندما ارتقى مهاجمها رويز في الدقيقة 44 لعرضية زميله
وحولها نحو المرمى لترتطم العارضة وتجتاز الخط بقليل مسجلاً الهدف الاول لفريقه.

سيطر الأزوري على الكرة في الشوط الثاني وحاول لاعبوه مراراً وتكراراً تسجيل هدف التعادل دون جدوى
وحتى دون صنع أي فرصة خطيرة على المرمى كوستاريكا.


اعتمدت كوستاريكا على الدفاع المتكتل والهجمات المرتدة التي شاكت بها دفاع الطليان،
بدوره حاول برانديلي تصحيح الأوضاع فأشرك إنسيني وكاسانو وتشيرشي دون أن يحصل أي تغيير على النتيجة.

استمر تفوق المنتخب المغمور في وسط الملعب حيث حاصر لاعبوه مفاتيح لعب إيطاليا وأهمها بيرلو
ليختنق المدرب برانديلي في ايجاد الحلول
وتحافظ كوستاريكا على تقدمها حتى أطلق الحكم صفارته معلناً نهاية المباراة.



رفعت كوستاريكا بذلك رصيدها إلى ستة نقاط لتصبح ثالث المتأهلين للدور الثاني خلف هولندا وتشيلي،
بينما تجمد رصيد إيطاليا عند النقطة الثالثة في المركز الثاني بفارق الأهداف عن الأوروجواي.

[توحد ارواح]

سبحان الله فعلا مفاجأه بكل المقاييس
كوستاريكا كانت مش ف الحسبان خالص ف المجموعه دى
معقول ان انجلترا تخرج؟
وكمان ايطاليا واورجواى واحد فيهم هيخرج ودى المفاجأه
مباراه غريبه قلبت الموزاين تماما
ولكن ف المقابل كانت ايطاليا تايهه ف الماتش وحسيت انها بتلعب من غير خطه
واصلا كانت نازله ضامنه الماتش ولكن الهزيمه قاسيه على فريق زى ايطاليا
خاصة انها امام فريق ليس له اى تاريخ كروى
شكرا ع الخبر والتغطيه المميزه

[აα∂ Ԑγεა]

اكبر مفاجئات البطولة بلا منازع !
شابوه كوستاريكا
انك تتأهل من مجموعه بالشكل دا دا اعجاز كروي !
,,

بخصوص ايطاليا انا كنت بتمني هزيمتها مباراه واحده في الدور الاول
بس كانت مباراه الاوروغواي !
لانه كان طموحي انها تبعد عن هولندا وتقع في طريق المانيا !
لكن للاسف حصل دا بدري جدا
وبكده هتخرج واحده من اتنين فرق بحبهم ف البطولة ,,
ايطاليا او اروغواي

السبب هو برانديللي الحقيقة !
خيب ظني جدا وكان اقل بكتير من اللي متعود منه عليه !
فشل تماما في التعامل مع كوستاريكا سواء في الخطة الاساسية
او في قراءه اللعب والتغيير في المباراه !

الخطة كانت سيئة فعلا
مش كل المباريات تتلعب بنفس الرتم وبنفس الخطة ابدا
طريقة لعب كوستاريكا مختلفة تماما عن طريقة لعب انجلترا
فمش طبيعي انك تلعب بنفس الخطة عليهم !

اولا كوستا بتلعب 5 ورا فمينفعش تلاعبهم بمهاجم واحد فقط
انت كده وقعت في خطأ اسبانيا المكرر !

ثانيا كوستاريكا بتلعب ضغط عالي جدا طوال المباراه
5 لاعبين في نص ملعب ايطاليا !
بيقتلوا البناء بتاع الهجمة اللي بيعمله ايطاليا من الدفاع
مش بيدوهم اي فرصة للتحرك والتمرير الامامي
في دقايق كاملة ايطاليا مكنتش عارفه تقدم الكورة برا نص الملعب !
الحل كان هنا هو السرعات والاجناب والتمرير المباشر

مقدرش اقول خطة مبدعه من كوستاريكا !
لانها مكانتش مبدعه ولو كان في رد فعل جيد من برانديللي كانت هتقتل كوستاريكا !
5 لاعبين خارج اللعب لو كان في كرة طويلة اتلعبت !

اول تغيير كان المفروض يكون ايمبوللي كمهاجم ثاني بجوار بالوتيللي
وبعد كده وجود انسيني وسيرشي صحيح ,,
ثم سرعه في التمرير !

لو تم اللعب مباشره وعدم التحضير البطئ كان هيكون الوضع مختلف تماما ,,
شايف انه كوستاريكا كانت شجاعه لكنها خاطرت كتير ,
ايطاليا هيا اللي فشلت في التعامل ومقدرتش تغير العقلية علي احتياج المباراه !

هزيمة سيئة جدا لايطاليا حطتهم في خانة سيئة مع اوروغواي !
مش هستبعد فوز اورغواي !
لانه ممكن جدا !

[აα∂ Ԑγεა]

الاسوء في المباراه بالوتيللي ثم كيليني ثم الحكم !

الاول ضيع انفرادين تامين وممررش غير تمريرة واحده صح لزملائه !
الثاني كان احدي اسباب الهدف وقبلها وقع في كذا خطأ وكان عليه ركلة جزاء
الثالث سيئ من البداية علي الجميع واخطا في تقدير الانزارات وركلة جزاء صحيحة محتسبهاش

الفائز الاكبر في الجولة دي هو هولندا ♥
انا كنت اتمني ايطاليا تبعد عن طريق هولندا في دور الثمانية
لانه اسلوب اللعب الايطالي قادر انه يحجم هولندا تماما في المباراه
واهو تم دا ,,

بكده كوستاريكا ضد كوديفوار علي الارجح ,, وهولندا ضد المكسيك او كرواتيا
شايف هولندا في المربع الذهبي من دلوقت !
ال4 فرق في المتناول وطريقة لعب هولندا قادرة انها تسببلهم مشاكل ضخمة ,
كوستاريكا وتكتل نص فريقها ورا والضغط العالي في نص ملعب الخصم بالنص التاني
هيسببلها مشاكل كبيرة مع فاعليه وسرعه رتم هجمات الهولنديين

دلوقت الالمان عليهم انهم يدعوا انه الاورغواي تخرج ايطاليا في المباراه اللي جايا !
والا موعدهم مع العقدة من جديد :d

[توحد ارواح]

بالفعل تحليل منطقى جدا تماشى مع سير المباره
وكان المفروض برانديللى يتعامل مع المباراه افضل من كدا
لان الشوط التانى كله ورغم سيطرة ايطاليا الا انه شوط عقيم
وندرت فيه الكرات الخطيره وحتى لم يستطيع ادراك التعادل

بالنسبه لايطاليا واورجواى
انا بحب لعب اورجواى جداا ولكن اتمنى صعود ايطاليا

عموما المباراه بينهم هتبقى حياه او موت والبقاء للافضل

المهم نشوف ف النهايه كوره جميله

[الأميرة رودي]

البطوله أصلا المره دي مليانه مفاجئات
تسلمو محمود وتوحد على المتابعه الممتازه

[აα∂ Ԑγεა]

اقتباس المشاركة الأصلية كتبت بواسطة توحد ارواح بالفعل تحليل منطقى جدا تماشى مع سير المباره وكان المفروض برانديللى يتعامل مع المباراه افضل من كدا لان الشوط التانى كله ورغم سيطرة ايطاليا الا انه شوط عقيم وندرت فيه الكرات الخطيره وحتى لم يستطيع ادراك التعادل بالنسبه لايطاليا واورجواى انا بحب لعب اورجواى جداا ولكن اتمنى صعود ايطاليا عموما المباراه بينهم هتبقى حياه او موت والبقاء للافضل المهم نشوف ف النهايه كوره جميله

بالظبط استحواذ وسيطره لكن عقيمة لانه رتم اللعب بطئ جدا
تقريبا لازم الكرة تمر علي بيرلو ودي روسي قبل ما يفكرو يحركوها لقدام ,
كان لازم يكون في مهاجم تاني صريح ,

انا من الاول كنت بتمني صعود ايطاليا مع الاوروغواي
لكن من حظي بقي واحد منهم هيخرج
متمناش ايطاليا لكن مش هزعل لو الاورغواي اللي تأهلت !

هنشوف هنشوف
يبقي الجزئية الجيدة بالنسبالي اللي ذكرتها ف الرد التاني
انه هولندا بعدت عن طريق ايطاليا وانه ايطاليا في سكة المانيا لو تأهلت !

[აα∂ Ԑγεა]

اقتباس المشاركة الأصلية كتبت بواسطة الأميرة رودي البطوله أصلا المره دي مليانه مفاجئات تسلمو محمود وتوحد على المتابعه الممتازه

اها في مفجأت كبيرة جدا لحد اللحظه
هزيمة اسبانيا التاريخية وخروجها من الدور الاول
وكمان هزيمة البرتغال برباعيه وتأهل كوستاريكا النهاردة و خروج انجلترا

ولسه طبعاا ودي متعه كرة القدم
منورة القسم بوجودك :]