أكل النصارى ....!

[big bốss]

السلام عليكم ورحمة الله و بركاته

فينا طبعآ الى مش بيأكل أكل المسيحين و لآ بيطيق يشوفه مش علشان حاجه

الآ انه مش هيقدر يأكله ، و فينا الى لو حد سأله و قاله أنت مصاحب حد مسيحى

يقله آه ، فيقله ازاى ! و ليه ! و الى يتريق يقولك يع و مش عارف أيه

كل دا حصل معايا و حصل معاكم ، عارفين أيه سبب الكره بين المسلم و المسيحى

هو الكلام المزروع فى الدماغ أن المسيحيين دول بنى آدمين درجه تانيه فى مصر

اوعى حد يضربك او يكلمك منهم اقتله ، اوعى تأكل من اكلهم ، اوعى تشرب

من ميتهم دول عالم كذا و كذا ، طبعآ يكبر الجيل و هو كارهم المسيحين مش علشان

شىء الا انها افكر زرعت فى شخصيته و تيجى لبعض المسيحين المسلمين

دول كفار دول دايمآ واخدين حقنا اوعى تأمن لحد منهم او تصاحب حد فيهم

و هكذا ، و علشان كدا اول ما تحصل خناقه بتلاقينا بنقطع بعض بشراسه

و العيب فين مش فى الدين و لا فى الاعلام زى ما بنقول

العيب فى التربيه المتوارثه من جيل لجيل هى الى بتزرع الكره و تتوارثه

حتى اصبح الازدراء عندنا عرف فى تربيتنا و شخصيتنا

فالى محتاج يتعدل و يتصلح الاباء و الامهات الى بتربي يكون من مسئوليتها

زرع التسامح و المحبه مش الكره

كم مره سمعت " اوعى تأكل أكل المسيحين " ؟

المفروض نواجه الازدراء المتوارث فى التربيه ازاى ؟

[حَرفُُ هجآءّ]

بصراحه مش سمعتها فى بيتنا
لان اصلا ليا اصحاب العيله مسيحيين
ومن زمان اوووى واقرب ناس لينا عائله مسيحيه
وانا كتير كنت بروح ابات عندهم واخرج واكل واشرب معاهم
ووصلت مرة انى روحت معاهم الكنيسه فى عيد من اعيادهم
كل واحد له دنيه وعقيدته ملهاش دعوه بالاكل والكلام الفاضى ده

[همس الحنين]

اعتقد انت متحامل يا نور

انا اعرف نصارى كتير

علاقتى بيهم عاديه

الفكره فى امور ثانيه خالص

ان فى عقول متحجره بتعمل كده بس مش الكل يا نور

وطعام أهل الكتاب أحل اكله

عدا ما يخالف كالحم الخنزير والميته

والنبى صل الله عليه سلم كان يتعامل مع جاره اليهودى وكأنه جار مسلم

لان له حق الجار

انا شخصيا ماسبقش وحصل ان تعاملت مع احد منهم بتلك الطريقه

لكن للعلم انا لانى محجبه استقبل فى بيتى اى جاره نصارنيه لكن بالحجاب

لا اظهر امامها كاشفه الرأس لانها على غير الاسلام

لكن لها حق الجوار والمعامله الحسنه والطيبه

ولم يحدث امام ابدا كما تقول

ربنا الهادى

[big bốss]

اقتباس المشاركة الأصلية كتبت بواسطة حَرفُُ هجآءّ بصراحه مش سمعتها فى بيتنا لان اصلا ليا اصحاب العيله مسيحيين ومن زمان اوووى واقرب ناس لينا عائله مسيحيه وانا كتير كنت بروح ابات عندهم واخرج واكل واشرب معاهم ووصلت مرة انى روحت معاهم الكنيسه فى عيد من اعيادهم كل واحد له دنيه وعقيدته ملهاش دعوه بالاكل والكلام الفاضى ده

امال مين مره قلى يع يع

انتى متأكده من رايك يا اسيل

[big bốss]

اقتباس المشاركة الأصلية كتبت بواسطة همسات فوق القمر اعتقد انت متحامل يا نور انا اعرف نصارى كتير علاقتى بيهم عاديه الفكره فى امور ثانيه خالص ان فى عقول متحجره بتعمل كده بس مش الكل يا نور وطعام أهل الكتاب أحل اكله عدا ما يخالف كالحم الخنزير والميته والنبى صل الله عليه سلم كان يتعامل مع جاره اليهودى وكأنه جار مسلم لان له حق الجار انا شخصيا ماسبقش وحصل ان تعاملت مع احد منهم بتلك الطريقه لكن للعلم انا لانى محجبه استقبل فى بيتى اى جاره نصارنيه لكن بالحجاب لا اظهر امامها كاشفه الرأس لانها على غير الاسلام لكن لها حق الجوار والمعامله الحسنه والطيبه ولم يحدث امام ابدا كما تقول ربنا الهادى

كلآمى مش قاعده بس موجود و سبب من اسباب الكره و الفتنه

يمكن كلامى موجود بصوره كبيره فى الصعيد

علشان كدا تلاقى عدد المسيحين قليل على عكس وجه بحرى

و تلاقى تعاملهم محدود فى الصعيد بسبب التعصب الى لو اشتعل بيكون مميت

نورتى برايك بسنت

[gold rose]

بصراحة عمري ما سمعتها من حد من أهلي .,
وأنا عن نفسي عندي صحاب مسيحيين .,
وإن شاء الله التفكير المتخلف دا يتغير .,

[big bốss]

اقتباس المشاركة الأصلية كتبت بواسطة gold rose بصراحة عمري ما سمعتها من حد من أهلي ., وأنا عن نفسي عندي صحاب مسيحيين ., وإن شاء الله التفكير المتخلف دا يتغير .,

مش معنى انك مش سمعتيها تبقى مش موجوده

يمكن مختلفه عندكم الصوره عننا فى الصعيد

بس التفكير المتعصب دا هو الى موجود عندنا

شكرآ لرايك رنا

[bobaOo]

عندك حق يانور
ناس كتير بتحرم التعامل مع المسيحين أو الأكل من أكلهم
وبتوصل احيانا يقولوك ماتقعدش معاهم او متكلمهمش
مع ان شايفة انو مش حرام ولا حاجة
وفي مسيحين أجدع واحسن من مسلمين كتير واخلاقهم أعلى كمان

تسسلم إيدك يانور
يدوم أتميز
والإبداع
تحياتئ

[حَرفُُ هجآءّ]

اقتباس المشاركة الأصلية كتبت بواسطة big bốss امال مين مره قلى يع يع انتى متأكده من رايك يا اسيل

اكيد قولت كده على حد معين
كنت بتكلم عليه

[العاشق الذى لم يتب]

ربناسبحانه حلل لناأكلهم
بل الزواج منهم
واناعن نفسى باكل اكلهم
ومصاحبهم
وماعنديش اى مانع فى كده
طول ماربناامر
شكرا نور
تحياتى