البنت:انا زهقت من كتر المعاكسة ..., الولد: هى اللى عايزة كدا !! شارك برأيك

[Cute Smile]

محزق وملزق عاكس واتهزق
طبعا الموضوع باين من اسمه
وهو عن البناطيل المحزقه والباديهات الملزقه
دلوقتى وفى وقتنا اللى اعوذ بالله منه ده
البنات بقوا over اوى اخر حاجه معرفش ده تقليد بقى للغرب ولا نقول عليه اقتباس
طيب دول ناس معندهمش تقاليد ولا عادات
انما احنا بقى شرقيين يعنى الصح صح والغلط غلط
يعنى تلاقى الواحده ماشيه فى الشارع ولابسه بنطلون خلاص هيتقطع من عليها
وبادى هيفرقع وعادى وايزى خالص ولا كأن فى بشرية يراعوا مشاعرهم واحساسهم
وتيجى تكلم واحده اللى تضحك واللى تكشر واللى ترزعك كلمتين فى جنابك تحسسك انها بنت بارم ديله
طيب ليه بقى منحترمش نفسنا ونمشى بما يرضى الله ولبسنا يبقى كويس
ولا معدش فى حياء ولا دين ولا ايه
لا وايه كمان تلاقى جروب بنات ماشى ولا اللى ماشى فى شارع الهرم لبس ايه ومكياج ايه وحرقة دم ايييييييييييييييييييييييييييييه
ولا معدش فى احترام للى فى البيت
لان اللى هيتكلم هيقول اخص على اللى رباكى وسابك تنزلى من البيت كده
نفسى اسأل سؤال بقى للبنات بصفه عامه
لما بتلبسى اللبس ده وانتى نازله من باب البيت والرجاله قاعدين ( ابوكى – اخوكى )
اللى هما رجالة البيت بقى وشايفين لبسك على عينك يا تاجر
محدش فيهم بيفكر يهين نفسه ويقولك ايه اللى انتى لابساه ده ؟؟
ولا هيا الحكايه بقى
ايزى يا بابا خليك كول
ايه ياخويا انت مش واثق فى اختك
روش بقى ياعم
اه صحيح روش بقى ياعم
وفى الآخر
انا مش هقول الا كلمه واحده
راعووووووووووووووووووووووووووووونا
وارحمووووووووووووووووووونا

[thoma21]

اولا المواضيع كتيره كده عن المعاكسات يا جماعه انا عارف انه موضوع بيزهق اى حد لكن مش للدرجه دى كمية المواضيع الكتيره اوى دى فى المعاكسات

بصوا انا هقولكم كلكم المشكله من وجهة نظرى فين وانتوا هتعرفوا حلها على طول
المشكله تكمن فى انهم لما حرروا المراه وجعلوها تنزل للشارع وتحيى الحياه العامه التى هى جزء منها نسيوا حاجه مهمه من يومها لحد النهارده وهى اللى مسببه المشكله دى كلها انهم يربوا الرجل على تقبل المراه امامه فى الشارع فى العمل وانها لها نفس حريته الشخصيه ولحد دلوقتى هما نسيوا يربونا على كده ودى من وجهة نظرى

[Cute Smile]

يا ثوما على فكرة أنا غيرت محتوى الموضوع

شوف كده الجديد وقول رأيك

بس على العموم ردك فوق عجبني جدا

وبرضه مش معني إن التحرر هو الغلط يبقى نحط المرأة ف قمقم ونحبسها

شكراً لردك ع الموضوع الأول

[for light]

والله العظيم عنك حق فى كل كلمه اتكتبت

ثم البنت اللى عاوزه تتعاكس تلبس محذق وملزق
انما البنت المسلمه اللى محترمه دينها اكيد هتحترم نفسها

وبرده الشباب
فيه منهم بنات عادى لبسهم جدا وبرضوا بيعاكسوا اكنها بقت لبانه لو معكسش بابا هيضربه

والله العظيم حاجه فعلا اوفر

الولد يروح النهارده متباهى انا عاكست 10 بنات النهارده

واصحابه بقى يتريقوا عليه


بس
10 بس
بجد بقت حاجه مقرفه ان كانت من البنت او الولد

[Cute Smile]

ردك فعلا حلو يا for light لأن أنا بشو مسدلات وبيتعاكسوا

غريبةجداااااا

نروتيني يا قمر

[نور حبى]

بصراحه الموضوع حلووو


بس ذى ما أنتى قلتى مفيش حياء ولا كسوف عند البنات

بس الغلط عند البنات والاولاد

مش البنت لوحدها ولا الولد لوحده

لأ الاثنيني غلطنين

لو البنت احترمت نفسها والتزمت بقواعد الدين الاسلامى

كانت مش هاتتعرض للمعاكسات

ولو الرجل او الشاب احترم نفسه والتزم بقواعد ديننا الاسلامى

مش هايعاكس البنت وطبعاً البنت ( هاتختشي )

ومش هاتلبس اى لبس

الصراحه انا بلبس على الموضه بس الصراحه بيكون لبس محترم

لأنى مش هاردى على نفسي ان حد يقولى كلمه وحشه


ميرسي على الموضوع المفيد والمهم والجميييل

[yumna]

موضوع جميل جدا و يستاهل انه يتناقش بس زي مفي بنات مش كويسين في بنات كويسين اكتر ،، بس انا الي بيعصبني و ينرفزني اني الاقي بنت ماشية ولابسة نفس اللبس الي انتي اتكلمتي عنه من شوية و يا فرحتي بباباها ماشي وراها رايح يوصلها انا بتنرفذ جدا من المنظر ده بس تقولي ايه بقت موووضة ربنا يستر.

[Cute Smile]

ميرسي ليكوا كلكوا ردودكم عجبتني

بس على فكرة يا نور حبي زي ما قلتي بالظبط إن لازم يكون الميزان مظبوط عشان لا البنات تتعاكس ولا الشباب يعاكسوا

فأنا أحب أقولك إن إحنا مش عايشين ف الدينة الفاضلة اللي إتكلم عنها أفلاطون

مش معقول الدنيا يبقى فيها خير للدرجة دي

ده حتى أيام الرسول ( صلى الله عليه وسلم ) كان في سفالة برضه بس أقل حاجة كانوا بيحترموا المرأة وبيصونوها إنما دلوقت الكلام عيني عينك

شكراً مرة تانية لردودكم

[samia]

لماذا نضع الوم كله علي الفتاه الموضوع اساسا موضوع تربيه الولدالمتربي كويس ما يهمهش الي ماشيه امامه لابسه ايه ما فيش بنت عاوزه تتعاكس عاوزه الناس تطري في جمالها نعم وتطري علي طريقه اختيار ملابسها ولكن ان تتعاكس بكلام قليل الادب ما فيش بنت ترضي بكده