العلاقات في المنتدي

[War ROFL]

السلام عليكم ورحمه الله وبركاته
كيفكم
ان شاء الله بخير

ارجو من الجميع المشاركه بها النقاش

هو عباره عن سؤآل بسيط


ما هو شكل العلاقه الممكنه بين الذكر و الانثي في المنتدي

ماهي الاطر التي يستطيعون التعامل معها و ما هو الحد الفاصل بين حلاله وحرامه


طبيعي يكون في تعامل و نقاش وردود و تعاون وغيره

ولكن ما الذي يجعل ردي علي اخت او رد اخت علي اخ حلال او حرام
الاسلوب ؟ انتقاء الالفاظ ؟ سبب الرد نفسه او سبب النقاش ؟ مزح - جد - وخلافه

اهم شيء عاوزه منكم رجاء الا يكون الرد بناء علي هوي النفس او الرأي الشخصي
لانه زي ما قلنا قبل كدا كل واحد فينا متعود علي شيء معين لكن تعوده دا مبيخليش الشيء دا صح او خطأ ,, حلال او حرام


كمثال :


لو واحد اتولد في مجتمع منتشر فيه البغاء مثلا و اتعود عليه وشايف انه عادي
دا مش معناه انه في حقيقة الامر البغاء عادي

ياريت الرد يكون في اطار من الاثبات وغير مخالف للشرع


وبرده لازم ناخد بالنا من حاجه ونفرق بين امرين



كون الواحد بيقدر يلتزم بالصواب وكونه مقر بالصواب و الخطأ
قد اقدم لك نصيحه انا اعلم انها الصواب بنفس الوقت الي انا مش قادر التزم فيه بالنصيحه دي علي الدوام ودا مش عيب ولا حرام طالما اننا مقرين بالحق


منتظر مشاركاتكم
لكم ودي ^_^

[big bốss]

هو أحنا مش هنحلل و نحرم على مزاجنا

الحلآل بين و الحرام بين و لآ وسيط بينهم

يمكن فى المنتدى مش بيكون فيه تعامل مباشر فيس تو فيس او صوت

فبتكون العلاقات غير متجاوزه فيه الى بيصنفها تحت الصداقه و الى بيصنفها

تحت الأخوه و فيه الى بيصنفها تحت الزماله و تعددة المسميات و العلاقه واحده

علآقة الذكر مع الانثى لآ يربطهما شىء حلآل و لآ حرام ؟؟؟؟؟؟

الاجابه على السؤال دا هتكون على حسب هوى و منظور كل واحد شايفه

و لكل مفيش حد فينا مش عارف الغلط فين و الصح فين

محدش مغمض العينين

علشان كدا كل واحد بيتعامل فى المنتدى على حسب فكره و اعتقاده و مبادئه

اما النيات سؤاء كانت خيره او خبيثه لآ يعلمها الآ الله

جميل موضوعاتك

استمر

[bobaOo]

كل واحد وحسب نيته بئاآ
يعني انا هنا شايفا الأعضاء الذكور زي إخواتي مش أكتر ولا أقل
ولو في منهم اتعدى حدودو مش بتكلم معاه أصلا
يعني حلال ولا حرام الله أعلم بذلك

تسسلم ع التوبيك
استمر

[Aya 7ekaya]

بص حضرتك الحق بين
وكل واحد عارف فين الصح وفين الغلط
ومش ف المنتدى بس فى كل مكان لازم بيكون فى حدود بين الذكر والانثى فى التعامل
والمنتدى عالم صغير هو بذاته بيحكم العلاقه دى
فـ طالما الكلام علنى والكل شايفه مفيش الفاظ خارجة ولا كلام من وراه اى مقصود تانى باختصار حدود فى التعامل بنتعامل مع بعض باحترام فت ده مانقدرش نقول عليه غلط
كل واحد عارف حدوده ف الكلما وهو حر ف الخط الاحمر للحدود دى وعلينا اننا نحترم حدود كل شخص معما بعدت

[War ROFL]

اقتباس المشاركة الأصلية كتبت بواسطة big bốss هو أحنا مش هنحلل و نحرم على مزاجنا الحلآل بين و الحرام بين و لآ وسيط بينهم يمكن فى المنتدى مش بيكون فيه تعامل مباشر فيس تو فيس او صوت فبتكون العلاقات غير متجاوزه فيه الى بيصنفها تحت الصداقه و الى بيصنفها تحت الأخوه و فيه الى بيصنفها تحت الزماله و تعددة المسميات و العلاقه واحده علآقة الذكر مع الانثى لآ يربطهما شىء حلآل و لآ حرام ؟؟؟؟؟؟ الاجابه على السؤال دا هتكون على حسب هوى و منظور كل واحد شايفه و لكل مفيش حد فينا مش عارف الغلط فين و الصح فين محدش مغمض العينين علشان كدا كل واحد بيتعامل فى المنتدى على حسب فكره و اعتقاده و مبادئه اما النيات سؤاء كانت خيره او خبيثه لآ يعلمها الآ الله جميل موضوعاتك استمر

شكرا لمرورك العطر
نورت وفعلا زي ما قلت محدش مغمض العيون ولكن هناك البعض بحكم التعود او الوسط الاجتماعي وغالبا ما يكون راقي
مش بياخد باله ان دا تجاوز عشان كدا بعرض الامر

اقتباس المشاركة الأصلية كتبت بواسطة boba0o كل واحد وحسب نيته بئاآ يعني انا هنا شايفا الأعضاء الذكور زي إخواتي مش أكتر ولا أقل ولو في منهم اتعدى حدودو مش بتكلم معاه أصلا يعني حلال ولا حرام الله أعلم بذلك تسسلم ع التوبيك استمر

شكرا لمروركم المميز
وتمام كلنا هنا اخوة و اخوات
الفكره الي اقصدها هوا انه معيار التجاوز دا بيختلف من شخص لآخر ولكنه ثابت بالنسبه للدين عشان كدا لازم يكون الاطار الي بنقيم بيه هو اطار الصواب و الخطأ وليس الرأي الشخصي
شكرا مره اخري

[همس الحنين]

مافيش رد يكون على هوى النفس

لان الامور دى واضحه واعتقد الكل دلوقت فاهم

الصح والغلط وعارف الجزئيه دى حلال وحرام فيها

لان الامر تم فيه حوارات واسئله فى كل مكان ممكن يكون فيه اختلاط بين الجنسين

الامر فى المنتدى زى الامر فى الشوارع العامه


الرقابه الاساسيه من النفس

يعنى هنا يقدر الانسان التلاعب

زى ما بيحدث فى الشوارع العامه

لا اتخلاف

والنفس تتبع هواها فأى مكان

الفيصل فى الامر النيه ومراقابة الله فى الاعمال

فمن يخفى على البشر لا يخفى على الله

واى رد او نقاش حوارى له روابط واحترام لا يتعدها اى طرف

المفروض نتعامل كا اخوه لا نزيد عن اى شئ اخر

شكرا لنقاشك

[War ROFL]

اقتباس المشاركة الأصلية كتبت بواسطة aya 7ekaya بص حضرتك الحق بين وكل واحد عارف فين الصح وفين الغلط ومش ف المنتدى بس فى كل مكان لازم بيكون فى حدود بين الذكر والانثى فى التعامل والمنتدى عالم صغير هو بذاته بيحكم العلاقه دى فـ طالما الكلام علنى والكل شايفه مفيش الفاظ خارجة ولا كلام من وراه اى مقصود تانى باختصار حدود فى التعامل بنتعامل مع بعض باحترام فت ده مانقدرش نقول عليه غلط كل واحد عارف حدوده ف الكلما وهو حر ف الخط الاحمر للحدود دى وعلينا اننا نحترم حدود كل شخص معما بعدت

الحق بين طبعا بس للاسف مش كلنا عارفينه في كل حاجه ولا استثني نفسي
وفعلا المنتدي هو عالم صغير
ولكن ينطبق عليه ما ينطبق في العالم الكبير

بس ليا رأي مخالف لحضرتك
الكلام سواء علني او خاص مستتر دا مبيغيرش ابدا من طبيعته و كونه صح او غلط


وبرده بنرجع لاساس المشكله انه الصح و الغلط مينفعش نحكم عليه فقط برأيينا
يعني قد امزح مع اخت وتعتبر دا عادي و اخت اخري تعتبره تجاوز
ولكن الفيصل هنا مش حدود الاختين
الفيصل هوا الدين بيقول مزاحي دا ليه مرجع ولا لاء ,, صح ولا غلط !

واحترامنا للخطوط الي واضعها كل شخص لا يعطيها شرعيه ولا يعطيها صحة ,, فعلا الانسان مالوش انه يحاسب غيره مالوش الا انه ينصح فقط ويحترم رأيي غيره طالما مبيضروش في شيء ومبيخرجش عن القيم العامه ولكن دا برده مبيعطيهوش صحه

[Aya 7ekaya]

اقتباس المشاركة الأصلية كتبت بواسطة صمت السكون الحق بين طبعا بس للاسف مش كلنا عارفينه في كل حاجه ولا استثني نفسي وفعلا المنتدي هو عالم صغير ولكن ينطبق عليه ما ينطبق في العالم الكبير بس ليا رأي مخالف لحضرتك الكلام سواء علني او خاص مستتر دا مبيغيرش ابدا من طبيعته و كونه صح او غلط وبرده بنرجع لاساس المشكله انه الصح و الغلط مينفعش نحكم عليه فقط برأيينا يعني قد امزح مع اخت وتعتبر دا عادي و اخت اخري تعتبره تجاوز ولكن الفيصل هنا مش حدود الاختين الفيصل هوا الدين بيقول مزاحي دا ليه مرجع ولا لاء ,, صح ولا غلط ! واحترامنا للخطوط الي واضعها كل شخص لا يعطيها شرعيه ولا يعطيها صحة ,, فعلا الانسان مالوش انه يحاسب غيره مالوش الا انه ينصح فقط ويحترم رأيي غيره طالما مبيضروش في شيء ومبيخرجش عن القيم العامه ولكن دا برده مبيعطيهوش صحه

حضرتك انا المقصود من كلامى ان فى فرق فى الهزار فى هزار بيكون فيه تجاوز وفى اشخاص بتحافظ على احترامها وفى نفس الوقت بتود اللى حواليها

[War ROFL]

اقتباس المشاركة الأصلية كتبت بواسطة همسات فوق القمر مافيش رد يكون على هوى النفس لان الامور دى واضحه واعتقد الكل دلوقت فاهم الصح والغلط وعارف الجزئيه دى حلال وحرام فيها لان الامر تم فيه حوارات واسئله فى كل مكان ممكن يكون فيه اختلاط بين الجنسين الامر فى المنتدى زى الامر فى الشوارع العامه الرقابه الاساسيه من النفس يعنى هنا يقدر الانسان التلاعب زى ما بيحدث فى الشوارع العامه لا اتخلاف والنفس تتبع هواها فأى مكان الفيصل فى الامر النيه ومراقابة الله فى الاعمال فمن يخفى على البشر لا يخفى على الله واى رد او نقاش حوارى له روابط واحترام لا يتعدها اى طرف المفروض نتعامل كا اخوه لا نزيد عن اى شئ اخر شكرا لنقاشك

شكرا للرد القيم
جزاكم الله خيرا

[ملاك صعبة الإمتلاك]

كل واحد ونفسوا وتربيته وفعلا
الحرام بين والحلال بين وهما طريقين لا ثالث لها
طرح راقي ومميز تسلم ايدك