الحلقه الثانيه من ( بقى دا كلام 3 ) مع ( Safira )

[morshooo]

بسم الله الرحمن الرحيم

مزاج الخير

النهاردة معانا عضوة متالقه

عضوة متميزة

عضوة مالهاش حل

يعنى لما نقول بنات مصر

لازم نقول العضوة دى

معانا ومعاكم

Safira

فى البدايه بعتلها ان فى توبيك جديد بعنوان

( ضد او مع )

والضيف المفروض انه بيقول رئيه

فى ( 10 اعضاء ) من المنتدى وانتى كنتى واحده

من ضمن الـ ( 10 اعضاء ) فلو موفقه تبقى فى التوبيك

هبعتلك دلوقتى رد الضيف على السؤال الخاص بيكى

وماتنسيش ان فى اخر الحلقه من حقك ترفضى عرضها

طبعا ( أنجى_1 ) وافقت وقالت مفيش اى مشكله

فتعالو نشوف اول رساله كان فيها ايه





العضوة رقم

( 6 )

Safira

واحدة من الاعضاء المميزين فى المنتدى قدرت انها
تثبت وجودها بالمنتدى الفترة الاخيرة وتم تميزها
وماشاء الله ليها مواضيع مهمه جدا

ضد او مع

ايه رئيك فى العضوة المميزة وايه رئيك فى تميزها
عن طريق الادارة ولو تبعتلها نقد هيكون ايه ؟

فى البدايه انا برحب بالعضوة المميزة
وعايز بس اقول انى
ضد حاجات ومع حاجات
من الكلام الى قولته
مع
ان العضوة مميزة وفعلا نشيطه جدا
واثبتت الكلام دا بمواضيعها
ضد
طريقة ردودها بحس انها طفله صغيرة
يعنى المفروض مايكنش فى ردود سطحيه
لعضوة المفروض انها اتميزت كمان ليها
مواضيع بشوفها غريبه جدا
ومالهاش اى فائده للمنتدى اتمنى
تهتم بالمواضيع الى بتفيد الاعضاء
عشان على الاقل الادارة تشوفها ويتم ترشيحها
للاشراف على احد الاقسام .

دا كان رد العضو الاول على السؤال
دلوقتى ليك حق الرد
وهيتم ارسال ردك للضيف مره اخرى
وهيكون ليه حق الرد كمان مرة اخيرة



كدا خلاص العضوة متاكده
ان دا توبيك بجد وفى فعلا نقد
بس تعالو نشوف ياترى قالت ايه
على الكلام دا

شكرا لرايك ونقدك ليا .. بس انا ليا تعليقين الاول ان
موضوع الردود السطحيه دي انا شايفه ان ردودي عاديه
لان معظم الاعضاء بيرودوا زيها ومش معقول كلهم اطفال
.. تعليقي التاني انا معاك اني مش شاطرة في كتابه
المواضيع الحصريه واني مليش فيها اوي وممكن كل
ال يهمني هو قسم الهوايات لاني بحب ارسم واعرض
رسمي واشوف النقد عشان اتحس اكتر واكتر وفوق كل ده
انا منزلتش غير كام موضوع بالعدد في الاقسام الحصريه
وزي ماقلت مش شاطرة فاعشان كدا ممكن اكون فشلت في
تقديمهم مش اكتر بس مش للدرجادي مش لدرجه انها
مبتفدش المنتدى بحاجه وكمان انا لسه بتعلم ..
اخر حاجه كل واحد في المنتدى ليه اتجاه واهتمام معين وانا اهتمامي
اني اتعرف ع اصحاب والهوايات ومش موضوع اشراف
خالص .. شكرا تاني مرة



تفتكرو زعلت من الكلام دا
طيب ماتيجو نشوف رديت على كلامها دا
اذاى للمره التانيه ^_^

طيب انا شايف ان كلامى صح ودا باعتراف العضوة
ان فعلا مواضيعها مش مفيدة وقالت ان كل الى
نزلته كام موضوع فقط فى المنتدى
كمان بتقول ان ردودها زى الاعضاء
وكله بيرد زيها معنى كدا انها بتتهم الاعضاء
بعدم الرد الجيد فى المواضيع
انا بس حابب اقول حاجا وهقول مثال صغير
عشان الموضوع يكون واضح للجميع
افلام زمان كنا بنشوف نجوم كبيرة جدا
مع بعض زى حسين فهمى ونور الشريف مثلا
كان كل واحد بيمثل قدام التانى وهو عارف قدر نفسه
معتقدش ان حد فيهم خرج وقال انا نجوميتى
زى نجوميه الفنان الاخر او زى مثلا
ابو تريكه وبركات
كان كل واحد ليه شكل مختلف عن الثانى
وكانو نجوم محدش قال انا زى التانى
فكنت اتمنى انك ماتقوليش ان ردودك زى باقى الاعضاء
دا كان ردى الاخير واتمنى ماتزعليش منى
دا رئى الشخصى .

دا كان الرد الاخير للضيف
دلوقتى من حقك التعليق الاخير
وبعديه من حقك تعرفى مين العضو دا
ومن حقك توافقى على نزول الحلقه
او عدم نزولها .



العضوة انا متاكد ان اعصابها
بقت زوووووووووفت
حتى ردها كان بسيط جدا
وقالت ^_^

شكرا ليك





طيب بعد ردك دا
دلوقتى الضيف هيقول هو كان مين
ومن حقك تقولى الحلقه ماتنزلش
العضو هو






















( morshooo )

ودا كان مقلب صغير كدا
بمناسبه ( شهر رمضان )
اولا عايز اعرف قولتى ايه
لما شوفتى الكلام دا بيتقال عنك
وتحبى تقولى ايه لاعضاء المنتدى
ف شهر رمضان



ياسلام على الواحد
وهو طيب والله
تعالو نشوف العضوة
قالت ايه



بعد تاني رد قعدت افكر كتير كدا
وبم انك معروف بالمقالب حسيت انه مقلب
بس بعد انهيار اعساب
حتى بعت لـ بيبو


بس فكرت ان في حد معاك كمان مشترك في الجريمه صراحه

اتا بس استغربت اوي من الكلام وكنت هعيط
اقلهم كل سنه وانتم طيبين وع الخير متجمعين
واشوف فيك يوم امورشو



دا كان المقلب الاول

^_^

وطبعا بقول للضيفه

كل سنه وانتى طيبه

و أن شاء الله تكونى ضيفه

فى رمضان ( 2015 )



انتظرونى والحلقه

( الثانيه ) من

( بقى دا كلام 3 )



ماتنسوش استنو تحليل

( نور وناااااااااااااار )

ياترى قالت عليكى ايه

^_^

[انجي_1]

احببتي اسفيرة
انتي كمان طالتك الجريمة الشنعاء ؟
ربنا معانا ويصبرنا على المورشو ده

[مشتاقه للجنه]

كل سنه وأنت طيب يا مورشو
ودايما منتظرين مقالبك

كان مقلب جامد سفيره وكل عام وانتى بخير

[-esraa-]

بعد كل ده وشكراً ليك
واضح أنها استنفذت خلاص
بس عرفت تمتص غضبها ومش تقول حاجة للعضو
حلقة جميلة وضيفة هادية
تسلمو وبانتظار التحليل

[Stop Ana Eltop]

ههههههههههههههههههههه معلش ياسفيره

دا مورشو حد بيامن له
يلا كل سنه وانتى طيبه بقن

[شهيده تحت الطلب]

علي فكره بقي
لازم حد ياخد لانجي وسفيره حقهم
مش هنسكت عن الموضوع ده
هههههههههههه
حلوه الحلقه
تسلموا
ومنتظرين الحلقه اللي بعدها
يا تري مين تاني هيقع في المقلب ده

[bobaOo]

ههههههههههههههه
ياعيني ياسفيرا
ربنا يستر منو
بئا
أحب المقالب انا اما تتعمل في الناس

[الأميرة رودي]

رد فعلك كان عسول وهادي خالص برغم الكلام المستفز ده
نورتي حبيبتي ولآيهمك من مورشو ده خالص
عاوزين نطلعه رحله مع رامز قرش البحر يمكن يغرق منهم ونرتاااح
مجهود جميل يا أحمد
كل سنه وانت وضيوفك طيبين

[Eng Esraa]

حبيبتي يا صبحتي هههههه
ماااااشي يا احمد هقعد كل حلقة
استحلفلك كدهو هههه

[اميره الشعر الشجين]

يامرشو يامرشوووووو دا احنا فى رمضان أجدع

هههههههه بس مقلب حلو معلشى بقى اسفيره يدوووم يا مرشو مقالبك الذيذه