نجرسكو مطبخ مصر ,,من مطبخى حصرى { شيفآت المنتدى }

[رووكه]

السلام عليكم ورحمه الله وبركآته النهارده آكلتنا عباره عن مكرونه نجرسكو بالفرآخ المكونآت 1 كيلو مكرونه شرائح { لعمل 2 صنيه } 1 كنزايه مشروم جبنه رومى مبشوره جبنه موزاريلا فرخه مسلوقه والبشاميل وديه المكونآت الطريقه ~ْ نسلق المكرونه عادى نخلى الفرخه كلها وتقطع لقطع بعد كده نحط قطعه زبده ع النار علشان نشوح المشروم والفراخ بعد ما نحط المشروم ولونه يتغير شويه نحط الفراخ معاها نجيب الصنيه ونحط طبقه بسيطه بشاميل والمكرونه وبعدها نحط شويه بشاميل تانى وبعدين نحط المشروم والفراخ وبعدين نحط المكرونه ونغطى بالشاميل وبعدين نحط الجبن تدخل الفرن بردو دجه حراره هادئه علشان كلها تعتبر مستويه يآدوب تآخد وش وبالهنا عليكم وكل الشكر لـــ Words Whisper ع الهيدر والخلفيه للكلآت والحلويآت ~ْروكه ~ْ

[phalsteen]

الله الله
جوعتيني وانا لسه واكله
بجد تسلمي يا رووكه

[بـحر الحـب]

الله .. بألف هنا
تسلم الايادى

[الأميرة رودي]

الله الله على الأكلآت اللى تجنن دي
كل يوم جوعينا بأكله شكل
بس بجد ممتازه يارووكه
كنتى فاكراكي فاشله طلعتى استاذه
تسلم ايدك ياقلبي وبألف هنا على قلوبكم

[bobaOo]

بالهنا والشفا عليكي
تسسلم إيدك
بالتوفيق

[عاشقة الهدوء]

أيه ياولاد الحلاوه دى الشيف شربينى ههههههههههههه
لا بجد طريقه هايله وتجنن مع أنى لسه واكله مكرونه باشمبل النهارده
ولكن طريقة المكرونه النجرسكو دى عجبتنى أوووى وشكلها يجنن
وأن شاء الله أحاول أجربها تسلمى يامروه بالهنى والشفى على قلوبكم
وعقبال ما تعملى فى بيتك يااارب وأجمل تقييم

[ساحر الأحزان]

جميلة الوصفة شيف طمطم

ليكى مستقبل جميل

فى فن المطبخ

[اذار .]

الله عليكِ يا طمطم ، طبق لذيذ و مشهي
ٲبدعتي ،
تسلم ايدك و ب انتظار ابداعك يا جميله

[ملاك صعبة الإمتلاك]

الله حلوو اووي وشكلها يشهي
تسلم ايدك يا عسل ع الابداع

[۩۩ elMagic ۩۩]

فل عليك يا شيف
حاجه أصلــى كالعاده (y)