عايش بالم الضمير >> قصتى التالته

[ملاك ودمعتى هلاك]

اقتباس المشاركة الأصلية كتبت بواسطة !! White angel !! فنان ولله ..........

منوره ياعسل

اقتباس المشاركة الأصلية كتبت بواسطة ♥ ήóūя ♥ حلوة القصه ومشوقه وفيها عبره بدايتها بتقول كدة هنستنى التكملة ونشوف ايه اللى حصل بعد كدة حلو خيالك استمرى ومنتظره جديدك

تشرفينى انا والتوبيك المتواضع لو تابعتينى منوره

اقتباس المشاركة الأصلية كتبت بواسطة fatma fareed تحفه البارت ده يا قمر والقصه كلها تجنن وهمووووت واعرف الباقى بســـــــــــــــــرعه ـآحـآـى تقييم

يااااااااااااااااى وكمان تقييم ده كوتير بقى هههههههه
منوره

[ملاك ودمعتى هلاك]

اقتباس المشاركة الأصلية كتبت بواسطة اميرة الحب الضائع يالهوىىىىىىىىىىىىىى يابوت وربنا هضربك انا عيط وربونا اوعا تكون ماتت يا خوخه ونبى عشان خطرى متخليهاش يحصلها حاجه تحياتى ومستنيه الباقى

يابت ماعاش ولاكان الى يعيطك
غيرى

منورانى

اقتباس المشاركة الأصلية كتبت بواسطة m.b حلوه يا خلود مش جديد عليكي كملي

ياااااااااااااااااااااااى وكبشه بذات نفسه بيقولى كده
شهاده ووسام اعتز بيه ياباشا
منور ياكبيييير :d:d

اقتباس المشاركة الأصلية كتبت بواسطة ana lola حلوهـ يا خلود بس بديتها قتل ربنا يبشركـ بالخير ههههههههـ لا كميله خالص بس زودى البارت شويه تسلم آيدكـ ~~

يابت ده العادى بتاعى قتل وشنق ودبح دى اقل حاجه عندى ههههههههههه
من عونيا هاكبرو شويه
منورانى

[اميره الشعر الشجين]

اقتباس المشاركة الأصلية كتبت بواسطة ملاك ودمعتى هلاك >>>>>>>>>>>>>>البارت التانى<<<<<<<<<<<<< حسيت بقلبى بينقبض نزلت السلالم واخر كام سلمه نطتهم اختى بصت لصوت الدربكه دى وقالت: مالك يابنى ماتخافش اللحمه لسه ماخلصتش هههههههه قربتلهم وانا بدحك لحد ماامى مشيت نطيت من مكانى وروحت لاختى وقلتلها :مين صاحبتك دى الى هاتخطب ؟ بصتلى من فوق لتحت وقالتلى: نعم وانت مالك مسكت دراعها جامد وقلتلها: قولى احسن ولاول مره هامد ايدى عليكى فتحت عنيها على الاخر: انت هاتضربنى بجد؟؟ حتى لو هاتضربنى انت ترضى لصحباتى يقولوا اسمى قدام اخواتهم الولاد ترضاها؟؟؟ سكت وانا حاسس ان كلامها صح قلتلها وانا بترجاها بعنيا: طب على الاقل قوليلى هيا الى وصلتك ليها امبارح بصلتلى باستغراب: وانت مالك؟؟ قلت بصوت عالى خلى امى خرجت جرى من المطبخ: قووووووووووووووووووووووووووووولى امى قالت بخوف: فى ايه يابنى مالك؟ بنرفزه: قووووووووووولى بلعت ريقها وقالت: لا انا سيبتها وانا حاسس روحى ردت ليا من تانى وخرجت وانا هايطير من الفرحه وقررت انى مااتاخرش تانى اكتر من كده وفعلا كلمت والدى وروحنا علشان اخطبها ووفافقوا اهلها وهيا كمان والمواضيع مشيت بسرعه اوى وعدى يوم ويومين على جوازنا وادى اسبوع وادى شهر وادى سنه وادى سنتين ونص والناس بتتكلم احنا ليه ماخلفناش لحد دلوقتى احنا وقتها ماكنش هاممنا بس الناس امى وحتى اختى اتكلموا واحنا كنا ساكنين فى بيت اهلى لان والدى بيسافر كتير وماينفعش اسيبهم لوحدهم وياما مراتى وحبيبتى اشتكتلى من اختى انها بتدايقها وبتلقح بالكلام عليها وامى كمان كانت بتتكلم عليها بس ماكنتش بسدق وكنت سعات بتخانق معاها علشانهم بس كنا بنرجع بسرعه زى الاول واحسن وف يوم كانت والدتى واختى متجمعين عليا وصوتنا كان عالى اوى وعاوزين يااما نحلل يااما اتجوز علشان اجيبلهم احفاد ماكنتش موافق وفجاه حسيت بحركه بصيت لقيت ريناد واقفه وسطيناوقالتلى بترجى: لا ياعمر ماتحللش ولا انا الله يخليك قلتلها: مالكيش دعوه بالموضوع ده قالتلى: ازاى هو انا مش مراتك ولاول مره تعلى صوتها عليا ضربتها الم صوته كان ليه صدى صوت فى ارجاء البيت اختى خافت وامى بقت على بقها ابتسامه شماته زى ماتكون بتقول فى نفسها (بدايه النهايه) اما انا جريتها من ايدها ولبستها عابيتها وهيا بتترجانى وتصرخ: لا مش هاحلل لا... علشانى علشان حبنا علشان سنينا الى قديناها مع بعض.... علشان كرامتنا ماتعملش معايا كده مش هاننساها ...ابدا لبعض (وانا قلبى زى مايكون صخر ياريتنى سمعت ليها ياريييت ياريت ايديا اتقطعت قبل ماتنمد عليكى ياقلبى اااااااه والله انا اسف اسف بس ارجعى) وفاكر اليوم ده كويس اووووى الى حصل انى جريتها على العربيه ورميتها فيها وسوقت بسرعه على احسن مستشفى فى القاهره وفضلت تعيط بس ماسمعتش منها ورميتها فى اوضه الدكتور وقلتلو يكشف عليها قالت بعياط : استحلفك بالله انى مانكشفش على راجل طب ... طب خلى واحده تكشف عليا سرخت فيها : اخررررررررررسى وهيا سكتت(ليه ياقلبى سكتى يارتنى قطعت لسانى قبل ماسرخ عليكى ياقلبى ااااااااااااااااه ياوجع قلبى الى مش راضى يتنسى ) والدكتور مابينا محتار قلتلو بعصبيه: اتفضل شوف شغلك خرج الدكتور وقالى نتيجه التحاليل هاتظهر بعد ساعتين بس هاتدفع الضعف قلتلو: ماشى ماعنديش مشاكل وبعد كده قعدت على اقرب كرسى وفضلت اراجع يومى ( انا ازاى قدرت اعمل فيها كده) دخلت عليها وانا عاوز اتاسفلها على الى حصل وهافجئها انى وافقت اخيرا ........... اننا نسكن فى بيت تانى لوحدنا دخلت عليها وحطيت ايديا على وشها البرئ النايم بس.... بس... ايه ده ؟؟؟؟ قرائه ممتعه^_^ مستنيه توقعاتكم بقى ورايكم فى البارت ده

البارت دا بقى اسلوبه حلو عن البارت الاول فى السرد شغال بقى جميله جدا وكنت هعيط من الجزء ال ابتقوله فيه بلاش عشان حبنا وهو يعينى بيضربها وبعاتب نفسه على انو عمل كدا لاء بس بجد حلوه متابعه بقى

[ملاك ودمعتى هلاك]

اقتباس المشاركة الأصلية كتبت بواسطة اميره الشعر الشجين البارت دا بقى اسلوبه حلو عن البارت الاول فى السرد شغال بقى جميله جدا وكنت هعيط من الجزء ال ابتقوله فيه بلاش عشان حبنا وهو يعينى بيضربها وبعاتب نفسه على انو عمل كدا لاء بس بجد حلوه متابعه بقى

ههههههههههههههههههههه لالالالالالالا ماتعيطيش بقى
ماتحسسنيش انى انا السبب ههههههههه
شكرا ياعسل ماهو من توجيهك ونقدك بقى
منوره

[Ǯ'rǿrŷ Śhe Ðãrǿrŷ]

ينهار اوسد يا بوت انتى محصلتيش وربونا

ايه ده حرام عليكى انا عمله اعيط حرام عمر ده عايز الدبح

هاتو يا عيال السكينه عشان هنخلص عليه وعلى البت دى عشان مش كملت

ابوس ايد اهلك نفر نفر كمليها بسرعه

تحياتى يا موزه

ميه

[M.B]

اقتباس المشاركة الأصلية كتبت بواسطة ملاك ودمعتى هلاك ياااااااااااااااااااااااى وكبشه بذات نفسه بيقولى كده شهاده ووسام اعتز بيه ياباشا منور ياكبيييير :d:d

تسلمي ربنا يخليكي
متابعك

[حنان الجزائرية]

القصة في منتهى الروعة

واصل بقا على المنوال ومستنياك في الباقي

تحياتي وصح فطورك

[ملاك ودمعتى هلاك]

مانساش >>>>>>>>>>>>>>>>البارت التالت<<<<<<<<<<<<<<<<<

دخلت عليها وانا عاوز اتاسفلها على الى حصل وهافجئها انى وافقت اخيرا ...........
اننا نسكن فى بيت تانى لوحدنا
دخلت عليها وحطيت ايديا على وشها البرئ النايم بس.... بس... ايه ده ؟؟؟؟
دى ساقعه اوى
الجو مش برد ابدا
ودورت على اى تكييف فى الاوضه
مالقتش
خرجت انده على ممرضه ودخلت
الفاجعه
بالنسبه ليا لما الممرضه شدت الغطا الابيض النضيف الى زى وشها البرئ على وشها
بعدت خطوتين وانا مش مسدق
قتلتها؟؟؟؟
ايوه ............
قتلت حبيبتى قتلت مراتى ازاى قدرت اعمل كده
قتلت برائتها
قتلت طيبتها
قتلت رقتها
ماستحملتش كل الى حصلها كان كتير على قلبها الرقيق
(لسه فاكر الى عملتو اليوم ده وشكلى كان عامل ازاى )
رجعت على البيت وكسرت كل حاجه في البيت وزقيت اختى على الارض
وامى قلتلها مش مسامحك
وبصيت على اختى الى على الارض: و انتى مش مسامحك ابدا
انتوا قتلتوها قتلتووووووووووووووووووها
وانا....!
انا كنت فين ؟؟!!
انا الى اديتلكم الفرصه دى
وخبط راسى فى الحيطه بقوه
واختى مش مستوعبه قالت بعياط :هيا ماتت ؟
بصتلها بقرف وانا ببعد ايدى الى مسكتها: ايوه ماتت صاحبتك الى انضف منك ماتت
مااااااااااااااااااااااااااااااتت
رجعت على ورا وهيا بتسد ودنها
وانا بشد ايديها علشان تسمع كلامى الى بيموتها
معقول هى قتلت صاحبتها الى ياما كانت بتحكى عنها وكانت بتحبها
وخرجت من البيت علشان اروح المستشفى
وخلصت الجنازه بسرعه اوى
وانا.....
زى ماتكون السكينه سرقانى ومش مسدق ابدا
وف يوم كنت عندها .....عند قبرها
ورجعت البيت ولقيت الدكتور الى كشف على مراتى اول ماشفته
حسيت انى سامع صوت مراتى وهيا بتستحلفنى انها متنكشفش على راجل ااااااااااه ياحبيبتى اااااااااه ( انا الى قتلتها بغبائى انااااااا ااااااااه انا اسف والله العظيم اسف بس ارجعيلى
انا قتلت شرفك انا الغبى وحيوان بس ارجعى )

رحت على الصاله ورميت السلام وكنت هاطلع
وقف الدكتور وقالى: استنى لو سمحت انا جاى اعزى وجاى علشان حاجه تانيه
سكت شويه
وطلع ظرف التحاليل
واداهولى بعدت عن الظرف بقرف : انا مش عاوز اعرف انها ماكنتش بتخلف
هيا كامله فى عنيا ( والكمال لله وحده )
دحك الدكتور وقالى : مرات حضرتك بتخلف وصحتها مافيهاش اى مانع
بصتلو وبصيت لامى واختى : ازاى
قالى : زى ماقلت العيب من حضرتك مش منها وادى تحاليلك الى عملتها فى نفس اليوم العيب عندك انت ومستحيل تخلف الا بمعجزه
حسيت ببرد وهوا فى قلبى من فراقها وفراغها
وقالى بتردد :كان فى حاجه عاوز اقولها كمان بس ... بس متردد
قلتلوا بعصبيه : قول
قالى: مرات حضرتك ادتنى الجواب ده علشان اديهولك لما كانت فى المستشفى زى ماتكون كانت حاسه انها اخرتها لا ن بعدها بنص ساعه عرفت وفاتها

اخدت الورقه وبدات اقراها....

البارت التانى كده خلص
مستنيه ردكم ورايكم
وماتنسوش التقييم
وتوقعاتكم بقى
ايه الجواب ده وياترى ايه الى مكتوب فيه ؟؟؟؟

قرائه ممتعه ^_^

[ملاك ودمعتى هلاك]

>>>>>>>>>>>>>>>>>>البارت الرابع<<<<<<<<<<<<<<<



اخدت الورقه وبدات اقراها ....
كان مكتوب فيها
الى (حبيبى)
زوجى الحبيب واغلى شئ عندى فى الوجود
اعتزر لك عما بدر منى من تقصير فى الاونه الاخيره
ولكنى كنت خائفه من ان تكون هذه نهايتنا ... فحقا اعتزر
واريد ان اعترف بشئ ولكن استحلفك بالله ان تسامحنى
بعد زواجنا بحوالى 6 اشهر
وبعد كلام والدتك واختك الا وهى صديقتى العزيزه
بدا الشك يتسلل الى قلبى فذهبت لكى اكشف واعلم هل هناك عيب منى
وصدقنى يانبض قلبى انه اذا كان العيب منى لجعلتك تتزوج غيرى واتركك تحيا حياتك مع امراه تجلب لك الاطفال
ولكن عندما علمت انه ما من عيب عندى ظللت ابكى حتى انى اوشكت على الموت
اذا تتذكر ذلك اليوم الذى دخلت عليا فيه ووجدتنى ابكى وقلت لك وقتها انى اشعر ببعض الالم
لم اكذب فانا حقا كنت اشعر بوجع بقلبى الذى كاد يقتلنى
وعندما مضت شهور كثيره على زواجنا
مع كل يوم يزيد خوفى عليك من ان تعرف وتشعر بالحزن على نفسك
وانا ما كنت ساتحمل هذا
حتى جاء اليوم الذى طالما خفت منه
ووجدت اهلك يجبرونك على التحليل
كنت خائفه عليك يانبض قلبى فحقا اعتزر
لانى قصرت بحقق
كان يجب ان ابذل مجهود اكثر من ذلك
فاعتزر ياقلبى ويانبضى
فهل لك ان تقبل اعتزارى
فانا الان بين يدى الله فلا تخذلنى امامه
واريد الا اتحمل وزر التقصير بحقق
واخر ما اريد ان اقوله
انى احببتك من كل قلبى
واعتزر لانى ساتركك
وانك ستعلم الحقيقه
من دونى من دون ان اضع يدى على كتفيك واهون عليك
حقا اعتزر
(زوجتك وحبيبتك)
(ريناد)




وقعت على ركبى على الارض وحسيت الارض لفت بيا وسمعت سرخه امى
وصوت خطوات اختى الى جريت عليا
قلت بصوت يادوب بيتسمع : سامحينى ياماما سامحينى يااختى
قالولى: مسامحينك بس ارجعلنا
ابتسمت وبصيت للسقف حسيت ان روحى بتطلع بس سامع كل حاجه حواليا
(ولسه فاكره اليوم ده زى مايكون امبارح )

الى حصل
.
.
.
الدكتور جرى عليا وكشف قال : ده كان عندو السكر
امى : ازاى انا ابنى عمرو ماتعب
الدكتور: ابنك عندو السكر ياحجه وهو تقريبا بين ايدين ربنا
امى لطمت
واختى ماحستش بيها ابدا بس سمعت صوت جامد عرفت بعد ماسمعته انها اغمى عليها
وابويا لسه راجع من السفر مدته سنه ودخل وهو مستنى يشوف مرات ابنو
(مراتى)
الى دايما بيتكلم معاها بس لقى حاجات غريبه
صويت
ولطم
بس بعدها ماعرفتش اى حاجه لانى مافوقتش غير وانا ف المستشفى
هيا دى حكايتى مع الزمن
ومع نفسى الى عاوز اقتلها
مراتى ماتت وانا مستنى ربنا ياخد امانته واروحلها
ووالدى عرف الى حصل وهو اصلا قلبه ضعيف جاتله الازمه
ومات
امى طول المده دى قبل ماتنقل لبيت منفرد رافض اى زيارات الا بين مده ومده طويييييييييله جدا
ماكانتش بتقدر تبص ف عنيا حتى لما كانت بتكلمنى فى اى حاجه كانت بتصعب عليا ولما خلاص هاقولها انا نسيت وانتى لازم تنسى
حاجه تقولى انت مانستش وعمرك ماهتنسي الى حصل
احنا السبب فى قتلها
وانا المجرم الحقيقى الى نفذتلهم المهمه



دى النهايه اتمنى ماكونش تقلت عليكم روايتى من وحى خيالى
الفكره متكرره وبتتكرر فى كل بيت بس انا تناولتها بشكل مختلف مفيهوش لا خيال ولا وقاعيه زياده عن الزوم
كل كلمه من تاليفى
ودى تالت روايه االفها واكتبها هنا
مستنيه تقيمكم ورايكم فى روايتى
رمضان كريم
احب اوجه كلمه اخيره







يالى بتعايرى ناس بعيوبها كان ممكن تبقى انتى مكانها
اتقوا الله بقى
وكفاياكو افترى واى واحده بتعمل كده بقصد تجريح الى قدامها من غير مايرتكب خطا فى حقها
بقولها حسبى الله ونعم الوكيل وربنا وكيل كل مظلومه وحسيبه
اتقوا الله
وبس
اتمنى قصتى تكون عجبتكو^_^




وسورى ع التاخير
بس ايديا اتحرقت سورى

[Words Whisper]

أحيانا بنحتاج نتعامل مع الأشخاص بمبدأ الموت
عشان مش نخسر ناس بنحبهم و نرجع نندم في وقت مش فيه ندم ..




العامية بردو حلوة في القصص
بس حاولي مش تعتمدي على الأسلوب الحواري
والانفعالات بتبئا أحلى وأقرب للقارئ لما تكون واقعية ..


بالتوفيق ..