ليه البنات بتكره غسيل المواعين ؟

[اذار .]

ايوه تماما مثل ما قالت اسراء
جرب بنفسك و هتعرف سبب كرهنا لغسيل
المواعين ، الجماد الذي بيتكاثر في الدقيقه
مليون مره ،
يبقى جرب و اكتب الجواب

[ملاك صعبة الإمتلاك]

هههههههههههههههههه
نفس السبب برضوا الا بيخليكوا
تكرهو تجيبوا حاجه من السوبرماركت
في وقت اجازتكوا ولما تعرف السبب قولي ^^

[مشاعر]

علشان احنا بنبقى تعبين نفسنا وبنربى ضوافرنا لما نغسل المواعين بتكسر الضوافر

[Fatma Fareed]

اقتباس و الى تقلك الجماد الوحيد الى بيتكاثر هى المواعين

انتا بتلقح كلام ولا ايه

بص يا سيدى
لما تقف على رجلك فى اليوم 10 مرات
وكل مره بتاخد ساعه يعنى مش هقولك ساعتين علشان مكنش ببالغ
كده 10 ساعات فى اليوم
لا استنا كمان
لما اخلص المواعين والاقى حد من افايا بيقولى خدى نسيتى دول
ولا خدى اغسلى دول بالمره
دول اكتر جملتين بكرهم فى حياتى

لالالا استنى هقولك
لما تبقا لسه مخلص اكل بتحب تأنتخ كده وبتاع
احنا بقا لازم نقف نخلص محل الاطباق ده
ولو قولت لا هتتنفخ

اللى بيفقع المراره بجد بقا
لما اخلص مواعين الاقى صوابعينى كرمشت حاجه زووووفت خالص
ياخى ماتخلنيش افتح اكتر من كده انا مممكن افطر على السيره دى ماتفكرنيش

[Aya 7ekaya]

بصراحه انا كمان مش بحبها
ايه يعنى اقف اقعد اغسل طابق حاجة غريبه وربنا
وبعدين من كتر الالحاح ال عندنا ف البيت كل شويه المواعين المواعين كرهتها انا لما الحاجه بتنكرر ف الطلب قدامى كتير بكرهها

[حـيـــــآة ❤]

إنت فئ إيه مآلك اليومين دول
لو مش عآجبكوآ روحوآ إغسلوآ إنتوآ شوفوآ غسيل الموآعين يبئآ إزآئ

[جبل عالي]

ههههههههههه بصراحة

البنات ردت الردود كلها بقاااا

[انجي_1]

بص احج نور انت دست عالجرح بقا
المواعين دي كائنات تتكاثر بشكل غير طبيعي
هو احنا اتخلقنا عشان نفضل ف المطبخ طول اليوم نغسل فيهم ولا ايه ؟
وخصووووووووووصا ف رمضان المواعين بتطغى بشكل مفتري جدا
مثلا انا امبارح كان دوري ف غسل المواعين طول اليوم لحد ما هلكت وظهري وجعني من كثر الوقفة ف المطبخ
النهار ده راحة
هييييييييييييييييييييييييييييييييييه
بس بكرة برضه دوري
عشان بيني وبينك ف رمضان بغسلهم يوم اه ويوم لاء
عاملين جدول ف البيت يعني خصوصي للمواعين ربنا يهدها
وعلى راي المثل ( ياااااارب المواعين تموت )
اصلها معاناة انور اخويا
ربنا ما يحولك بت عشان تعرف مدى قهرنا وعذابنا ومعاناتنا
ابختكو ارجاله والله
اريتني كت راجل
يلا يارب تكون فهمت وجهة نظري ف الموضوع

[big bốss]

اقتباس المشاركة الأصلية كتبت بواسطة a-rab3awya تمام بس انا قصدى شغل العيد واللى هو التنضيف برضوا مش البسكوت والدلع ده طبيبعى طبعا مش وظيفتك

التنظيف بتاع العيد صعب بشفق عليكم لان اللخبطه كتير

[big bốss]

اقتباس المشاركة الأصلية كتبت بواسطة انت احلى الناس هههههههههههههههه على مش عشان منوكير ولا عشان المسلسلات والله بصراحه انا عمري ما كرهت غسيل المواعين انا الحمدلله الكبيره والدنيا كلها فوق دماغي بس غسيل المواعين ده بحسو عادي مش صعب يعني يعني مش حخسر حاجه لو غسلت وخلصت وبعديها قعدت مواضيعك دايما متميزه تحياتي بيج بوص

شاكك فى أجابتك انك مش بتكرهى غسيل الواعين

بس نعدهالك كويس ان الامر طبيعى عندك و دا شىء نادر

شكرآ لرايك نورهان