عـــذرا انا عربى

[Stop Ana Eltop]

السلام عليكم ورحمة الله وبركاته

عامليين ايه ان شاء الله تماام

تنبيه:
اسفه انا مصريه , اسفه انا عربيه , اسفه انا جزء من مستنقع كبير حقير اســفه حقيقى

عن أبي هريرة رضي الله عنه قال: قال رسول الله صلى الله عليه وسلم:

((سيأتي على الناس سنوات خدّعات، يُصَدق فيها الكاذب ويُكذَّب فيها الصادق، ويُؤتمن فيها الخائن ويُخوَّن فيها الأمين، وينطق فيها الرويبضة))،

قيل وما الرويبضة يا رسول الله ؟ .. قال: «الرجل التافه يتكلم في أمر العامة» .



المذيعه دى بتعبر عن نفسها مش عن المصريين



بحب برنامج جو تيوب جداا بس للاسف يعنى هو حرام لانه بيثير الفتنه وكمان فيه عدم اطاعه لولى الامر
بس الحلقه دى مهمه اووى تعتبر هى التوبيك يعنى

النقطه الاولى :
فى كتاب التاريخ بتاع 3 ثانوى كان مكتوب فيه انه حدث زى مشكله كبيره شويه كدا ايام وزارة سعد زغلول بسبب انه السيرلى ستاك اتقتل

مكنش مكتوب فى الكتاب مين الى قتله بس الاستاذ الى عنده 65 سنه قالنا انه فى كتاب السنه الى فاتت قبل ما الاخوان يمسكوا كان مكتوب انه عناصر من الاخوان هى الى قتلته

كذلك نفس الكتاب دا مكتوب فيه انه الفلسطنين هما الى باعوا ارضهم سواء بمزاجهم او انهم كانوا بيتعرضوا لضغوطات تضطرهم انهم يبيعوا

بس اذا كان كتاب التاريخ بيتظبط حسب الحاكم اذا انا اشك فى تاريخ بلدى وليا حق

النقطه التانيه :
غــزه دولا مسلمين زينا والرسول عليه الصلاة والسلام قال
قَالَ النَّبِيِّ صَلَّى اللَّهُ عَلَيْهِ وَسَلَّمَ:
لَا يُؤْمِنُ أَحَدُكُمْ حَتَّى يُحِبَّ لِأَخِيهِ مَا يُحِبُّ لِنَفْسِهِ
واحنا كل الى عملناه قفلنا المعبر عشان مايدخلوش مصر وقولنا اليهود مش قادرين عليهم نساعدهم احنا طب نعمل اييه
نبعتلهم اطعمه فاسده بيخرج منها الدود والسوس على الوش كدا ونتقسم فرقتين
فرقه تغير صورة البروفايل والتوقيع ويكتبوا غزه تحت القصف ويدعوا فى الصلاه ويعيطوا فى ركعة الوتر فى صلاة التراويح
والفرقه التانيه تقول احنا مالنا ومالهم دولا الجهة العسكريه للاخوان المسلمين فى مصر دول يستاهلوا الى بيحصلهم على رائ جوجو ( على الحجار يعنى ) هما شعب واحتا شعب
دولا ارهابيين عاوزين الحرق

( كنتم خير أمة أخرجت للناس تأمرون بالمعروف وتنهون عن المنكر وتؤمنون بالله ولو آمن أهل الكتاب لكان خيرا لهم منهم المؤمنون وأكثرهم الفاسقون )

المفروض وعلى رائ الى قال بقن كل المفروض مرفوض
المفروض فعلاا اننا امة محمد خير امة اخرجت للناس
نؤمر بالمعروف وننهى عن المنكر ونؤمن بالله
بس احنا فين من الايه دى بس اكيد يعنى عمر بن الخطاب مش هيكدب حاشاه

وروي عن عمر بن الخطاب قال : كنتم خير أمة أخرجت للناس تكون لأولنا ولا تكون لآخرنا .


للاسف وصلنا للنهايه
وصلنا اننا هنقتل بعض عشان احنا بقينا شعب وهما شعب
صفة اليهود دايما بتتلخص فى كلمة ( انا ماالــى )
واحنا بقينا زيهم ( مايتقتلوا احنا مالنا ) مسلمين اسما يهود فعلا


دى مجرد وجهة نظر ليا عن الى حاااصل دلوقتى

اسفى اننا مبقناش نقدر على حاجه غير الدعاء والكتابه واللايكات وبس
زماان السادات بااع ودلوقتى السيسى بااع مصر واشقائها

وتانى هقول اسفه انى مصريه , اسفه انى عربيه اسفه انى لسه قاعده بكتب الكلام دا

تحذير:
المصرين او العرب الاحرار الاحرار مش العبيد لا يمثلهم الحكومات ولا الاعلام
المصريين بمثلوا نفسهم وللاسف مفيش فى ايدهم حاجه
اعذروانا لو خذلناكم فلقد خذلنا انفسنا قبل ان نخذلكم

عـــــــذرا

فى امــــــااان الله

[مِسكُ الشَهادة]

عذراً انا عربي ...
العربي هو الذي يقتل العربي
ويتامر عليه ويسعى لضربه وطعنه بالغدر والمكر
في غزة رجال باعوا حياتهم لربهم في سبيل
دينهم وامتهم ...هم لا يعتذرون للعرب بل يتبرعون لهم
عزة وشهامة ليصرخ طفل من غزة تحت القصف للعرب
كيف حالكم طمنونا عنكم يا رب تكونوا بخير
مقال رائع جدا يا هبة
ربنا يسعدك يارب
دوام التميز

[۩۩ elMagic ۩۩]

ربنا يزيح عنا الازمه ويحقن الدماء
نسأل الله الهدايه لجميع
وربنا يصلح الأحوال بإذن الله
تسلمى هبه لمجهودك ,,

[حـيـــــآة ❤]

بصئ ي هبه ي حبيبتئ..أنآ مبدئيآ كده مبحبش أتكلم ف السياسه
بس فعﻵ إحنآ العرب خذلنآ اخوآنا العرب اللئ محتجنلنا
ممكن مش إحنا لاكن حكامنا
وزي م قلتئ الخروج ع الحاكم مينفعش
وحكمه محرم شرعآ إﻵ إن أتى بكفر صريح
يعني كل الزمباليطه دي م اﻵخر كده حرآم أصﻵ
من الثوره 25 يناير وماشيين ف سكه غلط وربنآ غضبان علينآ
نسأل الله الرضآ والهدآيه
تسسلمئ ي هبه..

[Silver Flower]

شكرًا لموضوعك الي بيخليني أزيد في حبي لكم
وعادي حبيبتي ما تزعلي
ربنا الحمد الله معنا وانتصرنا
بس الله يفرجها عليكم

[اميره الشعر الشجين]

ربنا يهدى الجميع ويلم شمل العرب ويوحدنا من جديد كلام حلو يا هبه يدوم التميز ياقمر

[احساسى صحيح]

تعرفى يا هبه
انا بقعد كتير مع نفسى افكر
هى الناس اللى بتشتم فى حماس وبتتمنى انها تتحرق
والكلام اللى بسمعه من الاعلام وتغير المفاهيم وضئالة الافكار
بتاعة الشعب واللى ممكن انه يبيع بلده وامته ودينه
علشان ما يظهر انه كان غلطان ومضحوك عليه
او انه يعاند علشان ما يظهر انه كان خطأ
كل الحاجات دى اتكونت جوايا وبقول دى اكيد من علامات الساعه
وزى ما ذكرتى انتى فى مقالك كده تمام
اسأل الله العفو والعافيه
وان يلهمنا الصواب والحق
تحياتى ..

[Stop Ana Eltop]

بشكر اى شخص عدى من على التوبيك داا

ربنا يزيل الغمه عننا ونرجع عرب متماسكين بجد

ميرسى بمروركم

نورتواا

[Stop Ana Eltop]

اقتباس المشاركة الأصلية كتبت بواسطة crazy o_o ana بصئ ي هبه ي حبيبتئ..أنآ مبدئيآ كده مبحبش أتكلم ف السياسه بس فعﻵ إحنآ العرب خذلنآ اخوآنا العرب اللئ محتجنلنا ممكن مش إحنا لاكن حكامنا وزي م قلتئ الخروج ع الحاكم مينفعش وحكمه محرم شرعآ إﻵ إن أتى بكفر صريح يعني كل الزمباليطه دي م اﻵخر كده حرآم أصﻵ من الثوره 25 يناير وماشيين ف سكه غلط وربنآ غضبان علينآ نسأل الله الرضآ والهدآيه تسسلمئ ي هبه..

لا كلام بعد كلامك يا فتاه
جبتى الخلاصه بقن

نورتى

[Stop Ana Eltop]

اقتباس المشاركة الأصلية كتبت بواسطة silver flower شكرًا لموضوعك الي بيخليني أزيد في حبي لكم وعادي حبيبتي ما تزعلي ربنا الحمد الله معنا وانتصرنا بس الله يفرجها عليكم

بص يا ساااره الى بينا دم ودين مشترك بيخلينا اخوات فى الاخر
لا رد ولا توبيك هما الى هيقوا علاقتنا ولا هما الى هيضعفوها

ربنا ينصرنا وينصركم

نورتى بقن