استضافة رياضية الحلقة الثالثة و معانا ...

[عيون مصرية]

السلام عليكم ورحمة الله وبركاته اهلا بيكم أعضاء بنات مصر فى برنامج استضافة رياضية و هيكون معانا فى الحلقةالثالثة ضيف محبوب جدا فى المنتدى مفيش عضو غير و عمل فيه مقلب مذيع منتديات بنات مصر صاحب اكبر سلسة برامج ضيفنا هو morshooo مشرف يوميات الاعضاء و نبدأ مع أسئلة الاستضافة الرياضة بتمثلك ايه فى حياتك ؟ و ايه هى اهميتها من وجهة نظرك ؟ الرياضه اكيد مهمه جدا ويمكن من صغرى وانا بمارس ( كرة القدم ) ولعبت فى انديه الشمس / مصر للبترول / مدينه نصر / المقاولون العرب لحد تقريبا ( 3 معهد ) وبعد كدا حصلت ظروف مبقتش اروح النادى المهم ان الواحد بيحب الرياضه جدا واكيد هى مهمه فى حياتنا . ما هى الرياضة المفضلة لديك ؟ كره القدم حصلك موقف مضحك قبل كدا بسبب الرياضة دى ؟ اكيد المواقف بتكون كتير جدا خاصه لما بكون مع اصدقائى الوقت الى بنلعبه بيكون كوميدى اكتر منه رياضه ومنافسه لكن طبعا لو فى النادى الامور بتختلف بيكون فى جديه اكيد بشكل كبير هل تطلع لممارسة نوع جديد من الرياضة فى المستقبل ؟ لما احافظ على القديمه هبقى اشوف جديد الوقت خلاص مبقاش الواحد يقدر يعمل فيه اى حاجا حتى كره القدم الفترة دى مبقتش بمارسها بشكل منتظم . هل فكرت قبل كدا فى احتراف رياضة معينة ؟ و ايه هي؟ لو بعيد عن كره القدم بحب جدا التنس والاسكواش ومن صغرى وانا كنت بحب اتابعهم جدا والمشكله لما سئلت عنهم عرفت انهم منيلين بنيله وبيحتاجو معاملات خاصه وبتكون مكلفه جدا بس الحمد لله الواحد ماحاولش يمشى فيهم لانه برضو مارس رياضه تانيه هو بيحبها . ايه رايك فى فكرة المدوامة فى الذهاب للجيم ؟و هل انت من المداومين على ذلك ؟ انا مع اى رياضه عموما ومع الانتظام انا لو عندى وقت كنت هتابع فـ ( الجيم ) بس مشكلتى لما بقرر اروح ممكن اروح شهر وبعد كدا بكسل وقولت خلاص هريح دماغى واجيب مشايه فى البيت استخدمها واعوض الجيم ما هو ناديك المفضل عربياً ؟ الاهلى المصرى اكيد هل فى حد كان السبب فى اختيارك للنادى ده من البيت او صحابك ؟ والدى اهلاوى جدا وكان دائما بيروح المباريات فى الاستاد اصله بيدخل ببلاش كان دائما بياخدى معاه وانا صغير وعلى فكره الاستاد بيكون حاله خاصه جدا غير التليفزيونات يعنى فى الاستاد فعلا الجو بيخليك بتعشق النادى الى بتشجعه فعلا شعور الاستاد حاجه تانيه خالص بس \ حلوة حكاية الدخول ببلاش دى انا عايزة من ده طيب قولنا هتاثر فى قرار ابنك فى النادى البيشجعه ؟ولا هتكون اب ديمقراطى ؟ اكيد لا ودا مش فى الرياضه بس هيبقى فى حياته عموما احسن حاجه انك تكون اب ديمقراطى من هو لاعبك المفضل عربياً ؟ حاليا ( احمد فتحى ) مين افضل مدير فنى درب المنتخب المصرى ؟ اكيد حسن شحاته ودا بالبطولات الى حققها مع المنتخب فى رايك امتى هيرجع وجود الجمهور فى الاستاد طبيعى عندنا و بدون مشاكل ؟ معتقدش دلوقتى هيحصل دا وانا مع القرار دا بعدم عودة الجمهور لان الجمهور او بمعنى اصح (الالتراس ) بقى شاغل باله بحاجات هو مالوش فيها انتا فى استاد ادخل شجع فريقك مايبقاش الماتش 90 دقيقه اشجع فريقى 15 دقيقه واقعد 60 دقيقه اشتم فى الداخليه واقلبها سياسه . متى تفصل الرياضة عن السياسة فى مصر ؟ احنا شعب عاطفى ^_^ احنا ممكن ندخل اى حاجا فى اى حاجا معندناش مشكله لو تم فصل الرياضه عن السياسه الجمهور هيرجع الاستاد ومقصدش بالجمهور الالتراس فقط او الشباب فقط لا اقصد جمهور 2006 الى كان الواحد بيروح الاستاد بيلاقى الزوج معاه ولاده البنات ومراته ورايح بيهم عشان يتفرج على مباراة للمنتخب او للنادى الى بيشجعه . فعلا اشتقنا ان الاسرة تقدر ترجع تروح الاستاد بدون خوف ان اى حاجه تحصل ما هو ناديك المفضل عالمياً ؟ فى كتير ^_^ ميونخ / مدريد / مان يونايتد من هو لاعبك المفضل عالمياً ؟ الكريستيانو رونالدو طبعا هو فيه زى كريستيانو من هو المدير الفنى الافضل على الاطلاق ؟ مورينيو رغم انه غريب بس ليه شخصيه ودى حاجا مهمه جدا فى اى مدير فنى وطبعا حبيبى ( فيرجسون ) هو اعتزل بس مدرب عالمى بمعنى الكلمه بما انك مذيع المنتدى ايه هو البرنامج الرياضى المفضل ليك ؟و مين المعلق الرياضى الافضل من وجهة نظرك ؟ البرامج كتير جدا وبقت كلها زى بعضها والى بيتقال هنا بيتقال فى اى برنامج لكن . مساء الانوار او مدحت شلبى اعتقد ان برامجه بيكون فيها مصداقيه صحيح مش كله بيكون صح بس اكيد ليه جمهور كبير بيتابعه وبعديه ( كريم حسن شحاته ) بحب اتابعه برضو بحس انه محايد ودى حاجا مهمه . بصراحة برنامج مساء الانوار ده مفيش منه اتنين المشكلة تحصل و تتحل فى البرنامج المعلق الرياضى فى مصر حاليا كلهم زى الزفت الحقيقه يمكن الى بحس وانا بسمع تعليقه انه فاهم ( احمد الطيب ) عربيا ( الشوالى ) ( روؤف خليف ) هل تتذكر أول مباراة شاهدتيها فى حياتك ؟ اكيد لا بس فاكر كاس العالم 90 ايام مباريات منتخب مصر كان كل مباريات المنتخب كان بيكون فى البيت لمه زى الفل عمامى كانو بيجو يتفرجو على المباريات مع والدى كان عندى وقتها ( 6 سنين ) ما هى المباراة التى لم و لن تنساها ؟ الاهلى والصفاقس هدف ابوتريكه والاهلى والزمالك 6 / 1 اهم حاجه 6\1 الزمالكوية طبعا منورنا هل انت متعصب لفريقك أم لا ؟ مش لدرجه التعصب لكن اكيد دائما بتمنى الفوز للفريق فالموضوع بالنسبالى مش تعصب والا حاجا لو قلنا انك هتأسس نادى هيكون ايه اسمه ؟ و ايه هى الرياضات الاساسية الموجودة فيه ؟ الموضوع صعب مش سهل الاسم اكيد وقتها هشوف هيبقى ايه الرياضه الاساسيه اكيد كره القدم نصيحة لاعضاء المنتدى عن الرياضة اكيد كلنا عارفين يعنى ايه رياضه ويايه اهميتها فاتمنى ان الجميع يحافظ على ممارسه الرياضه حاجة حابب تقولها فى نهاية الحلقة كل سنه وانتم طيبين وخلاص كلها كام يوم ونقولكم عيد فطر مبارك ولازم الرياضه فى العيد عشان عارف انا شغل الكحك والبسكويت والكلام دا بيكون متعب يومين الفطار الجايين والصيدلايات بتشتغل شغل عالى على الفوار فى العيد عيد فطر مبارك عليك يا رب و يكون من غير صيدليات نورتنا فى الحلقة و ميرسى جدا لقبولك الدعوة انا الى سعيد بوجودى معاكى واتمنالك التوفيق كانت حلقة جميلة يا احمد و استمتعت بيها كتير كدا حلقتنا انتهت انتظرونا فى الحلقات القادمة استضافة رياضية ودى