دار المسنين ، عقوق ٲم حل ؟

[اذار .]

وضع الوالدين في دار المسنين ( العجزة )

ظاهرة مثيرة للجدل بصورة واضحة وتثير استنكار شريحة
واسعة في مجتمعاتنا العربية
حيث يرفضها الكثيرون باعتبارها شكلاً
من أشكال العقوق للوالدين ،
وجهة النظر هذه ترتبط بقيم دينية واجتماعية
متوارثة في مجتمعنا ،
حيث ان رعاية الوالدين في كبرهما
هو شكل من أشكال رد الجميل لهما
و لا يكتفى بذلك بل من الواجب عليهم مراعاتهما

- من جهة اخرى هناك شريحة مقابلة للرأي الاول
تعتقد أن مبدأ دار المسنين يؤمن حلاً عملياً لمشكلة
هرم أحد الوالدين وتحوله إلى عبء على أحد الأولاد
أو بعضهم ، وهو حل ايجابي في حال مرض احد الوالدين
اضافة لكونه يخلص الوالدين من الوحدة القاتلة في حال
انشغال الابناء وتلك نظرة ايجابية بعيدة كل البعد
عن المثاليات التي يتحدث بها الناس .

- تكلموا عن رٲيكم بهذا الموضوع براحتكم
مافيه اسئله نقاش لان لو احط اسئله مش هتخلص

[توحد ارواح]

الوالدين لهم فضل كبير علينا
ومهما عملنا مش هنوفيهم جزء صغير من حقوقهم علينا
والله سبحانه وتعالى وصانا عليهم بعد عبادته مباشرة
من رأيى وضعهم ف دار المسنين عقوق وعقوق
اللهم ارزقنا برهما ونعوذ بك من عقوقهما
تسلمى ع الطرح القيم اذار
تحيتى

[✿ Celiηα]

لا طبعا مش حل
وانا ضده تماما
مهما كان الوالدين عبء عليك
يعني انت وانت صغير مكنتش عبء عليهم ؟
وبالرغم من كده ربوك وكبروك لحد ما بقيت راجل
ليه معملوش زيك ورموك فدار ايتان باعتبارك عبء عليهم !
دلوقتي جه دورك انك تراعيهم وتهتم بيهم
زي ما راعوك واهتمو بيك وانت صغير

موضوع مهمة أذار تسلمي يا قمر

[مُنـــــايا]

الوالدين هم سبب وجودنا بعد الله سبحانه وتعالي
وجودهم نعمه بحياتنا وبركه واننا نقوم بوضعهم في دار للمسنين
فهذا هو العقوق بعينه .فقد جعل
الله سبحانه تعالى رضا الله في رضا الوالدين وسخطه سبحانه وتعالى في سخطهما
أيكون جزائهما إلقائهم بدار مسنين ولا نعرف كيف سيتم معاملتهم
والاعتناء بهم
عوضا ً عن برهما والإقامه علي خدمتهم في كبرهم والإحسان إليهم ورعايتهم ..

فقد أفنيا عمرهما في رعاية أبنائهما وقال تعالى:
"وقضى ربك إلا تعبدوا إلا إياه وبالوالدين إحسانا"
وهل جزاء الإحسان إلا الإحسان
وكما تُدين تُدان

موضوع قيم غاليتي
دمتِ بكل خير

[big bốss]

دار المسنيين دا حل فى عقول ناكرى الجميل و من لآ يهتم لآمر والديه

لكن مقام الاباء و رعايته واجب شرعى و أنسانى و أخلاقى لآ مبرر او مفر منه

هو الموضوع بيرجع للتربيه و التدين

بس بصراحه الواحد اهله يفديهم بروحه و دمه

و تحيا مصر يا بنت خالد

[انجي_1]

مينفعش يكون ده جزاتهم بعد تربيتهم لينا وتعبهم علينا ف اخر عمرهم نوديهم دار المسنين
طب انا هكون مرتاحة ازاي وابويا او امي ف دار المسنين ؟
اكلين ولا جعانين ؟
لابسين كويس ولا لاء ؟
مرتاحين نفسيا ولا لا ؟
مقدرش انا شخصيا اني اخد ابويا او امي لدار المسنين
حتى لو فنيت عمري كله عشانهم
حتى لو زوجي مثلا قال لي يا انا يا هم
اللي يفرض عليا اتخلى عن الوالدين ده ميستهلش اكمل معاه حياتي
اسيبه واعيش خدامة تحت رجلين ابويا وامي
واللي يسمح ف والديه ويوديهم دار المسنين
ده مش اعتبره انسان
دول ناس متجردين من الانسانية
وعقابهم مع ربنا عسير
ده ربنا وصانا عن والدينا ف كبرهم
انا شوية وهبتدي اعيط
كفاية كده عليا يا اذار

وعلى فكرة انا يتيمة
لا عايشة مع اب
ولا امي على قيد الحياة
الله يرحمها
ياريتها كانت معايا وفضلت معايا لغاية ما كبرت
ده انا اشيل عنيا وادهالها

[اذار .]

اقتباس المشاركة الأصلية كتبت بواسطة توحد ارواح الوالدين لهم فضل كبير علينا ومهما عملنا مش هنوفيهم جزء صغير من حقوقهم علينا والله سبحانه وتعالى وصانا عليهم بعد عبادته مباشرة من رأيى وضعهم ف دار المسنين عقوق وعقوق اللهم ارزقنا برهما ونعوذ بك من عقوقهما تسلمى ع الطرح القيم اذار تحيتى

معاكِ حق عزيزتي ، و مهما كان لابد من رعاية الوالدين
ليس لانهم قامو بالتربيه ، بل هذا واجب علينا فعله
طاعه لهم و عدم عقوقهم .

انرتي عزيزتي بوجودك

[اذار .]

اقتباس المشاركة الأصلية كتبت بواسطة ✿ celiηα لا طبعا مش حل وانا ضده تماما مهما كان الوالدين عبء عليك يعني انت وانت صغير مكنتش عبء عليهم ؟ وبالرغم من كده ربوك وكبروك لحد ما بقيت راجل ليه معملوش زيك ورموك فدار ايتان باعتبارك عبء عليهم ! دلوقتي جه دورك انك تراعيهم وتهتم بيهم زي ما راعوك واهتمو بيك وانت صغير موضوع مهمة أذار تسلمي يا قمر

البعض منهم يرى ان القيام برعايتهم مسؤوليه لا يمكن تحملها
و ان دار المسنين مكان لابد من وجود الوالدين فيه
و الاكتفاء بزيارتهم
و هذا مالا يستحقه الوالدين

[اذار .]

اقتباس المشاركة الأصلية كتبت بواسطة مُنـــــايا الوالدين هم سبب وجودنا بعد الله سبحانه وتعالي وجودهم نعمه بحياتنا وبركه واننا نقوم بوضعهم في دار للمسنين فهذا هو العقوق بعينه .فقد جعل الله سبحانه تعالى رضا الله في رضا الوالدين وسخطه سبحانه وتعالى في سخطهما أيكون جزائهما إلقائهم بدار مسنين ولا نعرف كيف سيتم معاملتهم والاعتناء بهم عوضا ً عن برهما والإقامه علي خدمتهم في كبرهم والإحسان إليهم ورعايتهم .. فقد أفنيا عمرهما في رعاية أبنائهما وقال تعالى: "وقضى ربك إلا تعبدوا إلا إياه وبالوالدين إحسانا" وهل جزاء الإحسان إلا الإحسان وكما تُدين تُدان موضوع قيم غاليتي دمتِ بكل خير

بالفعل الوالدين نعمه لا يدركها الا من فقدها
و كما قلتي عزيزتي ، رضا الله من رضا الوالدين
اللهم اكتب لنا من البارين بهم .

[Stop Ana Eltop]

عقوق

يعنى ناس كانوا امنية حياتهم يجيبونى وربونى وكبرونى وخلونى حاجه يفتخر بيها
وكانوا بيستخسروا فى نفسهم كل حاجه علشانى والنتيجه فى الاخر دار مسنين

تسلمى لمجهودك