انا بحلم

[اندرسون]

ولو بحلم

ويقولوا كتير بلاش تحلم

هيجي اليوم عليك تندم

وترجع تاني م الاول

متحلمشي

متتعلقش

بحد وجوده ف خيالك

وخلي عنيك علي الحاضر

وعايزني اقول حاضر

منيش قايل

انا هحلم بيوم ارسم ب الواني

ويكون بيتك هو

نفس عنواني

واشوفك كل يوم اصحي

وانتي منكوشه

وفرق كبير بينك وبين الي

كانت جنبي ف الكوشه

واحبك وانتي مقموصه

وحاطه خطه مدروسه

وشكلك وانتي مفروسه

عشان بضحك

وهحلم اني وياكي

وبكتب شعر وياكي

وعايش بس ف هواكي

وبرضيكي

وشايفك لسه بضفيرتين

وحاطك جوه نن العين

وبنصلي وبعديها

انا وانتي بنفس الصوت

نقولها ... امين

وبحلم بيكي

و لو عشتي بعيد عني

انا هبقي ف بلدي غريب

ولو سالوني عن معني يكونلي حبيب

هقول بحلم ومستني

وبحلم بيكي بتربي

سما ومالك

ساعات ببعت حاجات ليكي

اكيد حاسه ... اكيد جالك

مره سلام.... مره كلام

مره بصه لعيونك

كتير بسال عن حالك واحوالك

من الاخر انا شايفك

ست الحسن

والبنانيت

ولوقالو ف يوم اسكت

كفايه كلام عن الاحلام

هتاخد يا ابني بالشلوت

انا هحلم

ومش هحلم

غير.... بالبصه ف عيونك

غير ... باللحظه ف جنونك

انا هحلم اكون ليكي

انا بيكي

اكون موجووووووود

[العاشق الذى لم يتب]

رائع الانتقاء
وعظيمة الافادة
سلمت يمناك ودمت بخير
تحياتى وودى