الكليات الخاصه

[همس الحنين]

السلام عليكم ورحمة الله وبركاته

التعليم فى بلدنا انقسم لنوعين
نوع عام ونوع تانى خاص

يعنى الكليات اصبحت ايضا بفلوسك

التعليم العام ده بمجهود الطالب نفسه تعب ودروس


مافيش منه اى قلق

نيجى على النوع التانى وهم طلاب الكاليات او المعاهد الخاصه

يعنى بالفلوس معاك فلوس تتعلم وتاخد شهاده

مش معاك يبق اكتفى بشهاده متوسطه وخلاص


هنا فى مشكله هى ايه

ان اغلب خريجى الكليات الخاصه عندهم ضعف مقدرش يحقق مجموع كبير ويلتحق بكليات عاديه

بينتج على اثرها مهندس فاشل ودكتور فاشل والفشل متلاحق لا ينتهى

سؤالى هنا

المعاهد الخاصه والاكاديميات تعتبر بلاء للبلد ولا فائده

يعنى طالب ثانوى مجموعه 70 بالميه يدخل كليه من كليات القمه لان معاه فلوس

ده مفيد ولا سيئ على المجتمع

الكليات الخاصه لها اضرار ام فوائد


احترامى للجميع

[توحد ارواح]

وعليكم السلام ورحمة الله

دى من منظومة التعليم الغلط
فعلا اللى معاه فلوس يدخل كلية قمه
وواحد تانى يبقى ناقص نص درجه بس ومش يعرف يدخل
وربما يصاب باحباط وفشل
نتيجة المستوى الاجتماعى او الظلم اللى حاسس بيه
عن نفسى حاجه تضايق جدا ومش فيها اى عدل خالص
تسلمى ع طرحكِ القيم

[phalsteen]

لا يا قلبي 70 % دول تكملي عليهم وتشتري كيس لب
وتجبيلي شوية

انا اخويا جايب 97.7 مجموعه جابله طب بشري حكومي
لكن هو عاوز تعليم خاص
ودا للمستوي والامكانيات المتوافره فيه
وللأسف دا عيب حكومه

وبالنسبة للدرجات فاحب اقولك

ان الصيله في الجامعه الروسية اخدت من 95%
يعني بفرق 1% عن التعليم الحكومي

واقل حاجة في جامعه 6 اكتوبر كان العلاج الطبيعي
واخد من 90 %

يعني الفرق بسيط
التعليم الخاص مش عيب ولا كارثه
هو اه فيه الغرض منه الماديات بس
بس منقدرش نعمم

دا هتلاقيه في المعاهد بئه والحاجات اللي بتاخد من 70 % زي ما قولتي

الكلام دا كان زمان
لكن الحكومه عدلت وقالت ان الحد الادني للكليات الخاصه
بالنسبة للطب من 85% : 95% شامل الصيدله والعلاج الطبيعي

اما الهندسه بئه فانا مش متابعه
بس احنا في بلد بيقولوا فيها لسواق التاكسي يا باشمهندس
فاكي ابو 70% لما يدخل معهد سنتين هيقوله ايه ؟

التعليم في مصر
عاوز معجزة
لو هننقد الخاص
امال الحكومه هنعمله ايه
في جامعه الزقازيق في محافظتي
الطلبه بتقول
ان المعامل بقالها سنين بايظه
ومواسير الميه مغرقه المعامل

عن نفسي ادخل فيها اخويا ازاي
دكتور يموت ميعالجش
وفضلنا الجامعه البريطانيه
بعد ما شوفناها
وحجزت قبل ما امتحاناته بشهرين
مش بسهوله زي ما انتي فاكرة

[الشـــاطىء]

من وجهة نظري ان الكليات الخاصه ليست بفكرة سيئة
لكن هي فقط تظلم من لا يستطيع تحمل مادياتها
لكن بنظرة شامله على ما يقدمه التعليم لدينا
فهو لا يستطيع ان يحكم على استمرار تفوق الطالب بحياته العمليه كما كان طالباً
فاحياناً العكس هو ما يقدمه الواقع
طالب متفوق ذهب الى كليه مرموقه لكن لا توافق ميوله النفسيه
بالطبع لن ينجح ويبدع بها
والعكس طالب لم يحصل على مجموع عالي لكن طموحه النفسي والعملي
بمجال محدد بالتأكيد سيبدع وسينجح به اكثر من غيره
لذلك انا مع وجود الكليات الخاصة وتقبل بمجاميع اقل نسبياً من كليات الدوله
على شرط ان يكون هناك اختبار يحدد مدى توافق الطالب نفسياً وعلمياً مع المجال الذي سوف يتخرج منه ... لعلنا نجد في كل مجال من يستطيعون البراعه فيه فعلاً بعيداً عن ظلم المجموع او فشل منظومة التعليم المصريه التي تحكم على طموح الطلاب
وتقبلي تقديري واحترامي
سلامي

[Aya 7ekaya]

لا بصى هو الكليات الخاصه ليها تنسيق بردو يعنى مش 70% هيدخل طب طبعا
لكن المشكله انه بيكون فى استهتار كبير
يعنى واحد حاطط ف دامغه هيدخل كليه بالفلوس غير ال تعب وسهر علشان يجيب مجموع يدخله كليه عاليه
ودلوقتى بقا اتجاه الحكومه نفسها انها تزود الاقبال ع الجامعات الخاصه علشان الشعب يدفع بقا
ماهو مفيش حاجة ببلاش خلاص لازم الشعب يشحت وبلاش تعليم

[Lamees]

معاكي حق بسنت ده بيخرج جيل فاشل
لأنهم أشتروا الشهادة ولم يحصلوا عليها بمجهودهم

شكراص للطرح بسنت

[-esraa-]

التعليم في كل البلاد العربية مش في مصر بس ،فاشل
عايز يتشال كله ويحطوا تعليم بجد ؛ يطلع فيه الدكتور دكتور والمهندس مهندس
أعرف واحدة شخصياً مش بتروح مدرسة وﻻ اي حاجة وراحت مدرسة خاصة حطتلهم عالمكتب كام ألف وعملولها شهادة بنسبة 90% :d بس مش في مصر
الخاص بيظلم ناس كتير بجد المفروض يكون المجموع نفسه بس الاختلاف في الإمكانيات^^
ربنا يصلح الحال


تسلمي يا جميلة على الطرح :/

[همس الحنين]

اقتباس المشاركة الأصلية كتبت بواسطة توحد ارواح وعليكم السلام ورحمة الله دى من منظومة التعليم الغلط فعلا اللى معاه فلوس يدخل كلية قمه وواحد تانى يبقى ناقص نص درجه بس ومش يعرف يدخل وربما يصاب باحباط وفشل نتيجة المستوى الاجتماعى او الظلم اللى حاسس بيه عن نفسى حاجه تضايق جدا ومش فيها اى عدل خالص تسلمى ع طرحكِ القيم

بصراحه يا توحد ساعات بشعر بقهر لما يكون طلاب ناجحين بالفلس

والاصعب وقت التعين يكون مفروض تقديرات امتياز اربع سنوات وميتعينش معيد

كثيرا جدا ظلم فى التعليم

تسلمى توحد

[انت احلى الناس]

فعلا بقينا بس بنعمل كل حاجه بالفلوس
انا رائ انو الكليات الخاصه بتعمل فشل كبير في الاجيال لما واحد جايب 70 بالميه وواحد جايب معدل عالي جدا وصاحب المعدل القليل يدخل كليه والتاني صاحب المعدل العالي يقعد من غير ما يكمل بسبب الكليه الخاصه والفلوس يبقا كدا الدنيا خربت خالص

تحيااااااااتي

[همس الحنين]

اقتباس المشاركة الأصلية كتبت بواسطة nefertiti لا يا قلبي 70 % دول تكملي عليهم وتشتري كيس لب وتجبيلي شوية انا اخويا جايب 97.7 مجموعه جابله طب بشري حكومي لكن هو عاوز تعليم خاص ودا للمستوي والامكانيات المتوافره فيه وللأسف دا عيب حكومه وبالنسبة للدرجات فاحب اقولك ان الصيله في الجامعه الروسية اخدت من 95% يعني بفرق 1% عن التعليم الحكومي واقل حاجة في جامعه 6 اكتوبر كان العلاج الطبيعي واخد من 90 % يعني الفرق بسيط التعليم الخاص مش عيب ولا كارثه هو اه فيه الغرض منه الماديات بس بس منقدرش نعمم دا هتلاقيه في المعاهد بئه والحاجات اللي بتاخد من 70 % زي ما قولتي الكلام دا كان زمان لكن الحكومه عدلت وقالت ان الحد الادني للكليات الخاصه بالنسبة للطب من 85% : 95% شامل الصيدله والعلاج الطبيعي اما الهندسه بئه فانا مش متابعه بس احنا في بلد بيقولوا فيها لسواق التاكسي يا باشمهندس فاكي ابو 70% لما يدخل معهد سنتين هيقوله ايه ؟ التعليم في مصر عاوز معجزة لو هننقد الخاص امال الحكومه هنعمله ايه في جامعه الزقازيق في محافظتي الطلبه بتقول ان المعامل بقالها سنين بايظه ومواسير الميه مغرقه المعامل عن نفسي ادخل فيها اخويا ازاي دكتور يموت ميعالجش وفضلنا الجامعه البريطانيه بعد ما شوفناها وحجزت قبل ما امتحاناته بشهرين مش بسهوله زي ما انتي فاكرة

اه عارفه يا سما انه تم تعديل النسب

بس عندك معاهد او اكادميات بيصل مبلغ التقيم فيها 40000 سنويا

ده مش داخل بمجموعه بس ده داخل ببفلوسه

لان مجموعه مجابش كليه عاديه

ده اللى بقصده مش كافة التعليم الخاص

طيب السنه دى ابن خالتى جاب 83فى الميه ودخل هندسه بس دفع 25000 جنيه

دى مبالغ محدش يقدر عليها غير فئات معينه

فهمت بقصد مين

شكرا يا قمر والمره الجايه اجبلك لب وعصير ونسهر للصبح