الشباب والمخدرات (ت مسابقة الاقلام المميزه)

[توحد ارواح]

السلام عليكم ورحمة الله احنا عارفين طبعا ان الشباب بيمثلوا نسبه كبيره من المجتمع وهم قوام الحياه وعصب الامه وسر النهضه والقوه واذا فسد الشباب فسدت الامه ولذلك وجب علينا ان نسلط الضوء ع العوامل التى تؤدى الى الهلاك والدمار للشباب فبعض الشباب للاسف اصبح بعيد جدا عن الدين التى هو الاساس المتين التى يجب على كل مسلم ان يبنى عليه حياته وعوامل الانحراف عند الشباب كثيره منها المخدرات بكل اشكالها وانواعها و هى من اشد العوامل التى ادت الى انحراف الشباب المسلم وللاسف كثير من الشباب يلجأ اليها والقليل من سلم منها وهى مشكله كبيره جدا و بعض المدمنين ع المخدرات يعتقد بتحريم الخمر فقط ويقول ان المخدرات ليست محرمه لانه لم يورد بها نص صريح من الكتاب والسنه ولكنها بالفعل محرمه لانها تغيب العقل وتهيأ صاحبها الى فعل الكبائر والجرائم ولو جينا نشوف ليه الشباب بيقبلوا عليها ؟ كطريقه للهروب من الواقع لانه عاوز يعيش ف عالم تانى حتى لو كان وهمى بعيد عن اى مشاكل او هموم صغيره كانت او كبيره و اكيد الاهل بيلاحظوا عليه تغيرات ملحوظه من ناحية مستواه الدراسى بعد ان كان متفوق بيرسب ف بعض المواد ولم يعد عنده اى قابليه للمذاكره وكمان تغيير اصدقاءه بيبدأ يعرف نوعه تانيه من اصدقاء السوء وكتير يلجأ للسرقه سواء من البيت او من بره علشان يقدر يجيب المخدر لانه اصبح ضرورى بالنسبه له غير كمان تغير سلوكه عموما وبيكون عصبى وحساس لاقصى درجه وبيقل نشاطه جدا ويصاب بالتبلد والخمول وعلشان الاهل يقدروا يحلوا المشكله دى بسرعه قبل تفاقمها وتوصل لمدى بعيد المفروض انهم مش يسيبوه كدا اول ما يلاحظوا عليه اى تغيرات يحتووه واقامة حوار متبادل بينهم والتوعية بخطورة ما هو مقدم عليه واهم حاجه تقوية الوازع الدينى داخله وقانا الله واياكم من شرورها