انا عاوزة اعنس يسعدك ,,, اتشك اتشك

[phalsteen]

انا عاوزة اعنس يسعدك ,,, اتشك اتشك

تحت حمله باسم

انا عاوزة اعنس


والعنوسه حق مكفول للجميع
وكنت فين يا عقلي لما اتشنكل قلبي
وجتها 60 نيله اللي تقول يا جواز
واللي خدته القرعه
واولها حب واخرها خلع
وبكرة تعرف كل بنت ان لقب عانس احلي مليون مرة
من لقب سفاحه لما صورتها تنزل في الصفحه الاولي
قتلت جوزها علي انغام اغنية اخرت الجواز

عانس

يعني هنام في اوضتي لوش الضهر
ولما ماما صحتني اصرخ واقول



هو مفيش في البيت غير محروقه
عليا وعلي سنيني السودة
فين بابا يجي ياخد الوليه دي


بدل ما تلاقي نفسك محاطه ومتحاصره
بسور الصين العظيم نايم جنبك
يا تفطسي من الحر يا من الحبسه
وان لله وان اليه راجعون
ولو اتكلمتي هيقول عليكي هبله
والف مين هيصدقه


كائنات تعشق الفضايح

ولو نمتي هتلاقيه بيتفنن انه يصحيكي
قومي يا هانم الواد بيعيط
قومي يختي بقينا الضهر
قومي يا هانم انا جعان
قومي افتح الباب

ياكش تولع يا بعيد
انا مكنش طموحي ابقي البيه البواب


وانتي عانس يختي هتشوفي
حلقه نور ومهند 14 مرة
وكل مرة هتحلمي بالمحروس
وتعشيلي فيها دور السندريلا

لكان لو كنتي من المفروسين في الارض
اول ما المسلسل يشتغل
البيه هيظبط طلباته ويشغل الاسطوانه ايها

اهي لو مش عارفها

اهي المسلسلات دي اللي جيبانا ورا
انتي مقتنعه يعني انه راجل بالهيافه دي
يا بنتي مفيش اوسم من الراجل المصري
ارضي بنصيبك وبلاش دلع
ال مهند ال
طب انا ولا هو

ايوة بئه يا خويا
طلع اللي في قلبك
ال انت ولا مهند
انت يدوب نبوسك ونحطك جنب الحيطه

ملاحظة:
الموضوع ليس له علاقه
بحياتي الشخصيه
فبليز الربط هنا يزعجني

just fun

[شهيده تحت الطلب]

كرهتينا في حاجه اسمها جواز
بس لسه بدري الحمدلله
ربنا معاكوا يا متجوزين

وع فكره اسمها اشك اشك مش اتشك اتشك اطنط سما

[™Amiliya]

هههههههههههه تصدقي عايزة اعنس ايه كل دا بس خوفتيني

عارفة اكتر حاجة مزعجاني من الموضوع بتاع الجواز دا بياكل ازاي ؟ وبيعمل صوت في الاكل ولا
وبياكل ويفتح بوقو ولا ههههههههه ولما بيصحى من النوم بيغسل سنانو ووشو ولا بعد ميقعد قدام التلفزيون

يالله وحياتي انصحينا يااوختي بليز

[حـيـــــآة ❤]

ههههههههه إنتي كده عنستي كل بنات منتدى بنات مصر
بﻵ جوآز بﻵ نيله صحيح
نايس خزعبﻵيه ي قمر

[phalsteen]

اقتباس المشاركة الأصلية كتبت بواسطة شهيده تحت الطلب كرهتينا في حاجه اسمها جواز بس لسه بدري الحمدلله ربنا معاكوا يا متجوزين وع فكره اسمها اشك اشك مش اتشك اتشك اطنط سما

ههههههه
اي حاجة بئه يا جيجي
اتشك احلي

[phalsteen]

اقتباس المشاركة الأصلية كتبت بواسطة ايميليا هههههههههههه تصدقي عايزة اعنس ايه كل دا بس خوفتيني عارفة اكتر حاجة مزعجاني من الموضوع بتاع الجواز دا بياكل ازاي ؟ وبيعمل صوت في الاكل ولا وبياكل ويفتح بوقو ولا ههههههههه ولما بيصحى من النوم بيغسل سنانو ووشو ولا بعد ميقعد قدام التلفزيون يالله وحياتي انصحينا يااوختي بليز

لا الكائنات دي تلاقيها في الارانب
مش في الرجاله ايمي
حرام عليكي

[phalsteen]

اقتباس المشاركة الأصلية كتبت بواسطة °ﻵ يفهمني سوآي° ههههههههه إنتي كده عنستي كل بنات منتدى بنات مصر بﻵ جوآز بﻵ نيله صحيح نايس خزعبﻵيه ي قمر

واهو هو ا المطلوب اثباته
نورتي هاكر

[ساحر الأحزان]

يعنى على شان اتزوجتى

عازة البنات تعنس

اهه منك قلب ملون حمنى

[العاشق الذى لم يتب]

كنت ناوى اتجوز
قرتت اعنس
عليا الفطيس من كل اللى تتنفس تفطس
ماانامجوز ابدا
وبطلت احب
وراح اشتغل مسحراتى احسن
وهرفع ىعليك قضية
لوشغلانة المسحراتى مانفعتش

[A-rab3awya]

هههههههه

حلوة النصايح ديه،،،

مالها العنوسه يعنى،،! ماهى زى الفل اهى

خزعبلات جااامده،،،

تحياتى يا قمر،،