ترضى تعمل كده يا كابتن

[Fatma Fareed]

سلامووو عليكووو

النهارده شووفت حاجه غريبه جدا
احكيلكوا

كنت قاعده للاسف بذاكر
وانا حاطه موكتبى جمب الشباك لزق علشان اعرف كل كبيره وصغيره بتحصل فى الشارع

لمحت بعينيا كده ابن الجيران واقف فى البلكونه
وبيلم الغسيل قولت عادى يمكن بياخد حاجه معينه وهيدخل
لقيته اخده كله .. قولت عادى بردو يمكن قال اخدهم بالمره
5 دقايق لمحته تانى
بس المرادى كان بينشر الغسيل
وباحتراف كمان اندهشت جداااا
معقول فى رجاله كده
رغم ان مرآته صاحيه لانهم كانوا لسه راجعيين من بره مانا متابعه بقاا :d

المهم بقاااا سؤال هيجننى
هو فى كده فعلا ...؟
وانتا كراجل ترضى تنشر الغسيل لمراتك .. ولا هتعتبرها مش رجوله وبتاع ..؟



اتحفونى بالاجابات يمكن نغير رأينا فى الجواز ولا حاجه

[ساحر الأحزان]

انتى حاطة مكتبك جار الشارع

شغالة مخبر تحريات؟

ومالة مش عيب

هو لم الغسيل ونشرة

ولا غسل الغسيل اصعب؟

لعلمك حاجة سهلة

بسى قيمتها كبيرة عندها أن جوزها بيساعدها

ودة الى بيزيد التقارب والمحبة بينهم

[Fatma Fareed]

اقتباس المشاركة الأصلية كتبت بواسطة ساحر الأحزان انتى حاطة مكتبك جار الشارع شغالة مخبر تحريات؟ ومالة مش عيب هو لم الغسيل ونشرة ولا غسل الغسيل اصعب؟ لعلمك حاجة سهلة بسى قيمتها كبيرة عندها أن جوزها بيساعدها ودة الى بيزيد التقارب والمحبة بينهم

هههههههههههههه
طبعا لازم يعرفوا ان الشارع ده ليه كبير

تمام هى حاجه سهله بس قليل جدا للاسف اللى بيعملوا كده

تسلمى على مرورك الجميل
نورتنى

[الآمير العآشق]

رغم ان مرآته صاحيه لانهم كانوا لسه راجعيين من بره مانا متابعه بقاا :d

متابعهـ ياتري البت دي متابعهـ ليهـ !!
يلا احنا مالنا / ان الله حليم ستار

بصي ياقمر انا عن نفسي عادي
انا عادي ممكن احط هدومي بنفسي ف الغساله
وبردو بنشرها بنفسي / هو يمكن موش بالبلكون
يحني البلكون كبير وبنشرها جوا البلكون
او علي منشر بتتفرد جوا البيت
بس موش شايف فيها اي احراج
وحتي ان شاء الله / بردو هساعد زوجتي
وموش بس ف النشر وكووماان حتي بالمطبخ
اساعدها عادي / خصوصا اني هوايتي الطبخ
وممكن اقسم معها ايام الاسبوع كل واحد يطبخ يوم
يحني انا من وجهة نظري شي عادي جدا
وموش فيها اي احراج للرجل
الا بئا لو واحد مقفل شوي /
دا ممكن ممكن يشوفها عيب
او موش بيحب زوجته وبيتلكك بكلمة رجوله
عشان يعفي نفسوو من مساعدتها

طرح راقي وجميل توتي
دمتي متالقهـ

[Fatma Fareed]

اقتباس المشاركة الأصلية كتبت بواسطة الآمير العآشق رغم ان مرآته صاحيه لانهم كانوا لسه راجعيين من بره مانا متابعه بقاا :d متابعهـ ياتري البت دي متابعهـ ليهـ !! يلا احنا مالنا / ان الله حليم ستار بصي ياقمر انا عن نفسي عادي انا عادي ممكن احط هدومي بنفسي ف الغساله وبردو بنشرها بنفسي / هو يمكن موش بالبلكون يحني البلكون كبير وبنشرها جوا البلكون او علي منشر بتتفرد جوا البيت بس موش شايف فيها اي احراج وحتي ان شاء الله / بردو هساعد زوجتي وموش بس ف النشر وكووماان حتي بالمطبخ اساعدها عادي / خصوصا اني هوايتي الطبخ وممكن اقسم معها ايام الاسبوع كل واحد يطبخ يوم يحني انا من وجهة نظري شي عادي جدا وموش فيها اي احراج للرجل الا بئا لو واحد مقفل شوي / دا ممكن ممكن يشوفها عيب او موش بيحب زوجته وبيتلكك بكلمة رجوله عشان يعفي نفسوو من مساعدتها طرح راقي وجميل توتي دمتي متالقهـ

ههههههههههههههه
يااابنى المراقبه دى فن

يااااااااه انتا بتعمل كده .. انا منبهره

كلكوا بتقولوا كده قبل الجوااااز
وبعدها بشهر بتتحولوا طلبات بقا ونرفزه وفقع مراره

اجابتك مبشره بالخيير يا ماجد للبناويت وربنا يسترر بقا

منوررنى بردك الجميل

[Lamees]

مفيهاش حاجة بتزيده رجولة ومش هتقلل منه ابداً
المهم انه يحس بشريكة حياته والحياة بينهم مشاركة

شكراً للطرح

[شهيده تحت الطلب]

طب هقولك عاللي يجننك اكتر بقي
احنا عندنا في البلد
استاذ مبيخرجش مراته خااااالص
هو اللي بيروح يتسوق وولاده بينشروا ويلموا الغسيل
المهم ان مراته دي مبتخرجش خالص

ممكن يا ستي تكون مراته كانت تعبانه يعني ولا حاجه
فخرج لم ونشر بدالها
الله اعلم

[حـيـــــآة ❤]

هههههههه راقبي راقبي
عادي على فكره
بس النوع ده قليل جدا جدا
أمال البنات بتعنس لييه
تسلمي توتا

[A-rab3awya]

بالعكس ديه حاجه جميله حتى،،

وف ناس كتير بيعملوا كده بالذات لو متجوزين جديد،،

الله اعلم هيستمر ولا ،،،؟؟!

تسلمى ع مجهودك و حضورك الجميل دة



وشدى حيلك كده وسيبك من المراقبه^_^

[big bốss]

انتى بتذاكرى و لآ شغاله رادار مراقبه

عامتآ الراجل أنه يساعد زوجته امر عادى و محمود

لكن متكنش هى قاعده بتتفرج على التلفزيون و حضرته يروح ينشر الغسيل كدا مرفوض

هو يساعدها لو كانت تعبانه او بتعمل كذا حاجه وقت واحد فبيساعد

يعنى مينفعش نبدل الادوار

اما المساعده فدا شىء كويس

و ذاكرى يا فاطمه