الكتابة على الجدران ....مسابقة كدة غلط

[SaMa.]

من سنين كتير والكتابة على الجدران منتشره فى شوارع مصر وزادت بشكل اكبر من بعد الثورة وبتكون على شكل عبارت ثورية او شتيمة وهجوم على حاجة معترضين عليها فى البلد شخصيه او قانون اتعمل وكمان فيها تابع للفرق الرياضية شتيمة لاعب او تشجيع لفريقهم وفيه الل دمها خفيف وتلاقيها كلام حب على الشجر او على حيطان وكراسي المترو ضيفوا على كل دول ايام الانتخابات غير الكتابه تلاقيهم بيحطوا صور دعاية للمرشحين سعات بيتحط صور على صور وكتابه تشوة الل قبلها وألفاظ تخدش حياء الل مارين فى الشارع ظاهرة لاحضارية وبتشوة المبانى والبيوت كمان بدأت تبقا على العربيات وفيها تعدى على حق الغير سواء كان صاحب البيت او المدرسة ده نوع من الكتابه والرسم على الجدران فيه نوع تانى هو الجرافيتى بيكون منظم اكتر وفيه فن فى التعبير فيك تعبر عن الل جواك من غير ماتسيىء لحد وف نفس الوقت هاتجمل مدينتك والجدران هاتبقى زى لوحة فنية يرتاح ليها النظر لكن فيه الل ما بيوافقش حتى عليها وعاوز يمنعها اسئلة للنقاش ايه رايك فى اللى بيشوة الجدران سواء كان بيؤيد شخص او بيشتمه؟ وايه رايك هل الجرافيتى افضل ولاالاحسن يتمنع النوعين؟ وازاى نقضى على مشكلة زى دى هل نساهم ونمسح الكتابة ؟ ولافيها تعدى على التعبير عن الرأى؟ http://banatmisr.com/up3/uploads/140872024052.jpg

[ساحر الأحزان]

الكتابة على الجدران

بتعمل على تشوية المنظر الجمالى

للمكان


الدعاية او الكتابة هنا بتعتبر مظهر غير حضارى فى الشكل

لان دلوقتى وسائل الدعاية تطورت

للافضل والاجمل

وهنا وضع غرامة كبيرة وأصدار قانون بيكون افضل لمنع التشوية

والمحافظة على جمال ونظافة الاماكن

ظريف موضوعك سما

[SaMa.]

الغرامة ممكنةلو شايفينو لكن الل بيكتب ويجرى دى مشكله
وزى م قولت بتشوة منظر البلد
ثانكس ساحر ع الرد

[حـيـــــآة ❤]

الكتابه ع الجدران دي وعند البعض وسيله من وسائل الفضفضه
فأنا بأقترح أن الي بيكتب ع الجدار ده يكتب ف ةرق أو يكون عنده مذكره للفضفضه فيها
بدﻵ من اتﻵف اﻷموال الحكوميه...
تسلمي ع الموضوع ي جميله
تقبلي مروري
موفقه يارب

[شاعر الحب الحزين]

الطريق له حق علينا

السؤال هنا هو اللي بيخربش ع الحيطان ف الشوارع ده

يقدر يخربش ع الحيطان اللي ف بيته ؟ لا طبعا ميقدرش

يبقى اللي ما تقبلهوش لنفسك ما تقبلهوش لغيرك

خصوصا اللي بيكتبوا ألفاظ مخلة بالآداب يعني عيب عيب

سما موضوعك جميل جدا للنقاش فيه

تسلمي وفعلا كده غلط

ربنا يوفقك

احترامي

[Aya 7ekaya]

بصى فى رسم وكتابه بتدى منظر حلو للجدران دى مقبوله يعنى زى ايام ثورة يناير مثلا رسومات الشهداء والحاجات دى
لكن الرسم الفردى او حتى اللى بنشوفه فى المدرسه وكده ده او الجامعات هو اللى غلط وبيشوة المنظر بشكل كبير
تسلمى ي قمر ع التوبيك
وبالتوفيق

[big bốss]

هو أسلوب غير حضارى و اخلاقى بالمره

ان يتم تشويه الحيطان بعبارات هجوم سياسيه او انتخابات او اعلانات تجاريه ...الخ

المفروض يكون فيه اماكن و لوحات مخصصه للأعلانات

اما الهجوم السياسيه بالكتابه على الحوائط فدا غلط

و بيشوه صورة الشارع و البلد ككل

و المفروض يكون فيه قانون رادع للفعل دا

موضوع جميل سما

بالتوفيق فى المسابقه

[SaMa.]

ثانكس ع النقاش واراءكم
وفعلا مظهر غير حضار ى ولو ف ايطار التجميل ولوحات فنيه
اكيد هاتكون احلى
والحل لازم من جوانا وكل واحد يبدأ بنفسو